2 Kronika 6:16 - ŊMALƐ KRƆŊKRƆŊ LƐ

¹⁶ No hewɔ lɛ, Yehowa, Israel Nyɔŋmɔ, agbɛnɛ ye shi kroko lɛ hu ni owo otsulɔ, mitsɛ David, lɛ nɔ, ni ji nɔ ni okɛɛ lɛ akɛ, ‘Mihaŋ nuu ni aaajɛ oshwiei lɛ ateŋ ata Israel maŋtsɛ sɛi lɛ nɔ lɛ abɔ bo kɛji amɛaaye mimlai lɛ anɔ kadikadi tamɔ ofee lɛ.’

Ṅmãle̱ Kroṅkroṅ Le̱

¹⁶ Nohewo̱ le̱ agbe̱ne̱, Iehowa, Israel Nyoṅmo̱! *ye oši ní owo mitše̱ David, otšũlo̱ le̱, no̱, noni oke: Nū ní aatá Israel maṅtše̱sẽi le̱ no̱ ebo̱ṅo ye̱ mihĩe, ke̱dši obii le̱ aale ame̱nane nā kwe̱mo̱ ke̱ke̱, koni amenyie mimla le̱ mli, take̱ bo̱ni onyie ye̱ mihīe le̱. *2 Sam. 7,13.

2 Kronika 6:16 ပူးပေါင်းရင်းမြစ်များ

1 Maŋtsɛmɛi 2:4

Kɛkɛ lɛ shi ni Yehowa wo mi lɛ baaba mli. No ji, ‘Kɛji oshwiei lɛ kɛ amɛtsui fɛɛ kɛ amɛsusuma fɛɛ aaaba amɛjeŋ yɛ mihiɛ, ni amɛaaye mi anɔkwa lɛ, no lɛ nuu ni aaaye maŋtsɛ yɛ Israel ebɔŋ bo.’

1 Maŋtsɛmɛi 6:12

“Tsu ni omãa nɛɛ, kɛji oooye mikpɔi kɛ mimlai lɛ anɔ, ni oooto mikitãi lɛ fɛɛ, ni oooba ojeŋ jogbaŋŋ lɛ, no lɛ mafee nɔ ni miwo otsɛ David shi yɛ he lɛ mahã bo.

2 Kronika 13:5

Nyɛleee kwraa akɛ yɛ Kpãŋmɔ ni emli ehiii kuu ni Yehowa, Israel Nyɔŋmɔ lɛ, kɛ David kpãŋ naa lɛ Yehowa jɔɔ Israel maŋtsɛyeli nɔ ehã David kɛ eshwiei kɛmiiya naanɔ lo?

2 Kronika 21:7

shi fɛɛ sɛɛ lɛ Yehowa emiii akɛ ekpãtãa David shwiei ahiɛ yɛ kpãŋmɔ ni ekɛ David kpãŋ lɛ hewɔ, ejaakɛ ewo David shi akɛ maŋtsɛyeli lɛ shiŋ ewe lɛ kɛmiiya naanɔ.

2 Kronika 23:3

Amɛ fɛɛ amɛnaa yabua yɛ Nyɔŋmɔ We lɛ, kɛkɛ ni asafo lɛ kɛ maŋtsɛ binuu Yoash kpãŋ. Osɔfo Yehoiada kɛɛ asafo lɛ akɛ, “Naa, maŋtsɛ ni etsɔ̃ esɛɛ lɛ binuu lɛ nɛ. Lɛ esa akɛ eyeɔ maŋtsɛ lɛ agbɛnɛ yɛ shi ni Yehowa ewo yɛ David shwiei ahe lɛ hewɔ.

2 Kronika 6:17

Enɛ hewɔ lɛ, Yehowa, Israel Nyɔŋmɔ, hã shi fɛɛ shi ni awo otsulɔ David lɛ aba mli agbɛnɛ.

2 Kronika 7:17

Ni bo ogbɛfaŋ lɛ, kɛji ooobo mi toi bɔ ni otsɛ David fee lɛ, ni oooye mikpɔi kɛ mimlai lɛ anɔ, ni ooofee nibii fɛɛ ni miwo bo amɛhe kitã lɛ,

2 Kronika 7:18

no lɛ mibahã omaŋtsɛyeli lɛ ama shi shiŋŋ bɔ ni mi kɛ otsɛ David kpãŋ lɛ akɛ, ‘Oshwie ni baata Israel maŋtsɛ sɛi lɛ nɔ ebɔŋ bo’ lɛ.

Lalai 119:1

Ajɔɔ mɛi ni shwamɔ ko bɛ amɛjeŋba he, ni amɛyeɔ Yehowa mla lɛ nɔ lɛ.

Lalai 119:9

Te oblanyo aaafee tɛŋŋ, ni eeehã ejeŋba he atse hu? No ji akɛ ekwɛ ehe nɔ jogbaŋŋ yɛ owiemɔ lɛ naa.

Lalai 132:11

Yehowa kã David kitã yɛ anɔkwale mli, ni ekuŋ mli. Ekɛɛ akɛ, “Maŋɔ omusuŋbii lɛ eko mata omaŋtsɛ sɛi lɛ nɔ.

Lalai 132:12

Kɛji obii lɛ ye mikpãŋmɔi lɛ kɛ mimlai ni matsɔ̃ɔ amɛ lɛ nɔ lɛ, no lɛ amɛ hu amɛbii aaata omaŋtsɛ sɛi lɛ nɔ daa.”

Lalai 26:3

ejaakɛ osuɔmɔ ni tsakeee lɛ yɛ mihiɛ be fɛɛ be, ni minyiɛɔ yɛ onɔkwale lɛ mli.

Ezekiel 36:37

“Bɔ ni Nuŋtsɔ Yehowa kɛɔ nɛ, mahã Israel we lɛ abi mi enɛ hu ni mafee mahã amɛ; no ji akɛ mahã amɛyi afa tamɔ toiku.