2 Kronika 7:10 - ŊMALƐ KRƆŊKRƆŊ LƐ

¹⁰ Ni enɔ jetsɛremɔ, ni ji nyɔŋ ni ji kpawo lɛ nɔ gbi nyɔŋmai enyɔ kɛ etɛ̃ lɛ, Maŋtsɛ Solomon wo maŋ lɛ gbɛ, ni amɛtetee amɛshĩai kɛ miishɛɛ kɛ nyamɔ yɛ jɔɔmɔ ni Yehowa ejɔɔ David kɛ Solomon kɛ Israelbii lɛ ahewɔ.

Ṅmãle̱ Kroṅkroṅ Le̱

¹⁰ Ši gbĩ ní dši gbĩ nyoṅmai-enyo̱ ke̱ etẽ le̱ no̱ ye̱ nyõṅ ní dši kpawo le̱ no̱ le̱ ewo maṅ le̱ gbe̱ ke̱-te ame̱būi amli, ni ame̱nyã́ ni ame̱ná tšuidšũrõ ye̱ edšũrõ ni Iehowa efe David ke̱ Salomo ke̱ emaṅ Israel le̱ hewo̱.

2 Kronika 7:10 ပူးပေါင်းရင်းမြစ်များ

1 Maŋtsɛmɛi 8:66

Gbi ni ji kpaanyɔ lɛ nɔ lɛ, Solomon wo asafo yuu lɛ fɛɛ gbɛ amɛtee. Amɛ jie eyi, ni amɛtee shĩa kɛ miishɛɛ kɛ tsuijurɔ yɛ ejuji fɛɛ ni Yehowa efee etsulɔ David kɛ emaŋ Israel lɛ hewɔ.

2 Kronika 29:36

Maŋtsɛ Hezekia kɛ emaŋbii lɛ fɛɛ nya naakpa yɛ nɔ ni Nyɔŋmɔ etsu ehã amɛ lɛ hewɔ, ejaakɛ nitsumɔ lɛ tee nɔ oya.

2 Kronika 30:26

Nyamɔ ni anya yɛ Yerusalɛm lɛ jeee hiɛ nɛ, ejaakɛ kɛjɛ Maŋtsɛ David bi Solomon yinɔ lɛ, ayeko afi ni tamɔ nɛkɛ yɛ Yerusalɛm dã.

2 Kronika 6:41

Oo Yehowa, miNyɔŋmɔ ee! Wo ohe nɔ ni obote ohejɔɔmɔhe lɛ mli, bo kɛ Kpãŋmɔ Adeka lɛ ji ohewalɛ lɛ he okadi lɛ. Ao! Yehowa, Nyɔŋmɔ, hã osɔfoi lɛ afee nii ni ja, ni ohã omɛi ni jaa bo lɛ amii ashɛ yɛ ejurɔ ni ofee amɛ lɛ hewɔ.

2 Kronika 7:11

Be ni Maŋtsɛ Solomon gbe Yehowa Sɔlemɔtsu lɛ kɛ maŋtsɛ shĩa lɛ maa naa, ni asaŋ nibii fɛɛ ni lɛ, Solomon lɛ, eto eyiŋ akɛ ebaafee ewo Yehowa Sɔlemɔtsu lɛ mli kɛ agbɛnɛ lɛ diɛŋtsɛ eshĩa lɛ hu mli lɛ, etsu fɛɛ etã lɛ,

2 Kronika 7:9

Amɛjɔɔ afɔleshãa latɛ lɛ nɔ gbii kpawo, ni amɛye gbijurɔ lɛ hu gbii ejwɛ, ni gbi ni ji kpaanyɔ lɛ nɔ lɛ amɛkpe naagbee kpee.

Nehemia 8:10

Ezra kɛɛ amɛ akɛ, “Nyɛyaa ni nyɛyayea nii ni hi naakpa, ni nyɛnua wain ni ŋɔɔ dɔkɔdɔkɔ. Ni nyɛkɛ eko amajea mɛi ni afeko nɔ ko atoko amɛ lɛ, ejaakɛ ŋmɛnɛ gbi nɛɛ lɛ gbi krɔŋkrɔŋ ni hã wɔNuŋtsɔ lɛ. No hewɔ hu lɛ nyɛwerɛ akahoa nyɛhe, ejaakɛ Yehowa he nyamɔ lɛ ji nɔ ni baawo nyɛ hewalɛ.”

Lalai 100:2

Nyɛsɔmɔa Yehowa kɛ miishɛɛ; nyɛbaa ehiɛ kɛ nyamɔ lala!

Lalai 105:3

Nyɛshwãa nyɛfɔ̃a egbɛi krɔŋkrɔŋ lɛ nɔ. Mɛi ni taoɔ Yehowa sɛɛgbɛ lɛ atsui anyɔ amɛmli.

Lalai 106:5

koni mana ohalamɔbii lɛ ashweremɔ, bɔ ni afee ni mi kɛ omaŋ lɛ mli afili lɛ, koni mi kɛ omaŋ lɛ fɛɛ anya kɛ yijiemɔ.

Lalai 32:11

Oo nyɛ jalɔi, nyɛmii ashɛa nyɛhe, yɛ Yehowa hewɔ, ni nyɛmli afilia nyɛ. Nyɛbɔa oshe kɛ nyamɔ nyɛ mɛi fɛɛ, ni nyɛja kɛmɔ shi.

Lalai 92:4

Ejaakɛ, bo Yehowa, onifeemɔ nii ehã mimii eshɛ mihe, ni oninenaa nitsumɔi lɛ hãa milaa kɛ miishɛɛ.

2 Mose 18:1

Yetro, Midian osɔfo lɛ ni ji Mose shaanuu lɛ nu nibii fɛɛ ni Nyɔŋmɔ efee ehã Mose kɛ emaŋ Israel lɛ he, no ji bɔ ni Yehowa jie Israel kɛjɛ Ijipt lɛ.

Ezekiel 45:25

Nyɔŋ ni ji kpawo lɛ nɔ gbi ni ji nyɔŋma kɛ enumɔ lɛ nɔ lɛ, kɛ abaaye Asesei Agbijurɔ lɛ, gbii kpawo lɛ mli gbi fɛɛ gbi lɛ, lumɔ lɛ ahã nibii nɛɛ ni akɛshã esha afɔlei kɛ shãa afɔlei kɛ ŋmãa afɔlei kɛ mu lɛ hu nakai nɔŋŋ.”

Bɔfoi 16:34

ni ekɛ amɛ tee ewe lɛ, ni eyaŋmɛ amɛ okplɔ̃, ni emli fili lɛ kɛ ewe lɛ fɛɛ akɛ ehe Nyɔŋmɔ nɔ eye.

Bɔfoi 2:46

Ni daa gbi lɛ amɛkɛ jwɛŋmɔ kome yaa Sɔlemɔ we lɛ, ni amɛkumɔkumɔɔ aboloo yɛ shĩai, ni amɛkɛ miishɛɛ kɛ tsui krɔŋŋ yeɔ nii,

5 Mose 12:12

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii hu ni yɔɔ nyɛmaji lɛ amli lɛ. Ejaakɛ amɛ lɛ agbaŋ shikpɔŋ lɛ eko ahaŋ amɛ yɛ nyɛteŋ.

5 Mose 12:18

He pɛ ni nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli lɛ aye afɔlei lɛ yɛ kɛkɛ ji Yehowa hiɛ, yɛ he ni lɛ Yehowa, nyɛNyɔŋmɔ lɛ, diɛŋtsɛ eŋɔ akɛ aja lɛ yɛ lɛ. Nyɛmii ashɛa nyɛhe yɛ Yehowa nyɛNyɔŋmɔ lɛ hiɛ, yɛ nitsumɔ fɛɛ nitsumɔ ni nyɛaatsu lɛ hewɔ.

5 Mose 12:7

Nyɛyea nii lɛ yɛ Yehowa, nyɛNyɔŋmɔ lɛ hiɛ yɛ jɛi, koni nyɛ kɛ nyɛshĩaŋbii fɛɛ amii ashɛ nyɛhe yɛ nyɛninenaa nitsumɔ nii ni Yehowa, nyɛNyɔŋmɔ lɛ, ejɔɔ nɔ lɛ hewɔ.

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

5 Mose 16:14

Nyɛyea gbijurɔ nɛɛ kɛ miishɛɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii kɛ maŋsɛɛ gbɔi kɛ awusãi kɛ okulafoi hu ni yɔɔ nyɛmaji lɛ amli lɛ.

Filipibii 4:4

Nyɛmii ashɛa yɛ Nuŋtsɔ lɛ mli daa! Miikɛɛ ekoŋŋ! Nyɛmii ashɛa!