2 Kronika 7:12 - ŊMALƐ KRƆŊKRƆŊ LƐ

¹² Yehowa jie ehe kpo etsɔ̃ɔ lɛ gbi ko nyɔɔŋ. Yehowa kɛɛ Solomon akɛ, “Minu osɔlemɔ lɛ, ni miŋɔ Sɔlemɔtsu nɛɛ akɛ he ni ashã afɔle yɛ akɛhã mi.

Ṅmãle̱ Kroṅkroṅ Le̱

¹² Ni Iehowa badšĩe ehe kpo etšõ Salomo nyõṅ, ni ekē̱le̱ ake̱: Minu oso̱lemo̱i le̱, ni mihala *bie̱ mife afo̱lešā̃ šĩa mihã mihe. *5 Mose 12,5.

2 Kronika 7:12 ပူးပေါင်းရင်းမြစ်များ

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Maŋtsɛmɛi 9:2

Yehowa bajie ehe kpo etsɔ̃ɔ Solomon, nɔ ni ji shii enyɔ nɔ, tamɔ bɔ ni ejie ehe kpo etsɔ̃ɔ lɛ yɛ Gibeon lɛ.

2 Maŋtsɛmɛi 2:6

Kɛkɛ ni Elia kɛɛ Elisha akɛ, “Mɛɛ yɛ biɛ, ejaakɛ Yehowa etsu mi Yordan Faa lɛ naa.” Shi Elisha kɛɛ lɛ akɛ, “Bei abɔ ni Yehowa hiɛ kã ni bo hu ohiɛ kã nɛɛ lɛ, mishiŋ bo.” Hewɔ lɛ amɛyi enyɔ lɛ amɛyi mli kɛtee.

2 Maŋtsɛmɛi 20:5

“Kũu osɛɛ ni oyakɛɛ Hezekia, mimaŋ lɛ nɔ lumɔ lɛ, akɛ, ‘Bɔ ni Yehowa, otsɛ David Nyɔŋmɔ lɛ, kɛɛ nɛ, minu ofaikpamɔ lɛ, ni mina ohiɛ yaafonu lɛ; naa, mibatsa bo; ni biɛ gbii etɛ̃ lɛ, ooonyiɛ onane nɔ kɛaaya Yehowa we lɛ.

2 Maŋtsɛmɛi 21:7

Ekɛ jemawɔŋyoo Ashera lɛ amãgã ni efee lɛ yama Sɔlemɔ we lɛ, he ni Yehowa kɛ David kɛ Solomon wie yɛ he akɛ, “Yerusalɛm Sɔlemɔ we nɛɛ ji he ni miŋɔ yɛ Israel akutsei nyɔŋma kɛ enyɔ lɛ fɛɛ ateŋ akɛ he ni aja mi yɛ kɛya naanɔ lɛ.

2 Kronika 1:7

Nakai nyɔɔŋ lɛ mli lɛ Nyɔŋmɔ jie ehe kpo etsɔ̃ɔ Solomon, ni ekɛɛ, “Bi nɔ ni ooosumɔ akɛ mihã bo!”

2 Kronika 7:16

ejaakɛ miŋɔ Sɔlemɔtsu nɛɛ, ni mitsuu he mifee lɛ krɔŋkrɔŋ koni aja mi yɛ mli kɛya naanɔ. Mihiŋmɛi baakã he, ni mitsui aaakã nɔ, ni mabu he daa.

Lalai 10:17

Oo Yehowa, oboɔ humii asɔlemɔ toi; owoɔ amɛ hewalɛ; ni obaa otoi shi ohãa mi,

Lalai 66:19

Shi anɔkwa, Nyɔŋmɔ ebo mi toi, efee toi ehã misɔlemɔ lɛ.

Maleaki 3:4

No dani Yudabii kɛ Yerusalɛmbii anikeenii ni amɛkɛbaahã Yehowa baasa ehiɛ tamɔ esa ehiɛ blema yɛ tsutsu afii lɛ amli lɛ.

Luka 1:13

Shi bɔfo lɛ kɛɛ lɛ akɛ, “Kaashe gbeyei, Zakaria, ejaakɛ Nyɔŋmɔ ebo ofaikpamɔ lɛ toi, ni oŋa Elizabet aaafɔ binuu ahã bo, ni ooowo lɛ gbɛi akɛ Yohane.

Bɔfoi 10:31

ni ekɛɛ, ‘Kornelio, abo osɔlemɔ lɛ toi, ni onijuji ni ofeɔ lɛ hu Nyɔŋmɔ ena.

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.