2 Kronika 7:1 - ŊMALƐ KRƆŊKRƆŊ LƐ

¹ Be ni Maŋtsɛ Solomon sɔle egbe naa lɛ, la jɛ ŋwɛi, ni ebabote nibii ni akɛbaashã shãa afɔle lɛ kɛ afɔlei krokomɛi lɛ amli, ni eshã fɛɛ. Kɛkɛ ni Yehowa anunyam la lɛ yi Sɔlemɔtsu lɛ obɔ.

Ṅmãle̱ Kroṅkroṅ Le̱

¹ Ni beni Salomo gbe so̱lemo̱ le̱ nā le̱, *la dše̱ ṅwei ba ni ebašã šã-afo̱le le̱ ke̱ afo̱lei krokomei le̱, ní †Iehowa anumnyam le̱ yi šĩa le̱ obõ. *3 Mose 9,24. 1 Maṅ. 18,38. †2 Mose 40,34.

2 Kronika 7:1 ပူးပေါင်းရင်းမြစ်များ

1 Mose 15:17

Ni be ni hulu enyɔ shi ni hiɛ ebu lɛ, naa, kukwɛi kɛ emli la ni miifã lasu kɛ kɔti ni miitso gboŋaa batsɔ̃ loi fãfãafãi lɛ ateŋ kɛho.

1 Maŋtsɛmɛi 18:24

Enɛ sɛɛ lɛ, nyɛsɔlea nyɛtsɛa nyɛnyɔŋmɔ lɛ, ni mi hu masɔle matsɛ Yehowa; amɛteŋ mɔ ni kɛ la baahere tsɛmɔ lɛ nɔ lɛ, lɛ ji Nyɔŋmɔ.” Maŋbii lɛ here nɔ kɛɛ akɛ, “Eja nakai!”

1 Maŋtsɛmɛi 18:38

Kɛkɛ ni Yehowa hã la gba kɛbabote afɔle lɛ mli, ni eshã afɔle lɛ kɛ lai lɛ kɛ tɛi lɛ kɛ su lɛ, ni nu lɛ tete ni yɔɔ bu ni bɔle afɔleshãa latɛ lɛ mli lɛ ŋala wɛɛ.

1 Maŋtsɛmɛi 9:1

Be ni Solomon egbe Yehowa we lɛ kɛ maŋtsɛ shĩa lɛ mãa kɛ nibii fɛɛ ni Solomon taoɔ ni esumɔɔ akɛ efee lɛ fɛɛ naa lɛ,

1 Kronika 21:26

Kɛkɛ ni David ma afɔleshãa latɛ yɛ ŋmãagbeemɔhe lɛ. Be ni ekɛ shãa afɔlei kɛ shidaa afɔlei eba sɛɛ lɛ, esɔle etsɛ Yehowa, ni Yehowa here David nɔ, ni ehã la jɛ ŋwɛi ba, ni ebasɔo afɔlei lɛ anaa la yɛ afɔleshãa latɛ lɛ nɔ.

Lalai 26:8

Oo Yehowa, misumɔɔ owe he ni ohiɔ lɛ, kɛ he ni onunyam lɛ yɔɔ lɛ.

2 Mose 19:18

Sinai Gɔŋ muu lɛ fɛɛ miije lasu, ejaakɛ Yehowa ekpeleke shi kɛba gɔŋ lɛ nɔ yɛ la mli. Lasu lɛ fãa kɛyaa ŋwɛi tamɔ flɔnɔɔ mli lasu, ni gɔŋ muu lɛ fɛɛ hoso waa naakpa.

2 Mose 29:43

Ni jɛi mikɛ Israelbii lɛ aaakpe yɛ, ni jɛi aaatsɔ̃ he krɔŋkrɔŋ yɛ minunyam lɛ hewɔ.

Yesaia 65:24

Ni aaaba mli akɛ dani amɛaatsɛ mi lɛ mahere amɛ nɔ, ni be ni amɛwieɔ lolo lɛ, mabo amɛtoi.

Ezekiel 43:5

Mumɔ lɛ wo mi ni ekɛ mi ba mligbɛ kpo lɛ nɔ; ni naa, Yehowa anunyam lɛ yi Sɔlemɔ we lɛ mli obɔ̃ tɔ.

Ezekiel 44:4

Kɛkɛ ni nuu lɛ kɛ mi tsɔ̃ kooyigbɛ agbo lɛ naa gbɛ kɛba Sɔlemɔ we lɛ hiɛ. Mikwɛ, ni naa, Yehowa anunyam lɛ eyi Yehowa Sɔlemɔ we lɛ obɔ̃. Kɛkɛ ni miho migbee shi, ni mikɛ mihiɛ bu shi.

Daniel 9:20

Be ni misɔleɔ, ni mijajeɔ mihe eshai lɛ kɛ mimaŋbii, Israelbii lɛ, hu ahe eshai lɛ, ni mikpaa Yehowa, miNyɔŋmɔ lɛ, fai yɛ gɔŋ krɔŋkrɔŋ lɛ hewɔ lɛ,

Maleaki 3:4

No dani Yudabii kɛ Yerusalɛmbii anikeenii ni amɛkɛbaahã Yehowa baasa ehiɛ tamɔ esa ehiɛ blema yɛ tsutsu afii lɛ amli lɛ.

Bɔfoi 4:31

Ni be ni amɛsɔle nɛkɛ lɛ, he ni amɛnaa ebakpe shi yɛ lɛ hoso, ni Mumɔ Krɔŋkrɔŋ yimɔ amɛ fɛɛ obɔ̃bɔ̃; ni amɛkɛ ekãa jaje Nyɔŋmɔ wiemɔ lɛ.

Kpojiemɔ 21:23

Ni hulu loo nyɔɔŋtsere kpɛmɔ he ehĩaaa maŋ lɛ, ejaakɛ Nyɔŋmɔ anunyam lɛ kpɛɔ yɛ mli, ni Toobi lɛ ji ela.

Kojolɔi 6:21

Gideon fee nakai. Kɛkɛ ni Yehowa bɔfo lɛ kpã edɛhiɛmɔtso lɛ mli, ni ekɛ tso lɛ naabu sa loo lɛ kɛ akpiti lɛ he. La jɛ tɛsaa lɛ mli ni ebashã loo lɛ kɛ akpiti lɛ wɛɛ. Kɛkɛ ni Yehowa bɔfo lɛ laaje yɛ Gideon hiɛ.