2 Kronika 4:1 - ŊMALƐ KRƆŊKRƆŊ LƐ

¹ Maŋtsɛ Solomon hã afee akɔɔble afɔleshãa latɛ ni ekɛlɛ ji ninetalɔi nyɔŋmai enyɔ, elɛɛmɔ hu ninetalɔi nyɔŋmai enyɔ kɛ ekwɔlɛ ninetalɔi nyɔŋma.

Ṅmãle̱ Kroṅkroṅ Le̱

¹ Asaṅ efe *akō̱ble afo̱lešãlate̱: eke̱le̱ dši ninetalo̱i nyoṅmai-enyo̱ ni elē̱mo̱ hũ ninetalo̱i nyoṅmai-enyo̱ ni ekwo̱le̱ ninetalo̱i nyoṅma. *7,7.

2 Kronika 4:1 ပူးပေါင်းရင်းမြစ်များ

1 Maŋtsɛmɛi 8:22

Solomon ho edamɔ Yehowa afɔleshãa latɛ lɛ hiɛ, yɛ Israel asafo muu lɛ fɛɛ hiɛ, ni egbɛ enijiaŋ kɛtee ŋwɛi,

1 Maŋtsɛmɛi 8:64

Nakai gbi lɛ nɔ nɔŋŋ lɛ maŋtsɛ jɔɔ kpo lɛ ni yɔɔ Sɔlemɔtsu lɛ hiɛ lɛ nɔ efee lɛ krɔŋkrɔŋ, ejaakɛ jɛi eshã shãa afɔlei kɛ niyenii afɔlei kɛ kooloo muu afɔlei lɛ fɛɛ afɔi lɛ yɛ. Efee nakai ejaakɛ akɔɔble afɔleshãa latɛ ni mã Yehowa hiɛ lɛ edaaa, bɔ ni shãa afɔlei lɛ kɛ niyenii afɔlei lɛ kɛ shidaa afɔlei lɛ ahe fɔi lɛ aaaho nɔ.

1 Maŋtsɛmɛi 9:25

Afi kome mli lɛ, Solomon shãa afɔlei srɔtoi etɛ̃: eshãa shãa afɔlei kɛ shidaa afɔlei yɛ afɔleshãa latɛ ni emã ehã Yehowa lɛ nɔ; ni eshãa tsofakɛŋma yɛ nɔ ni ma Yehowa hiɛ lɛ nɔ. Belɛ egbe Sɔlemɔ we lɛ mãa lɛ naa.

2 Kronika 1:5

Akɔɔble afɔleshãa latɛ lɛ ni Bezalel, Hur bi Uri binuu lɛ, fee lɛ hu ma shi yɛ Gibeon lolo yɛ Yehowa Kpee Buu Krɔŋkrɔŋ lɛ hiɛ. Solomon kɛ Israel asafo lɛ ja Yehowa yɛ jɛi.

2 Kronika 15:8

Be ni Asa nu gbalɛ ni Obed bi Azaria gba lɛ, ena ekãa, ni egu musubɔɔ amãgãi lɛ fɛɛ yɛ Yuda kɛ Benyamin shikpɔji lɛ anɔ hei fɛɛ kɛ agbɛnɛ yɛ Efraim gɔji lɛ anɔ maji ni eshɔ̃shɔ̃ɔ lɛ fɛɛ hu amli. Esaa Yehowa afɔleshãa latɛ lɛ ni ma Yehowa Sɔlemɔtsu lɛ koi lɛ hiɛ lɛ.

2 Kronika 29:18

Levibii lɛ tee Maŋtsɛ Hezekia ŋɔɔ amɛyabɔ lɛ amaniɛ, ni amɛkɛɛ lɛ akɛ, “Wɔtsuu Yehowa sɔlemɔ shĩatso muu lɛ he wɔgbe naa. Shãa afɔle afɔleshãa latɛ lɛ kɛ ehe nibii lɛ fɛɛ, kɛ okplɔ̃ ni akɛ Yehowa aboloo lɛ maa nɔ lɛ, kɛ ehe nibii lɛ fɛɛ hu wɔtsuu he.

2 Kronika 7:7

No sɛɛ lɛ, Solomon tsuu kpo ni yɔɔ Yehowa Sɔlemɔtsu lɛ hiɛ lɛ he, ni efee lɛ krɔŋkrɔŋ ejaakɛ eshã shãa afɔlei lɛ kɛ shidaa afɔlei lɛ ahe fɔi lɛ yɛ jɛi, ejaakɛ akɔɔble afɔleshãa latɛ lɛ ni lɛ, Solomon lɛ, efee lɛ edaaa hãaa shãa afɔle lɛ kɛ niyenii afɔle lɛ kɛ fɔi lɛ fɛɛ.

2 Kronika 8:12

Solomon shã shãa afɔlei ekɛhã Yehowa yɛ Yehowa afɔleshãa latɛ ni ema ema Sɔlemɔtsu lɛ koi lɛ hiɛ lɛ nɔ.