2 Kronika 4:19 - ŊMALƐ KRƆŊKRƆŊ LƐ

¹⁹ Maŋtsɛ Solomon hã afee shika nibii hu awo Yehowa we lɛ mli. Ekomɛi ji shika afɔleshãa latɛ lɛ kɛ okpɔlɔi ni akɛ aboloo ni akɛmaa Nyɔŋmɔ hiɛ lɛ maa nɔ lɛ.

Ṅmãle̱ Kroṅkroṅ Le̱

¹⁹ Ni Salomo fe nibii fẽ ní yo̱ Nyoṅmo̱ we le̱, ke̱ šika afo̱lešãlate̱ le̱ ke̱ okplōi le̱ ni hĩe-mã-abolo le̱ mãa no̱ le̱,

2 Kronika 4:19 ပူးပေါင်းရင်းမြစ်များ

2 Maŋtsɛmɛi 24:13

Ni eyaloo Yehowa we lɛ jwetri lɛ kɛ maŋtsɛ we lɛ jwetri lɛ fɛɛ kɛtee, ni ejwara shika nibii fɛɛ ni Israel Maŋtsɛ Solomon efee yɛ Yehowa Sɔlemɔtsu lɛ mli dukuduku eshwie, taakɛ bɔ ni Yehowa ewie eto lɛ.

1 Kronika 28:16

Etsɔ̃ɔ lɛ shika bɔ ni shika okpɔlɔi ni akɛ Nyɔŋmɔ aboloo lɛ mãa nɔ lɛ ateŋ eko fɛɛ eko hu aŋmɛ̃, kɛ jwiɛtɛi bɔ ni jwiɛtɛi okpɔlɔi lɛ ateŋ eko fɛɛ eko hu aŋmɛ̃,

2 Kronika 2:3

Kɛkɛ ni Maŋtsɛ Solomon tsu Tiro Maŋtsɛ Hiram ŋɔɔ, ni ayakɛɛ lɛ akɛ, “Bɔ ni ofee ohã mitsɛ David, ni obahã lɛ tsenedrutsei ekɛma shĩa ehi mli lɛ, nakai nɔŋŋ mitaoɔ koni ofee ohã mi hu.

2 Kronika 36:10

Afi lɛ shishijee mli lɛ, Maŋtsɛ Nebukadnezar wo tsuji gbɛ, ni amɛbamɔ Yehoiakin kɛtee Babilon, asaŋ aloo Yehowa we lɛ mli ojarawa nibii lɛ ekomɛi afata ehe kɛtee Babilon lɛ. Kɛkɛ ni Nebukadnezar to Yehoiakin nyɛminuu Zedekia akɛ Yuda kɛ Yerusalɛm maŋtsɛ.

2 Kronika 36:18

Kɛkɛ ni eloo Sɔlemɔ we lɛ mli jwetrii wuji kɛ bibii fɛɛ ni yɔɔ nitoohei lɛ, kɛ maŋtsɛ lɛ diɛŋtsɛ kɛ enukpai lɛ hu ajwetrii fɛɛ tswɛm, ni ekɛtee Babilon.

2 Kronika 4:8

No sɛɛ lɛ, afee okpɔlɔi nyɔŋma, ni akɛmamɔ Sɔlemɔtsu lɛ mli, enumɔ yɛ wuoyigbɛ, ni enumɔ yɛ kooyigbɛ. Afee okpolui bibiibii hu oha.

Yeremia 28:3

Biɛ afii enyɔ sɛɛ lɛ, mibaŋɔ Yehowa Sɔlemɔ we lɛ mli nibii fɛɛ ni Babilon Maŋtsɛ Nebukadnezar baloo yɛ biɛ kɛtee Babilon lɛ kɛba biɛ nɛɛ ekoŋŋ.

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Mateo 12:4

bɔ ni ebote Nyɔŋmɔ We lɛ, ni eyaye aboloi ni akɛmãa Nyɔŋmɔ hiɛ ni aŋmɛɛɛ lɛ gbɛ loo mɛi ni fata ehe lɛ yeɔ, akɛ ja osɔfoi lɛ kɛkɛ lɛ?

Kpojiemɔ 8:3

Ni bɔfo kroko ba ni ebadamɔ afɔleshãa latɛ lɛ he, ni ehiɛ shika tsofakɛŋma shãanɔ, ni akɛ tsofakɛŋma babaoo hã lɛ, koni ekɛfata krɔŋkrɔŋbii lɛ fɛɛ asɔlemɔi lɛ ahe yɛ shika afɔleshãa latɛ lɛ ni ma maŋtsɛ sɛ̃i lɛ hiɛ lɛ nɔ.

Kpojiemɔ 9:13

Ni bɔfo ni ji ekpaa lɛ kpã etɛtrɛmantrɛ lɛ, ni minu gbee ko kɛjɛ shika afɔleshãa latɛ ni ma Nyɔŋmɔ hiɛ lɛ akloŋtoi ejwɛ lɛ mli