2 Kronika 6:5 - ŊMALƐ KRƆŊKRƆŊ LƐ

⁵ ‘Kɛjɛ gbi nɔ ni miyajie mimaŋ lɛ yɛ Ijipt shikpɔŋ lɛ nɔ kɛba nɛɛ, mikɔko maŋ ko maŋ ko akɛ he ni ama Sɔlemɔtsu yɛ ni aja mi yɛ jɛi; ni asaŋ mikɔko mɔ ko mɔ ko akɛ mimaŋ Israel nɔyelɔ.

Ṅmãle̱ Kroṅkroṅ Le̱

⁵ Ke̱-dše̱ gbĩ no̱ ní miyadšie mimaṅ le̱ ke̱-dše̱ Mizraim šikpoṅ le̱ no̱ ke̱-ba ne̱, mihalako maṅ ko maṅ ko ye̱ Israel akutšei le̱ fẽ mli, ní emã šĩa ní migbei le̱ ahī dše̱i, ni misā mihalako nū ko nū ko, ní eye mimaṅ Israel no̱ lumo̱;

2 Kronika 6:5 ပူးပေါင်းရင်းမြစ်များ

1 Maŋtsɛmɛi 8:16

Nɔ ni ekɛɛ akɛ, ‘Kɛjɛ gbi nɔ ni miyajie mimaŋ Israel kɛjɛ Ijipt kɛba nɛɛ, mihalako maŋ ko maŋ ko yɛ Israel akutsei lɛ fɛɛ ateŋ ni emã tsu koni aja mi yɛ mli. Shi mikɔ bo David pɛ koni oye mimaŋ Israel nɔ.’

2 Maŋtsɛmɛi 21:4

Emamɔ afɔleshãa latɛi ehã jemawɔji yɛ Yehowa we lɛ, he ni Yehowa ekɛɛ yɛ he akɛ, “Yerusalɛm ji he ni aaaja mi yɛ” lɛ.

1 Kronika 17:5

Ejaakɛ kɛjɛ beyinɔ ni miyakpala Israel kɛjɛ Ijipt kɛbashi ŋmɛnɛ gbi nɛɛ nɔ lɛ, mihiko tsu mli dã, fe akɛ buui amli mihi kɛjɛ he kome kɛtee he kroko.

2 Kronika 12:13

Maŋtsɛ Rehoboam nane mɔ shi yɛ Yerusalɛm, ni eye emaŋtsɛ lɛ. Rehoboam eye afii nyɔŋmai ejwɛ kɛ ekome be ni ebɔi emaŋtsɛyeli lɛ, ni eye emaŋtsɛ lɛ afii nyɔŋma kɛ kpawo yɛ Yerusalɛm, ni ji maŋ ni Yehowa diɛŋtsɛ kɔ yɛ Israel shikpɔŋ lɛ nɔ maji fɛɛ ateŋ akɛ he krɛdɛɛ ni aja lɛ yɛ lɛ. Rehoboam nyɛ gbɛi ji Naama, ni Amonyoo ji lɛ.

2 Kronika 20:8

Amɛhi shikpɔŋ nɛɛ nɔ bei abɔ; ni amɛma Sɔlemɔtsu yɛ nɔ kɛwo ohiɛ nyam, asaŋ kɛ hemɔkɛyeli akɛ

2 Kronika 20:9

kɛji nɔ gbonyo ko, tamɔ ta loo gbele hela loo hɔmɔ, ba wɔnɔ lɛ, wɔbaaba wɔbadamɔ Sɔlemɔtsu nɛɛ ni ajaa bo yɛ mli lɛ hiɛ, ni wɔbaasɔle kɛbi bo odɛ̃ŋ wamɔ yɛ wɔnɔnaa lɛ mli, ni obaabo wɔ toi, ni obaahere wɔyiwala.

2 Kronika 30:8

Nyɛkafea nyɛhe kuɛŋtilɔi tamɔ nyɛtsɛmɛi lɛ; shi moŋ nyɛbaa nyɛhe shi nyɛhãa Yehowa. Nyɛbaa Sɔlemɔ we lɛ yɛ Yerusalɛm; etsuu he eto kɛmiiya naanɔ koni nyɛbaja Yehowa, nyɛNyɔŋmɔ lɛ, yɛ jɛi koni Yehowa mli ni efu nyɛ lɛ sɛɛ afo.

2 Kronika 33:4

Manase mamɔ jemawɔji afɔleshãa latɛi yɛ Yehowa we lɛ; tsɛbelɛ Yehowa ekɛɛ yɛ Sɔlemɔ we lɛ he akɛ jɛi aja lɛ yɛ kɛya naanɔ.

2 Kronika 33:7

Ewo jemawɔŋ ko amãgã ni efee lɛ, ni ekɛyama Nyɔŋmɔ We lɛ mli diɛŋtsɛ, he ni Nyɔŋmɔ kɛ David kɛ ebi Solomon wie he, ni ekɛɛ amɛ akɛ, “Sɔlemɔtsu nɛɛ, yɛ Yerusalɛm maŋ nɛɛ mli, mikɔ yɛ Israel akutsei lɛ fɛɛ ateŋ akɛ he ni abaaja mi yɛ kɛya naanɔ.

2 Kronika 6:20

Ohiŋmɛi akã Sɔlemɔtsu nɛɛ he shwane kɛ nyɔɔŋ fɛɛ ejaakɛ owo shi akɛ jɛi aaaja bo yɛ. No hewɔ lɛ, ofainɛ, bo fai ni otsulɔ baakpa bo be mli ni etsɔ̃ ehiɛ ehã biɛ lɛ toi.

2 Kronika 6:4

ekɛɛ akɛ, “Ajie Yehowa, Israel Nyɔŋmɔ lɛ, yi. Lɛ ewo mitsɛ David shi, ni asaŋ ehã eba mli bɔ ni ekɛɛ lɛ akɛ,

2 Kronika 6:6

Shi agbɛnɛ mikɔ Yerusalɛm akɛ he ni aja mi yɛ, ni mikɔ David hu akɛ mɔ ni aye mimaŋ Israelbii anɔ.’

2 Kronika 7:16

ejaakɛ miŋɔ Sɔlemɔtsu nɛɛ, ni mitsuu he mifee lɛ krɔŋkrɔŋ koni aja mi yɛ mli kɛya naanɔ. Mihiŋmɛi baakã he, ni mitsui aaakã nɔ, ni mabu he daa.

Ezra 7:16

Ŋɔɔ jwiɛtɛi kɛ shika fɛɛ hu ni ooona yɛ Babilon shikpɔŋ lɛ fɛɛ nɔ lɛ kɛya. Asaŋ, nikeenii ni maŋbii lɛ kɛ osɔfoi lɛ aaake yɛ tsuijurɔ naa yɛ amɛNyɔŋmɔ lɛ we ni yɔɔ Yerusalɛm lɛ hewɔ lɛ, ŋɔɔ no hu kɛya.

2 Mose 20:24

Nyɛshɔ̃a su afɔleshãa latɛ nyɛhãa mi, ni no nɔ nyɛshãa afɔlei yɛ, shãa afɔlei kɛ shidaa afɔlei kɛ gwantɛŋi kɛ tsinai lɛ yɛ. He fɛɛ he ni mato mahã nyɛ akɛ aja mi yɛ lɛ, maba nyɛŋɔɔ yɛ jɛi ni majɔɔ nyɛ.

2 Mose 23:21

Nyɛkwɛa ni ahia yɛ egbɛfaŋ, ni nyɛyea ewiemɔ nɔ. Nyɛkatsea ehiɛ atua; ekɛ ewiemɔ lɛ nɔtɔmɔ ekeŋ nyɛ, ejaakɛ ehiɛ mihewalɛ.

Daniel 9:19

Ao! Yehowa, bo wɔ toi koni ofee he eko ohã wɔ. Ao! MiNyɔŋmɔ, ofainɛ, kaatsɛ kwraa ni ofee he eko ohã wɔ yɛ ogbɛi lɛ hewɔ, ejaakɛ ogbɛi kpɛtɛ omaŋ lɛ kɛ omaŋbii lɛ ahe.”

Zakaria 3:2

Ni Yehowa bɔfo lɛ kɛɛ Satan akɛ, “Satan, Yehowa akã ohiɛ. Yehowa mɔ ni eŋɔ Yerusalɛm akɛ enɔ lɛ aaakã ohiɛ. Ani oleee akɛ latso ni afã yɛ la naa ji mɔ nɛ?”

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.

5 Mose 12:5

Shi moŋ he ni Yehowa, nyɛNyɔŋmɔ lɛ, baaŋɔ yɛ nyɛkutsei lɛ fɛɛ mli akɛ jɛi afee eshihilɛhe kɛ he ni aja lɛ yɛ lɛ, jɛi nyɛyaa.

1 Samuel 10:24

Kɛkɛ ni Samuel kɛɛ maŋbii lɛ fɛɛ akɛ, “Bɛ nyɛna mɔ ni Yehowa eŋɔ lɛ? Mɔ ko mɔ kɔ kɛ lɛ yeee egbɔ yɛ maŋbii lɛ fɛɛ ateŋ.”

1 Samuel 15:23

Ejaakɛ atuatsemɔ lɛ esha ni tamɔ klamɔ nɔŋŋ, ni kuɛŋtimɔ lɛ esha ni tamɔ amãgãjamɔ nɔŋŋ. Akɛni okwa Yehowa naa wiemɔ lɛ, lɛ hu ekwa bo maŋtsɛ lɛ yeli.”