2 Kronika 6:41 - ŊMALƐ KRƆŊKRƆŊ LƐ

⁴¹ Oo Yehowa, miNyɔŋmɔ ee! Wo ohe nɔ ni obote ohejɔɔmɔhe lɛ mli, bo kɛ Kpãŋmɔ Adeka lɛ ji ohewalɛ lɛ he okadi lɛ. Ao! Yehowa, Nyɔŋmɔ, hã osɔfoi lɛ afee nii ni ja, ni ohã omɛi ni jaa bo lɛ amii ashɛ yɛ ejurɔ ni ofee amɛ lɛ hewɔ.

Ṅmãle̱ Kroṅkroṅ Le̱

⁴¹ Ni agbe̱ne̱, Iehowa Nyoṅmo̱, wó ohe no̱ ni oyabote ohedšō̱mo̱he le̱, bo ke̱ ohewale̱ adeka le̱! Iehowa Nyoṅmo̱, hã oso̱foi le̱ awo yiwalaheremo̱, ni ohã omei kroṅkroṅi le̱ anyã́ nõkpakpa le̱ he! Lal. 132,8. 9.

2 Kronika 6:41 ပူးပေါင်းရင်းမြစ်များ

1 Kronika 28:2

Kɛkɛ ni Maŋtsɛ David ho edamɔ shi, ni ekɛɛ asafo ni ebabua shi lɛ akɛ, “Agoo, minyɛmimɛi kɛ mimaŋbii! Kulɛ mito miyiŋ akɛ mibama tsu diɛŋtsɛ mahã Yehowa Kpãŋmɔ Adeka lɛ kɛ wɔNyɔŋmɔ lɛ naneshi maaŋoo lɛ hu, ni mito nibii ahe gbɛjianɔ hu hã tsu lɛ maa.

Nehemia 9:25

Amɛyaye maji ni atswa gbogboi awo amɛhe kɛ shikpɔji ni baa nii anɔ kunim, ni amɛna shĩai ni eyimɔ obɔ̃bɔ̃ kɛ nibii kpakpai fɛɛ: nubui ni atsatsai, wain tromi kɛ mutso tromi kɛ yelitsei babaoo amɛye, ni amɛtɔrɔ, ni amɛshwishwii; ni amɛmii shɛ amɛhe yɛ omlihilɛ kpele lɛ hewɔ.

Lalai 110:2

Yehowa aaajɛ Zion ekɛ omaŋtsɛ tsi wulu lɛ ahã bo. Eeekɛɛ akɛ, “Ye lumɔ yɛ ohenyɛlɔi lɛ anɔ.”

Lalai 132:16

Esɔfoi lɛ, mikɛ miyiwalaheremɔ aaawo amɛ tamɔ atade; ni emɛi krɔŋkrɔŋi lɛ aaabɔ oshe kɛ nyamɔ.

Lalai 65:11

Omlihilɛ hãa afi lɛ yiɔ obɔ kɛ niyenii babaoo. He fɛɛ he ni oootsɔ̃ kɛho lɛ, niyenii babaoo baa jɛi.

Lalai 65:4

Ajɔɔ mɔ ni ohala ni ohãa ebɛŋkɛɔ bo, koni ehi ohe krɔŋkrɔŋ lɛŋ lɛ. Wɔɔtɔrɔ kɛ owe lɛŋ nibii kpakpai lɛ, ni ji oSɔlemɔ we krɔŋkrɔŋ lɛŋ nibii lɛ.

Yesaia 61:10

Manya waa yɛ Yehowa hewɔ; ni misusuma mli aaafli lɛ yɛ miNyɔŋmɔ lɛ hewɔ, ejaakɛ ewo mi yiwalaheremɔ atade, ni ekɛ jalɛ mama eha mi, tamɔ bɔ ni ayɛmforo wu wulaa ehe loo bɔ ni ayɛmforo wulaa kɛ jwine lɛ.

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Yesaia 61:6

Shi nyɛ lɛ, aaatsɛ nyɛ Yehowa osɔfoi, ni mɛi aaatsɛ nyɛ wɔNyɔŋmɔ lɛ sɔ̃ɔlɔi. Nyɛaabaye jeŋ maji lɛ anii, ni nyɛmii aaashɛ yɛ jeŋ majiaŋbii lɛ anii lɛ hewɔ.

Yesaia 66:1

Bɔ ni Yehowa kɛɛ nɛ, “Ŋwɛi lɛ, mimaŋtsɛ sɛi ni; ni shikpɔŋ lɛ, minaneshi maaŋoo ni; belɛ mɛɛ tsu nyɛaama nyɛha mi mɔ, ni nɛgbɛ aaafee mihejɔɔmɔ he?

Zakaria 9:17

Shikpɔŋ lɛ nɔ aaaŋɔɔ, eeefee fɛo; abele aaahã oblahii afrɔke ni wain hee hu aaahã oblayei afrɔke.

Romabii 1:16

Ejaakɛ mihiɛ gbooo Kristo Sanekpakpa lɛ he, ejaakɛ eji Nyɔŋmɔ hewalɛ ni akɛhereɔ mɔ fɛɛ mɔ ni heɔ yeɔ lɛ yiwala, Yudanyo lɛ tsutsu kɛ Helanyo hu.

Romabii 13:14

shi moŋ nyɛwoa Nuŋtsɔ Yesu Kristo tamɔ dama, ni nyɛkahãa heloo lɛ nɔ jwɛŋmɔ lɛ miitsɔ̃ heloo lɛ sɛɛdii.

Galatabii 3:27

ejaakɛ nyɛ mɛi abɔ ni abaptisi nyɛ awo Kristo mli lɛ, nyɛwo Kristo.

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Filipibii 4:4

Nyɛmii ashɛa yɛ Nuŋtsɔ lɛ mli daa! Miikɛɛ ekoŋŋ! Nyɛmii ashɛa!

Yoshua 3:13

Ni naa, amrɔ pɛ ni osɔfoi ni tere Yehowa, ni ji shikpɔŋ tso muu lɛ fɛɛ Nuŋtsɔ lɛ, Adeka lɛ anaji aaasa Yordan mli nu lɛ mli lɛ, nu lɛ aaakpa hoo, ni nu ni jɛɔ yiteŋgbɛ baa lɛ baawa, ni eeema shi tamɔ gbogbo.”

Kpojiemɔ 19:14

Ni tai ni yɔɔ ŋwɛi lɛ tara okpɔŋɔi yɛji anɔ kɛnyiɛ esɛɛ, ni amɛwo klala yɛŋ futaa ni he tse.

Kpojiemɔ 19:8

Ni ahã lɛ hegbɛ akɛ ewo klala ni hetse ni kpɛlɛɔ nyɛramnyɛram.” Ejaakɛ klala lɛ ji krɔŋkrɔŋbii lɛ ajalɛnii lɛ.