2 Kronika 7:20 - ŊMALƐ KRƆŊKRƆŊ LƐ

²⁰ no lɛ mibashwie nyɛ kɛje shikpɔŋ ni mikɛhã nyɛ nɛɛ nɔ, ni Sɔlemɔtsu nɛɛ ni mitsuu he mifee lɛ krɔŋkrɔŋ koni aja mi yɛ mli lɛ hu mibabule lɛ koni etsɔ̃ amaŋfɔ̃, ni majimaji fɛɛ kɛaabu abɛ, ni abaanyɛ lɛ.

Ṅmãle̱ Kroṅkroṅ Le̱

²⁰ no le̱ mafãmo̱ame̱ ke̱ ame̱šišifãi ke̱-dše̱ mišikpoṅ ní miṅõ-hãame̱ le̱ no̱, ni ne̱ke̱ šĩa ne̱ ni mifele̱ kroṅkroṅ mihã migbe̱i le̱, maše̱le̱ mafō ke̱-adše mihĩe, ni maṅõle̱ mafe *abe̱būnõ ke̱ kpā-lamo̱-nõ ye̱ mãdšimãdši fẽ ateṅ. *5 Mose 28,27.

2 Kronika 7:20 ပူးပေါင်းရင်းမြစ်များ

1 Maŋtsɛmɛi 14:15

Yehowa aaatswia Israel nii, tamɔ ahosoɔ glã yɛ faa mli lɛ, ni eeefã Israel kɛjɛ nɛkɛ shikpɔŋ kpakpa ni ekɛhã etsɛmɛi lɛ nɔ. Yehowa baagbɛ amɛ eshwã Eufrate Faa lɛ sɛɛ; ejaakɛ amɛfee Ashera wɔŋ lɛ amãgãi, ni amɛkɛwo Yehowa mli la.

1 Maŋtsɛmɛi 9:7

no lɛ makpãtã Israel hiɛ kɛje shikpɔŋ ni miŋɔ hã amɛ lɛ nɔ. Makwa nɛkɛ Sɔlemɔ we nɛɛ ni mifee lɛ krɔŋkrɔŋ mihã mihe akɛ jɛi aaaja mi yɛ lɛ. Mɛi aaaye Israel he fɛo, ni eeetsɔ̃ nyaŋemɔnɔ yɛ maji krokomɛi ateŋ.

2 Maŋtsɛmɛi 17:20

No hewɔ lɛ, Yehowa kwa Israel kɛ Yuda shwiei lɛ fɛɛ, ni ehã amɛna amanehulu, ni egbala amɛtoi, ni etu amɛ ewo nihalɔi adɛŋ kɛyashi beyinɔ ni eshwie amɛ kɛjɛ ehiɛ.

2 Kronika 36:19

Ema Sɔlemɔ we lɛ naa la ni eshã lɛ, ni ekumɔ Yerusalɛm he gbogbo lɛ eshwie shi. No sɛɛ lɛ, ema maŋ muu lɛ naa la ni eshã lɛ kɛ emli mɔji fɛɛfɛji lɛ kɛ jwetrii fɛɛ.

Lalai 44:14

Ohã wɔtsɔ̃mɔ mɛi ni abuuu amɛ yɛ majimaji lɛ ateŋ; wɔtsɔ̃mɔ hefɛoyelinii wɔhã majimaji lɛ.

Lalai 52:5

Shi Nyɔŋmɔ kɛ bo aaatswa shi; ni oteŋ shi dɔŋŋ kɔkɔɔkɔ. Ebaasha bo kɛjɛ obuu lɛ mli, ni ebaatserɛ omli. Ebaafã bo kɛ oshishi fã kɛaaje hiɛkãalɔi ashikpɔŋ lɛ nɔ.

Yeremia 12:17

Shi kɛji maŋ ko booo toi lɛ, no lɛ mafã nakai maŋ lɛ kɛ eshishi fɛɛ, ni mibakpãtã ehiɛ. Mi, Yehowa, mikɛɛ.”

Yeremia 16:13

No hewɔ lɛ, mashɛrɛ nyɛ kɛje shikpɔŋ nɛɛ nɔ mashwie shikpɔŋ ko nɔ, he ni nyɛ kɛ nyɛtsɛmɛi lɛ tete leee koni nyɛyasɔ̃mɔ nyɔŋmɔi krokomɛi shwaneshwane kɛ nyɔɔŋnyɔɔŋ fɛɛ yɛ jɛi, ejaakɛ minaŋ nyɛ mɔbɔ.’ ”

Yeremia 18:7

Be fɛɛ be ni makɛɛ yɛ maŋ ko loo maŋtsɛyeli ko he akɛ mafã lɛ kɛ eshishi fɛɛ koni majwara lɛ wɔtsɔwɔtsɔ lɛ,

Yeremia 22:8

“Ni majimaji anɔ bii pii aaabatsɔ̃ maŋ nɛɛ he kɛho, ni amɛteŋ mɔ fɛɛ mɔ aaabi akɛ, ‘Mɛni hewɔ ni Yehowa fee maŋ kpeteŋkple nɛɛ nɛkɛ nɛɛ?’

Yeremia 24:9

Mibahã amɛtsɔ̃ gbeyei nɔ amɛhã shikpɔŋ lɛ nɔ maŋtsɛyelihei fɛɛ; ni abaaye amɛhe fɛo, ni abaabɔ amɛ ahora, ni amɛbaatsɔ̃mɔ mɛi ni alomɔ amɛ yɛ hei fɛɛ ni mibagbɛ amɛ mashwã kɛya lɛ.

Yeremia 31:28

Ni ebaaba mli akɛ bɔ ni mishi amɛhe kpe ni mifamɔ amɛ mishwie, ni mikumɔ amɛ mishwie shi, ni mibutu amɛ, ni mikpãtã amɛhiɛ ni mifee amɛ efɔŋ lɛ, nakai nɔŋŋ kɛ̃ mashi amɛhe kpe ni matɛo amɛ, ni matswa amɛ mama shi.

Yeremia 44:8

Mɛɛba nyɛkɛ nyɛninenaa nitsumɔi woɔ mimli la? Nyɛshãa tsofakɛŋma nyɛhãa nyɔŋmɔi krokomɛi yɛ Ijipt shikpɔŋ nɔ he ni nyɛba nyɛbato gbɔ yɛ lɛ ni nyɛhiɛ akpãtã bɔ ni afee ni jeŋ majimaji lɛ abɔ nyɛ ahora, ni atsɛ nyɛ gbɛi akɛlomɔ lo?

Yeremia 45:4

Bɔ ni okɛɛ Baruk nɛ. Nɔ ni, Yehowa kɛɛ nɛ, “Naa, nii ni mima mima shi lɛ, mi nɔŋŋ miikumɔ mashwie shi, ni nii ni mi nɔŋŋ mitɛo lɛ, miifamɔ mashwie. Nakai ji bɔ ni mikɛ shikpɔŋ muu lɛ fɛɛ yeɔ nɛɛ.

Ezekiel 7:24

mahã majimaji lɛ ateŋ mɛi fɔ̃ji fe fɛɛ abaŋɔ amɛshĩai lɛ amɛfee amɛnɔ. Mibafo amɛhewalɛ ni amɛkɛshwãa lɛ sɛɛ; ni aaabule amɛhei krɔŋkrɔŋi lɛ.

4 Mose 32:15

Kɛji nyɛkwa Yehowa lɛ, lɛ hu eeekwa maŋ lɛ yɛ shiaŋa lɛ nɔ, ni belɛ nyɛaakpãtã Israel maŋ muu nɛɛ fɛɛ hiɛ.”

5 Mose 28:37

Oootsɔ̃ gbeyei nɔ kɛ naakpɛɛ nɔ ni akɛbaabu abɛ yɛ maji amli he ni Yehowa kɛ bo aaatee lɛ.

5 Mose 29:28

Kɛkɛ ni Yehowa gri, ni efã amɛ yɛ emlifu kɛ emlila lɛ naa, ni eshɛrɛ amɛ eshwie maŋsɛɛ shikpɔŋ ko nɔ tamɔ bɔ ni eyɔɔ ŋmɛnɛ gbi nɛɛ lɛ.’

Yuda 1:12

Mɛnɛɛmɛi ji mɛi ni woɔ nyɛsuɔmɔ niyenii lɛ ahe muji, ejaakɛ amɛkɛ nyɛ yeɔ nii ni amɛsheee gbeyei. Ni amɛ diɛŋtsɛ amɛhe amɛlɛlɛɔ. Atatui ni nu bɛ amɛmli ni kɔɔyɔɔ kpalaa amɛ kɛbɔleɔ shi ji amɛ. Tsei ni yibiiwoo be mli lɛ amɛwooo yibii, shi amɛgboi shii enyɔ ni afãmɔ amɛ kɛ amɛshishifãi.