2 Kronika 5:7 - ŊMALƐ KRƆŊKRƆŊ LƐ

⁷ Osɔfoi lɛ wo Yehowa Kpãŋmɔ Adeka lɛ kɛtee ni amɛkɛyama egbɛhe lɛ yɛ Sɔlemɔtsu lɛ sɛɛtsu lɛ ni ji He Krɔŋkrɔŋ Fe Fɛɛ lɛ mli, yɛ kerubim lɛ afiji lɛ ashishi.

Ṅmãle̱ Kroṅkroṅ Le̱

⁷ Ni oso̱foi le̱ wó Iehowa kpãṅmo̱ adeka le̱ ke̱-te ni ame̱ke̱-yamã egbe̱he le̱ ye̱ šīa le̱ se̱tšũ ni dši hekroṅkroṅ fè fẽ le̱ mli, ye̱ kerubim le̱ afĩdši le̱ ašiši.

2 Kronika 5:7 ပူးပေါင်းရင်းမြစ်များ

1 Kronika 22:19

No hewɔ lɛ, agbɛnɛ nyɛkɛ nyɛtsuii kɛ nyɛnyɛmɔ fɛɛ asɔmɔa Yehowa. Nyɛtea shi ni nyɛmaa Yehowa Nyɔŋmɔ lɛ Sɔlemɔ we lɛ koni akɛ Yehowa Kpãŋmɔ Adeka lɛ kɛ tsɛnsii kɛ nibii krɔŋkrɔŋi ni akɛjaa lɛ lɛ fɛɛ abamamɔ tsu ni ama ni aja Yehowa yɛ jɛi lɛ mli.”

2 Kronika 35:3

Ekɛɛ Levibii lɛ ni amɛ ji Israel muu fɛɛ tsɔɔlɔi lɛ, ni asaŋ amɛjɔɔ amɛhe nɔ amɛhã Yehowa sɔɔmɔ lɛ akɛ, “Nyɛkɛ Kpãŋmɔ Adeka lɛ ayamaa Sɔlemɔ we lɛ ni Maŋtsɛ Solomon, Israel Maŋtsɛ David bi lɛ, ma lɛ mli. Ehiaaa akɛ nyɛaatere adeka lɛ kɛya kɛba. Agbɛnɛ nyɛsɔmɔa Yehowa, nyɛNyɔŋmɔ lɛ, kɛ emaŋ Israel.

2 Kronika 4:20

Ekomɛi hu ji kanetsei lɛ kɛ amɛhe kanei lɛ ni akɛ shika ŋmiiŋmi fee ni asuɔ amaa He Krɔŋkrɔŋ Fe Fɛɛ lɛ hiɛ tamɔ bɔ ni ato afɔ shi lɛ.

2 Kronika 5:4

Be ni Israelbii hii lɛ fɛɛ eshɛ shi lɛ, Levibii lɛ wo Kpãŋmɔ Adeka lɛ.

2 Kronika 5:6

Maŋtsɛ Solomon kɛ Israel asafo muu lɛ fɛɛ ni naa ekpe shi lɛ yabua shi yɛ Kpãŋmɔ Adeka lɛ hiɛ kɛbote Sɔlemɔtsu lɛ mli.

2 Kronika 5:8

Ejaakɛ kerubim lɛ elɛɛ amɛfiji lɛ amli kɛha Kpãŋmɔ Adeka lɛ maahe lɛ nɔ. Ni kerubim lɛ diɛŋtsɛ lɛ, amɛkete adeka lɛ kɛ ehe tsei lɛ anɔ yɛ amɛŋwɛigbɛ.

2 Kronika 6:11

ni miwo Kpãŋmɔ Adeka lɛ ni kpãŋmɔ ni Yehowa kɛ Israel kpãŋ lɛ yɔɔ mli lɛ miyato jɛi.”

Lalai 132:8

Oo Yehowa, wo ohe nɔ ni oya ohejɔɔmɔhe lɛ, bo kɛ ohewalɛ Adeka lɛ.

Ezekiel 41:4

Esusu tsu lɛ diɛŋtsɛ kɛlɛ, efee ninetalɔi nyɔŋmai enyɔ, kɛ elɛɛmɔ ninetalɔi nyɔŋmai enyɔ; nɛkɛ tsu nɛɛ yɛ He Krɔŋkrɔŋ lɛ sɛɛgbɛ. Kɛkɛ ni ekɛɛ mi akɛ, “Biɛ ji He Krɔŋkrɔŋ Fe Fɛɛ lɛ.”