2 Kronika 6:6 - ŊMALƐ KRƆŊKRƆŊ LƐ

⁶ Shi agbɛnɛ mikɔ Yerusalɛm akɛ he ni aja mi yɛ, ni mikɔ David hu akɛ mɔ ni aye mimaŋ Israelbii anɔ.’

Ṅmãle̱ Kroṅkroṅ Le̱

⁶ ši Ierusalem mihala, ni migbei ahī dše̱i, ni mihala David hũ, ni eye mimaṅ Israel no̱,

2 Kronika 6:6 ပူးပေါင်းရင်းမြစ်များ

2 Maŋtsɛmɛi 21:4

Emamɔ afɔleshãa latɛi ehã jemawɔji yɛ Yehowa we lɛ, he ni Yehowa ekɛɛ yɛ he akɛ, “Yerusalɛm ji he ni aaaja mi yɛ” lɛ.

2 Maŋtsɛmɛi 21:7

Ekɛ jemawɔŋyoo Ashera lɛ amãgã ni efee lɛ yama Sɔlemɔ we lɛ, he ni Yehowa kɛ David kɛ Solomon wie yɛ he akɛ, “Yerusalɛm Sɔlemɔ we nɛɛ ji he ni miŋɔ yɛ Israel akutsei nyɔŋma kɛ enyɔ lɛ fɛɛ ateŋ akɛ he ni aja mi yɛ kɛya naanɔ lɛ.

1 Kronika 17:5

Ejaakɛ kɛjɛ beyinɔ ni miyakpala Israel kɛjɛ Ijipt kɛbashi ŋmɛnɛ gbi nɛɛ nɔ lɛ, mihiko tsu mli dã, fe akɛ buui amli mihi kɛjɛ he kome kɛtee he kroko.

1 Kronika 17:7

“No hewɔ lɛ, kɛɛmɔ mitsulɔ David akɛ, mi, Yehowa Taiatsɛ lɛ, miikɛɛ lɛ akɛ, ‘Mi miŋɔ bo yɛ toi asɛɛ yɛ ŋa nɔ, ni mifee bo mimaŋ Israel nɔyelɔ,

1 Kronika 28:4

Shi Yehowa, Israel Nyɔŋmɔ lɛ, lɛ nɔŋŋ eŋɔ mi yɛ mitsɛwebii lɛ fɛɛ ateŋ koni mi kɛ mishwiei aye Israel maŋtsɛ kɛya naanɔ. Eŋɔ̃ Yuda yɛ akutsei lɛ ateŋ koni etsɔ̃ hiɛnyiɛlɔ; ni eŋɔ̃ mitsɛwe lɛ yɛ Yudabii awei lɛ ateŋ, ni ena mihe tsui yɛ mitsɛbii lɛ fɛɛ ateŋ, ni ewo mi Israel fɛɛ maŋtsɛ.

2 Kronika 12:13

Maŋtsɛ Rehoboam nane mɔ shi yɛ Yerusalɛm, ni eye emaŋtsɛ lɛ. Rehoboam eye afii nyɔŋmai ejwɛ kɛ ekome be ni ebɔi emaŋtsɛyeli lɛ, ni eye emaŋtsɛ lɛ afii nyɔŋma kɛ kpawo yɛ Yerusalɛm, ni ji maŋ ni Yehowa diɛŋtsɛ kɔ yɛ Israel shikpɔŋ lɛ nɔ maji fɛɛ ateŋ akɛ he krɛdɛɛ ni aja lɛ yɛ lɛ. Rehoboam nyɛ gbɛi ji Naama, ni Amonyoo ji lɛ.

2 Kronika 20:8

Amɛhi shikpɔŋ nɛɛ nɔ bei abɔ; ni amɛma Sɔlemɔtsu yɛ nɔ kɛwo ohiɛ nyam, asaŋ kɛ hemɔkɛyeli akɛ

2 Kronika 30:8

Nyɛkafea nyɛhe kuɛŋtilɔi tamɔ nyɛtsɛmɛi lɛ; shi moŋ nyɛbaa nyɛhe shi nyɛhãa Yehowa. Nyɛbaa Sɔlemɔ we lɛ yɛ Yerusalɛm; etsuu he eto kɛmiiya naanɔ koni nyɛbaja Yehowa, nyɛNyɔŋmɔ lɛ, yɛ jɛi koni Yehowa mli ni efu nyɛ lɛ sɛɛ afo.

2 Kronika 33:4

Manase mamɔ jemawɔji afɔleshãa latɛi yɛ Yehowa we lɛ; tsɛbelɛ Yehowa ekɛɛ yɛ Sɔlemɔ we lɛ he akɛ jɛi aja lɛ yɛ kɛya naanɔ.

2 Kronika 6:20

Ohiŋmɛi akã Sɔlemɔtsu nɛɛ he shwane kɛ nyɔɔŋ fɛɛ ejaakɛ owo shi akɛ jɛi aaaja bo yɛ. No hewɔ lɛ, ofainɛ, bo fai ni otsulɔ baakpa bo be mli ni etsɔ̃ ehiɛ ehã biɛ lɛ toi.

2 Kronika 6:5

‘Kɛjɛ gbi nɔ ni miyajie mimaŋ lɛ yɛ Ijipt shikpɔŋ lɛ nɔ kɛba nɛɛ, mikɔko maŋ ko maŋ ko akɛ he ni ama Sɔlemɔtsu yɛ ni aja mi yɛ jɛi; ni asaŋ mikɔko mɔ ko mɔ ko akɛ mimaŋ Israel nɔyelɔ.

2 Kronika 7:16

ejaakɛ miŋɔ Sɔlemɔtsu nɛɛ, ni mitsuu he mifee lɛ krɔŋkrɔŋ koni aja mi yɛ mli kɛya naanɔ. Mihiŋmɛi baakã he, ni mitsui aaakã nɔ, ni mabu he daa.

Ezra 7:16

Ŋɔɔ jwiɛtɛi kɛ shika fɛɛ hu ni ooona yɛ Babilon shikpɔŋ lɛ fɛɛ nɔ lɛ kɛya. Asaŋ, nikeenii ni maŋbii lɛ kɛ osɔfoi lɛ aaake yɛ tsuijurɔ naa yɛ amɛNyɔŋmɔ lɛ we ni yɔɔ Yerusalɛm lɛ hewɔ lɛ, ŋɔɔ no hu kɛya.

Lalai 122:2

Oo Yerusalɛm, wɔnaji mamɔ ogboi lɛ mli.

Lalai 132:13

Ejaakɛ Yehowa eŋɔ Zion, ni eesumɔ akɛ ekɛfee eshihilɛhe.

Lalai 48:1

Yehowa je agbo, ni esa yijiemɔ kpele, yɛ wɔNyɔŋmɔ lɛ maŋ lɛŋ, yɛ egɔŋ krɔŋkrɔŋ lɛ nɔ.

2 Mose 20:24

Nyɛshɔ̃a su afɔleshãa latɛ nyɛhãa mi, ni no nɔ nyɛshãa afɔlei yɛ, shãa afɔlei kɛ shidaa afɔlei kɛ gwantɛŋi kɛ tsinai lɛ yɛ. He fɛɛ he ni mato mahã nyɛ akɛ aja mi yɛ lɛ, maba nyɛŋɔɔ yɛ jɛi ni majɔɔ nyɛ.

Yesaia 14:32

Mɛɛ hetoo aaahã Filistia bɔfoi lɛ? Aaakɛɛ amɛ akɛ, “Yehowa eto Zion shishi akɛ maŋ, ni jɛi ewebii shitswialɔi lɛ aaababa abo yɛ.”

Zakaria 2:12

Agbɛnɛ hu Yehowa aaaŋɔ Yuda akɛ egbɛfaŋnɔ yɛ shikpɔŋ krɔŋkrɔŋ lɛ nɔ; asaŋ eeeŋɔ Yerusalɛm hu akɛ emaŋ ekoŋŋ.

Zakaria 3:2

Ni Yehowa bɔfo lɛ kɛɛ Satan akɛ, “Satan, Yehowa akã ohiɛ. Yehowa mɔ ni eŋɔ Yerusalɛm akɛ enɔ lɛ aaakã ohiɛ. Ani oleee akɛ latso ni afã yɛ la naa ji mɔ nɛ?”

1 Samuel 16:1

Yehowa kɛɛ Samuel akɛ, “Mɛɛ beyinɔ nɔŋŋ ni oooye Saul he ŋkɔmɔ kɛyashi, be mli ni ona ole akɛ mikwa lɛ Israel maŋtsɛyeli? Wo okoŋ lɛ mli mu obɔ̃; mibatsu bo Yeshai, Betlehemnyo lɛ, ŋɔɔ ejaakɛ miŋɔ maŋtsɛ yɛ ebihii lɛ ateŋ mihã mihe.”