2 Kronika 7:2 - ŊMALƐ KRƆŊKRƆŊ LƐ

² Yehowa anunyam la nɛɛ ni eyi Sɔlemɔtsu lɛ hewɔ lɛ, osɔfoi lɛ nyɛɛɛ Yehowa Sɔlemɔtsu lɛ mli abote.

Ṅmãle̱ Kroṅkroṅ Le̱

² Ni oso̱foi le̱ nyẽẽ Iehowa šĩa le̱ abote, edšake̱ Iehowa anumnyam le̱ eyi Iehowa šĩa le̱ obõ.

2 Kronika 7:2 ပူးပေါင်းရင်းမြစ်များ

1 Maŋtsɛmɛi 8:10

Ni eba mli akɛ be ni osɔfoi lɛ je He Krɔŋkrɔŋ lɛ mli lɛ, atatu bayi Yehowa We lɛ mli.

2 Kronika 5:13

Tɛtɛrɛmantɛrɛkpãlɔi nɛɛ kɛ lalatsɛmɛi lɛ anitsumɔ ji akɛ amɛla kɛjie Yehowa yi, asaŋ kɛda lɛ shi hu. Be ni osɔfoi lɛ je kpo nɔŋŋ yɛ He Krɔŋkrɔŋ Fe Fɛɛ lɛ, kɛkɛ ni Levibii lɛ wo lala nɔ kɛ tɛtɛrɛmantɛrɛi kɛ ŋmɛji kɛ saŋkui srɔtoi, ni amɛ jie Yehowa yi amɛkɛɛ, “Yehowa hi, ejaakɛ emɔbɔnalɛ sɛɛ efooo, emɔbɔnalɛ lɛ yɛ kɛmiiya naanɔ.” Kɛkɛ ni atatu bayi Yehowa Sɔlemɔtsu lɛŋ obɔ̃;

2 Kronika 5:14

ni atatu lɛ hewɔ lɛ osɔfoi lɛ nyɛɛɛ shi amɛdamɔ kɛsɔmɔ dɔŋŋ ejaakɛ Yehowa anunyam ni kpɛlɛɔ nyramnyram lɛ eyi Sɔlemɔtsu lɛ obɔ.

Lalai 26:8

Oo Yehowa, misumɔɔ owe he ni ohiɔ lɛ, kɛ he ni onunyam lɛ yɔɔ lɛ.

2 Mose 24:17

Yehowa anunyam lɛ, kɛji Israelbii lɛ miikwɛ lɛ, amɛnaa lɛ yɛ gɔŋ lɛ yiteŋ tamɔ la grigri ni kpãtãa nii ahiɛ.

Yesaia 6:5

Kɛkɛ ni mikɛɛ akɛ, “Kpoo hã mi, shi milaaje! Ejaakɛ gbɔmɔ ni naabu he tseee ji mi; ni miyɛ maŋ ni emli bii awiemɔi ahe tseee ateŋ, ejaakɛ mihiŋmɛii ena maŋtsɛ ni ji Yehowa, Taiatsɛ lɛ!”

Kpojiemɔ 15:8

Ni Sɔlemɔtsu lɛ yi obɔ̃ kɛ lasu ni jɛ Nyɔŋmɔ anunyam lɛ kɛ ehewalɛ lɛ mli lɛ, ni mɔ ko nyɛ̃ɛɛ Sɔlemɔtsu lɛ mli abote kɛyashi beyinɔ ni aaagbe bɔfoi kpawo lɛ ahaomɔi kpawo lɛ anaa.