2 Kronika 5:12 - ŊMALƐ KRƆŊKRƆŊ LƐ

¹² asaŋ Levibii lalatsɛmɛi, ni ji Asaf kɛ Heman kɛ Yedutun kɛ amɛshishibii lɛ kɛ amɛwekumɛi lɛ ewula kɛ klala atadei fɛɛfɛji, ni amɛhiɛhiɛ ŋmɛji kɛ bɛji kɛ saŋkui kɛdamɔ afɔleshãa latɛ lɛ bokãgbɛ. Osɔfoi oha kɛ nyɔŋmai enyɔ ni ji tɛtɛrɛmantɛrɛkpãlɔi fata lalɔi lɛ ahe.

Ṅmãle̱ Kroṅkroṅ Le̱

¹² ni Levibii le̱ ni dšì lalatše̱mei le̱ fẽ, *Asaf ke̱ Heman ke̱ Iedutun ke̱ ame̱-bii ke̱ ame̱nyemimei le̱, wowō klalai fe̱fe̱dši, ni ame̱hĩe ṅme̱dši ke̱ be̱dši ke̱ saṅkũi ke̱-damo afo̱lešãlate̱ le̱ bokãgbe̱, ni oso̱foi oha ke̱ nyoṅmai-enyo̱ ní kpãa te̱tre̱mantre̱i le̱ fata amehe; *1 Kron. 15,19; 16,37. 41. 42; 25,1-7.

2 Kronika 5:12 ပူးပေါင်းရင်းမြစ်များ

1 Kronika 13:8

Ni David kɛ Israel muu fɛɛ nya kɛ amɛnyɛmɔ fɛɛ kɛ lalai kɛ saŋkui kɛ bɛji kɛ miji kɛ ŋmɛji kɛ tɛtɛrɛmantɛrɛi amɛkɛwo Nyɔŋmɔ hiɛ nyam.

1 Kronika 15:24

Ahala Shebania kɛ Yoshafat kɛ Netanel kɛ Amasai kɛ Zakaria kɛ Benaia kɛ Eliezer, ni ji osɔfoi lɛ, koni amɛkpã tɛtɛrɛmantɛrɛ kɛnyiɛ Nyɔŋmɔ Kpãŋmɔ Adeka lɛ hiɛ. Aha Obed-Edom kɛ Yehia hu fata Kpãŋmɔ Adeka lɛ hebulɔi lɛ ahe.

1 Kronika 15:27

David wo klala kpakpa atade, ni no eko atade nɔŋŋ Levibii ni tere Yehowa Kpãŋmɔ Adeka lɛ kɛ joobilɔi lɛ kɛ Kenania, ni ji joobilɔi lɛ atsɛ lɛ, hu wowoo. David wo klala tsitsinɔhaanii hu.

1 Kronika 23:30

Agbɛnɛ daa leebi kɛ gbɛkɛ lɛ amɛlaa kɛdaa Yehowa shi; ni amɛkɛjieɔ eyi hu.

1 Kronika 23:5

Eto mɛi akpei ejwɛ akɛ agbonaabulɔi, ni eto mɛi akpei ejwɛ hu akɛ amɛ jie Yehowa yi kɛ jooshwɛmɔ nibii ni esaa eto koni akɛjie Yehowa yi lɛ.

1 Kronika 6:33

Naa hii ni tsu lala he nitsumɔ nɛɛ eko lɛ. Amɛteŋ mɔ fɛɛ mɔ kɛ eshwiei: Kohatbii anɔ mli lɛ Heman, ni ji Samuel bi Yoel bi lɛ, ji klɛŋklɛŋ lalatsɛ lɛ. Nɛkɛ ji bɔ ni wekukpãa kã shi ha kɛyashi Yakob nɔ: Heman tsɛ ji Yoel, ni Yoel tsɛ ji Samuel.

1 Kronika 6:39

Asaf ji lalatsɛ ni ji enyɔ ni edamɔɔ ninejurɔ gbɛ lɛ; nɛkɛ ji bɔ ni ewekukpãa kã shi hã kɛyashi Levi nɔ: Asaf tsɛ ji Berekia; ni Berekia tsɛ ji Shimea.

2 Kronika 29:25

Kɛkɛ ni Maŋtsɛ Hezekia hã Levibii lɛ yadamɔ Yehowa We lɛ mli kɛ ŋoŋoi kɛ obentai kɛ saŋkui bɔ ni Yehowa etsɔ̃ maŋtsɛ ninalɔ Gad kɛ agbɛnɛ Gbalɔ Natan nɔ etsɔ̃ɔ Maŋtsɛ David akɛ efee lɛ.

2 Kronika 29:26

Levibii lɛ hiɛhiɛ David yinɔ lámɔ nibii krokomɛi lɛ, ni osɔfoi lɛ hiɛ tɛtɛrɛmantɛrɛ lɛ.

2 Kronika 7:6

Osɔfoi lɛ damɔ amɛgbɛhe ni ato ahã amɛ lɛ, ni Levibii lɛ damɔ shi amɛmiikwɛ osɔfoi lɛ ahiɛ, ni amɛmiikpã bɛji ni Maŋtsɛ David kɛwo jamɔ lɛ mli koni akɛjie Yehowa yi lɛ akɛ, “Yehowa, esuɔmɔ sɛɛ efooo kɛmiiya naanɔ” lɛ. Nakai be mli lɛ Israel muu lɛ fɛɛ eho edamɔ shi.

Lalai 149:3

Hã amɛkɛ joo ajie egbɛi lɛ yi, ni amɛkɛ miji kɛ saŋku ala amɛkɛjie eyi.

Lalai 50:1

Nyɔŋmɔ, Yehowa Ofe lɛ, miiwie, ni eetsɛ shikpɔŋ lɛ kɛmiijɛ hulu shiteehe kɛyaashi eshinyɔɔhe.

Lalai 62:1

Nyɔŋmɔ pɛ ji mɔ ni misusuma efee kpoo emɛɔ nɛɛ; lɛ edɛŋ miyiwalaheremɔ jɛɔ.

Lalai 68:25

Lalɔi lɛ nyiɛ hiɛ, saŋkutswalɔi lɛ nyiɛ sɛɛ, ni oblayei ni shaa fabii lɛ nyiɛ teŋ.

Lalai 88:1

Oo Yehowa, miyiwalaheremɔ Nyɔŋmɔ, nyɔɔŋ kɛ shwane fɛɛ lɛ, mibolɔɔ yɛ ohiɛ.

Lalai 92:3

kɛ kpãa saŋku kɛ obenta.

Kpojiemɔ 15:6

ni bɔfoi kpawo lɛ ni hiɛ haomɔi kpawo lɛ je kpo kɛjɛ Sɔlemɔtsu lɛ mli, ni amɛwo klala ni he tse ni kpɛlɛɔ kaŋkaŋ, ni amɛfimɔ amɛtsitsii kɛ shika mlifiinii.

Kpojiemɔ 19:8

Ni ahã lɛ hegbɛ akɛ ewo klala ni hetse ni kpɛlɛɔ nyɛramnyɛram.” Ejaakɛ klala lɛ ji krɔŋkrɔŋbii lɛ ajalɛnii lɛ.