2 Kronika 7:14 - ŊMALƐ KRƆŊKRƆŊ LƐ

¹⁴ kɛji mimaŋbii lɛ, ni ji mi diɛŋtsɛ minii lɛ, ba amɛhe shi amɛhã mi, ni amɛsɔle amɛkpa fai, ni amɛtao misɛɛgbɛ, ni amɛje amɛhe sɛɛ ni amɛkpa amɛshihilɛ gbohii lɛ, no lɛ mi hu majɛ ŋwɛi mabo amɛ toi, ni mikɛ amɛtɔ̃mɔi lɛ aaafa amɛ, ni mahã amɛshikpɔŋ lɛ ashwere ekoŋŋ.

Ṅmãle̱ Kroṅkroṅ Le̱

¹⁴ ni mimaṅ ni aṅõ migbe̱i ewoame le̱ ba ame̱be ši, ni ame̱kpa fai, ni ame̱tao mihĩegbe̱, ni ame̱kpale ke̱-dše̱ ame̱-gbè̱i fõdši le̱ ano̱ le̱: no le̱ mi hũ madše̱ ṅwei mabo toi, ni maṅõ ame̱be ešai le̱ mafaame̱, ni matšá ame̱šikpoṅ le̱.

2 Kronika 7:14 ပူးပေါင်းရင်းမြစ်များ

2 Kronika 20:3

Yehoshafat she gbeyei. No hewɔ lɛ, eto eyiŋ akɛ eeesɔle kɛbi Yehowa dɛŋ yelikɛbuamɔ. Enɛ hã efã akɛ ahi ŋmaa yɛ Yuda shikpɔŋ lɛ nɔ fɛɛ.

2 Kronika 20:4

Kɛkɛ ni Yudabii jɛjɛɛ Yuda maji wuji lɛ fɛɛ amli amɛbabua amɛhe naa yɛ Yerusalɛm koni atao Yehowa dɛŋ yelikɛbuamɔ.

2 Kronika 6:27

no lɛ jɛɛ ŋwɛi ni okɛ omaŋ Israel tɔ̃mɔ lɛ afa amɛ, asaŋ otsɔ̃ɔ amɛ bɔ ni amɛaatsɔ̃ amɛba amɛjeŋ jogbaŋŋ amɛhã koni ohã nu anɛ shikpɔŋ ni okɛhã omaŋ lɛ akɛ amɛnɔ lɛ nɔ.

2 Kronika 6:30

jɛɛ ŋwɛi ni ji oshihilɛhe lɛ obo toi ni okɛfa. Bo pɛ ole gbɔmɔ yitsoŋ, no hewɔ lɛ, okɛ mɔ fɛɛ mɔ aye bɔ ni sa mɔ lɛ,

2 Kronika 6:33

jɛɛ ŋwɛi, ni ji oshihilɛhe lɛ, obo lɛ toi. Ofee nibii fɛɛ ni gbɔ lɛ kpaa he fai lɛ ohã lɛ, bɔ ni afee koni jeŋ gbɔmɛi fɛɛ anu ogbɛi lɛ he koni amɛshe bo gbeyei tamɔ omaŋ Israel sheɔ Bo lɛ, asaŋ koni amɛna amɛle akɛ Bo lɛɛlɛŋ ajaa yɛ Sɔlemɔtsu ni mima nɛɛ mli lɛ.

Lalai 27:8

Owiemɔ lɛ kɛɔ akɛ, “Nyɛtaoa mihiɛgbɛ.” “Yehowa, bo ohiɛgbɛ lɛ mitaoɔ nɛɛ.”

Lalai 60:2

Ohã shikpɔŋ lɛ ehoso, ni ohã emli egbala; tsaramɔ hei ni egbala lɛ, ejaakɛ ewɔtsɔ.

Abe̱i 28:13

Mɔ ni tsimɔɔ etɔ̃mɔi anɔ lɛ, eshwereŋ; shi mɔ ni jajeɔ, ni efɔ̃ɔ efɔŋfeemɔ lɛ, anaa lɛ mɔbɔ.

Yesaia 45:19

Jeee teemɔ mli miwie yɛ, yɛ shikpɔŋ ni enɔ ewo duŋ ko nɔ. Mikɛɛ Israelbii lɛ akɛ, “Nyɛtaoɔ mi yaka; nyɛtaoɔ mi yɛ he ni nɔ ko nɔ ko bɛ. Mi Yehowa, miwieɔ anɔkwale. Nɔ ni ja lɛ, no mikɛɔ.”

Yesaia 59:20

Yehowa kɛɛ emaŋbii lɛ akɛ, “Mibaba Zion taakɛ kpɔ̃lɔ, akɛ kpɔ̃lɔ ha Yakob shwiei ni ekpale kɛje nifɔɔjianiifeemɔ mli lɛ.

Yesaia 63:19

Wɔtsɔmɔ tamɔ mɛi ni oyeko amɛnɔ akɛ nuŋtsɔ pɛŋ, kɛ mɛi ni akɛ ogbɛi tsɛko amɛ dã.

Yeremia 14:9

Mɛɛba ofee tamɔ nuu ni elu tamɔ kãkãlɔ ni nyɛɛɛ mɔ yiwala ehere nɛɛ? Ao! Yehowa oyɛ wɔteŋ tuuŋtu ni ogbɛi akɛwo wɔ; kaashi wɔ.’ ”

Yeremia 33:6

Shi naa, mi nɔŋŋ mibasaa maŋ lɛ ni matee lɛ shi ekoŋŋ ni mahã emli bii ana toiŋjɔlɛ babaoo, amɛbaashwere ni amɛbaafee shweshweeshwe.

Yeremia 50:4

Yehowa kɛɛ akɛ, “Nakai be lɛ mli lɛ, Israelbii lɛ kɛ Yudabii lɛ fɛɛ tswɛm baabua amɛhe naa amɛba kɛ yaafo amɛbatao Yehowa, amɛNyɔŋmɔ lɛ, sɛɛgbɛ.

Yeremia 51:9

Kulɛ wɔɔtsa Babilon, shi ehiii lɛ tsamɔ. Nyɛshia lɛ, ni nyɛhãa wɔteŋ mɔ fɛɛ mɔ aya lɛ diɛŋtsɛ emaŋ nɔ he ni ejɛ, ejaakɛ Babilon toigbalamɔ lɛ eshɛ ŋwɛi, ni awo nɔ kɛyashɛ atatuiaŋ tɔ̃ɔ.”

Yeremia 8:22

Ani tsofa bɛ Gilead lo? Tsofatsɛmɛi bɛ jɛi lo? Mɛni hewɔ mɔ ni atsako mimaŋbii lɛ?

Ezekiel 33:11

Kɛɛmɔ amɛ akɛ gbii abɔ ni mi, mi ji Nyɔŋmɔ Hiɛkãalɔ lɛ nɛɛ, minaaa efɔŋfeelɔ gbele he miishɛɛ; shi moŋ minaa miishɛɛ kɛji efɔŋfeelɔ tsake ejeŋba, ni eyi na wala. Ao Israel we, nyɛkpalea, nyɛkpalea kɛjea nyɛgbɛi fɔ̃ji lɛ anɔ koni nyɛyi ana wala. Mɛni hewɔ nyɛaagboi?

Ezekiel 33:12

“No hewɔ lɛ, bo Gbɔmɔ Adesa, kɛɛmɔ omaŋbii lɛ akɛ jalɔ lɛ ejalɛ nyɛŋ lɛ ajie kɛji etɔ̃; ni kɛji efɔŋfeelɔ hu kpa efɔŋfeemɔ lɛ, adamɔŋ efɔŋ ni efee momo lɛ nɔ ni abu lɛ fɔ. Ni jalɔ hu etsutsu jalɛ haŋ eyi ana wala kɛji efee esha.

4 Mose 6:27

“Kɛji amɛtsɛ migbɛi nɛkɛ amɛkɛjɔɔ Israelbii lɛ, mibajɔɔ maŋbii lɛ.”

Bɔfoi 9:11

Ni Nuŋtsɔ lɛ kɛɛ lɛ akɛ, “Tee shi ni oya blohu ni atsɛɔ lɛ Trɔmɔɔ lɛ mli, ni oyabi mɔ ko ni atsɛɔ lɛ Saul ni jɛ Tarso lɛ shi yɛ Yuda we lɛ; ejaakɛ naa, eesɔle,

5 Mose 28:10

No lɛ shikpɔŋ lɛ nɔ maji lɛ fɛɛ aaana akɛ Yehowa kɛ egbɛi ewo bo akɛ lɛ diɛŋtsɛ emaŋ, ni amɛbaashe bo gbeyei.