2 Kronika 32:8 - ŊMALƐ KRƆŊKRƆŊ LƐ

⁸ Lɛ lɛ adesa hewalɛ kɛ lɛ yɔɔ; shi wɔ lɛ, Yehowa, wɔNyɔŋmɔ lɛ kɛ wɔ yɔɔ, koni eye ebua wɔ, asaŋ koni ewu wɔtai lɛ ehã wɔ.” Maŋbii lɛ na ekãa kɛ hiɛnɔkãmɔ yɛ Yuda Maŋtsɛ Hezekia wiemɔi lɛ ahewɔ.

Ṅmãle̱ Kroṅkroṅ Le̱

⁸ Le̱ le̱ *helo nine ke̱le̱ yo̱ le̱; ši wo̱ le̱, Iehowa, wo̱-Nyoṅmo̱ le̱, ke̱wo̱ yo̱, ko-ni eye ebuawo̱, ni ewu wo̱tai ehãwo̱! Ke̱ke̱ ni maṅ le̱ ṅõ ame̱hĩe ame̱fõ Iuda maṅtše̱ Hezekia wiemo̱i le̱ ano̱. *Ier. 17,6. 7.

2 Kronika 32:8 ပူးပေါင်းရင်းမြစ်များ

2 Maŋtsɛmɛi 18:5

Hezekia ŋɔ ehiɛ efɔ̃ Yehowa, Israel Nyɔŋmɔ lɛ nɔ, bɔ sɔŋŋ ni Yuda maŋtsɛmɛi ni baye nɔ kɛtsɔ̃ ehiɛ kɛ mɛi ni nyiɛ esɛɛ fɛɛ lɛ ateŋ mɔ ko mɔ ko ninaaa lɛ.

2 Maŋtsɛmɛi 6:16

Elisha here nɔ akɛ, “Kaashe gbeyei ejaakɛ mɛi ni kɛ wɔ yɔɔ lɛ fa fe mɛi ni kɛ amɛ yɔɔ lɛ.”

1 Kronika 5:22

Hagribii lɛ babaoo nyɔnyɔi ejaakɛ eji Nyɔŋmɔ suɔmɔ naa akɛ awu nakai ta lɛ. Rubenbii lɛ kɛ Gadbii lɛ kɛ Bokãgbɛ Manasebii lɛ hi shikpɔŋ lɛ nɔ aahu kɛyashi be ni aŋɔ amɛ nom lɛ.

2 Kronika 13:12

Naa, Nyɔŋmɔ kɛ wɔ yɛ, ni lɛ enyiɛ wɔta lɛ hiɛ, asaŋ esɔfoi lɛ hu yɛ biɛ kɛ tɛtɛrɛmantɛrɛi, ni amɛbaakpã kɛbɔ tawuu oshe amɛwo nyɛ. Ataamɛi Israelbii, nyɛkakaa kwraa akɛ nyɛkɛ Yehowa, nyɛtsɛmɛi aNyɔŋmɔ, lɛ baawu ta. Nyɛyeŋ kunim kɔkɔɔkɔ.”

2 Kronika 14:10

No hewɔ lɛ, Asa hu fã kɛ etabilɔi koni ekɛ Zera eyakpe. Biɛ kɛ biɛ lɛ gba ta yɛ Zefata Jɔɔ lɛ mli yɛ Maresha.

2 Kronika 14:11

Kɛkɛ ni Asa sɔle etsɛ Yehowa, eNyɔŋmɔ lɛ, ni ekɛɛ akɛ, “Oo! Yehowa, bo lɛ mɔ ko bɛ ni eyeɔ ebuaa hewalɔ kɛ mɔ ni bɛ hewalɛ fɛɛ tamɔ ofeɔ lɛ. Ŋmɛlɛtswaa nɛɛ mli lɛ ye obua wɔ, Yehowa, wɔNyɔŋmɔ, ejaakɛ bo onɔ wɔhiɛ kã, ni asaŋ bo ogbɛi mli wɔba yɛ wɔkɛ ta kpeteŋkple nɛɛ baawu. Ao! Yehowa, bo ji wɔNyɔŋmɔ, ni kaahã adesa ko nine miitsɔ̃ wɔnɔ.”

2 Kronika 16:7

Nɛkɛ be nɛɛ mli lɛ Gbalɔ Hanani ba Yuda Maŋtsɛ Asa ŋɔɔ, ni ebakɛɛ lɛ akɛ, “Akɛni okɛ ohe fɔ̃ Siria maŋtsɛ lɛ nɔ, shi okɛ ohe eyafɔɔɔ Yehowa, oNyɔŋmɔ lɛ, nɔ hewɔ lɛ bɛ ona akɛ Israel maŋtsɛ lɛ ta lɛ je odɛ̃ŋ?

2 Kronika 20:15

Kɛkɛ ni Yahaziel kɛɛ asafo lɛ akɛ, “Maŋtsɛ kɛ Yudabii kɛ Yerusalɛm maŋbii fɛɛ ni naa ekpe shi, nɔ ni Yehowa kɛɔ nyɛ nɛ, ‘Nyɛkashea gbeyei, asaŋ nyɛtsui akafãa hu yɛ ta babaoo nɛɛ hewɔ, ejaakɛ ta ni abaawu lɛ ebɛ nyɛdɛŋ, Nyɔŋmɔ dɛŋ eyɔɔ.’

2 Kronika 20:17

Ta nɛɛ lɛ nyɛtswaŋ eko. Nyɛ lɛ nyɛgbaa nyɛta lɛ kɛkɛ koni nyɛdamɔa shi nyɛmɛ koni nyɛkwɛ kunim ni Yehowa baaye ahã nyɛ Yuda kɛ Yerusalɛmbii. Nyɛkashea gbeyei, asaŋ nyɛtsui akafãa hu. Wɔ lɛ, nyɛfãa ta koni nyɛ kɛ amɛ ayakpea ejaakɛ Yehowa kɛ nyɛ yɛ.”

2 Kronika 20:20

Yuda hii lɛ kɛ Yerusalɛm hii lɛ fã enɔ jetsɛremɔ leebi maŋkpa kɛtee Tekoa shiaŋa lɛ nɔ. Shi dani amɛfã lɛ Yehoshafat ho edamɔ shi ni ekɛ ta lɛ wie. Ekɛɛ amɛ akɛ, “Agoo! Yuda hii kɛ Yerusalɛm hii, nyɛhea Yehowa, nyɛNyɔŋmɔ lɛ, nyɛyea, ni nyɛbaanyɛ shi nyɛfi; ni nyɛhea gbalɔi lɛ hu nyɛyea, ni nyɛbaaye omanye.”

2 Kronika 32:15

No hewɔ lɛ, nyɛkahãa Hezekia miishishiu nyɛ, ni elakaa nyɛ nɛkɛ; ni asaŋ nyɛkahea lɛ nyɛyea hu. Ejaakɛ maŋ ko maŋ ko loo maŋtsɛ ko maŋtsɛ ko jemawɔŋ nyɛko emaŋbii ayiwala ehere yɛ Asiria maŋtsɛ ko dɛŋ dã, aahu ni nyɛNyɔŋmɔ lɛ. Enyɛŋ nyɛyiwala ehere yɛ mi midɛŋ.”

Hiob 40:9

Aso ohewalɛ shɛɔ Nyɔŋmɔ nɔ lɛ, ni obaanyɛ ohã ogbee ashi tamɔ Nyɔŋmɔ nɔ lɛ lo?

Lalai 118:8

Ehi akɛ abaa Yehowa abo, fe nɔ ni akɛ hiɛ aaafɔ̃ gbɔmɔ adesa nɔ.

Lalai 20:7

Mɛi komɛi shwãa fɔ̃ɔ tayaa shwiilii anɔ, ni mɛi komɛi hu okpɔŋɔi anɔ; shi wɔ lɛ, Yehowa, wɔNyɔŋmɔ lɛ, hewalɛ nɔ wɔshwãa wɔfɔ̃ɔ.

Lalai 46:11

Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe.

Lalai 46:7

Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe;

2 Mose 4:31

Maŋ lɛ he lɛ ye. Ni be ni amɛnu akɛ Yehowa ekwɛ ni ena Israelbii lɛ amanehulu lɛ, amɛmamɔ amɛyitsei ashi ni amɛja.

Abe̱i 12:25

Mligbigblimɔ dɔɔ mɔ kɔmɔɔ; shi wiemɔ kpakpa yɔɔ nɛɛ ehãa mɔ mii shɛɔ ehe.

Yesaia 30:32

Bɔ ni miji kɛ saŋkui agbɛɛmɔ nyiɛɔ lɛ, nakai Yehowa baatswa amɛ kpãa kɛgbala amɛtoi. Yehowa diɛŋtsɛ kɛ Asiriabii lɛ baawu.

Yesaia 31:3

Ijiptbii lɛ gbɔmɛi adesai kɛkɛ ji amɛ; jeee Nyɔŋmɔ ji amɛ, ni amɛkpɔŋɔi lɛ heloo kɛ lá ni, shi jeee mumɔi ni. Kɛji Yehowa wo enine nɔ lɛ, mɔ ni yeɔ buaa mɔ lɛ aaatɛ, ni mɔ ni ayeɔ abuaa lɛ lɛ hu aaagbee shi, ni amɛ fɛɛ amɛhiɛ aaakpãtã.

Yesaia 36:18

Nyɛkahãa Hezekia miilakaa nyɛ akɛ Yehowa baahere nyɛyiwala.’ Ani jeŋmaji lɛ anyɔŋmɔi lɛ eko ehere eshikpɔŋ yiwala kɛje Asiria maŋtsɛ lɛ dɛŋ pɛŋ?

Yesaia 41:10

Kaashe gbeyei, shi mi mi kɛ bo yɔɔ; kaakwɛkwɛɛ ohe ejaakɛ mi ji oNyɔŋmɔ lɛ!” Mibawaje bo, mibaye mabua bo; mibahiɛ omli kɛ mikunimyeli ninejurɔ lɛ!

Yesaia 8:10

Nyɛkpãŋa; shi fɛɛ aaafee yaka. Nyɛkɛa nɔ ni nyɛyɔɔ kɛɛmɔ, shi fɛɛ aaafee yaka, ejaakɛ Nyɔŋmɔ kɛ wɔ yɛ.

Yeremia 17:5

Yehowa kɛɛ akɛ, “Alomɔ mɔ ni kɛ ehiɛ fɔ̃ɔ gbɔmɔ adesa nɔ, mɔ ni shiɔ Yehowa sɛɛ, ni ekɛ ehe kpasaa adesa hewalɛ.

Yeremia 42:11

Nyɛkashea Babilon maŋtsɛ, mɔ gbeyei ni nyɛsheɔ lɛ, gbeyei dɔŋŋ. Nyɛkashea lɛ gbeyei, mi Yehowa, miikɛɛ nyɛ; ejaakɛ mi kɛ nyɛ yɛ koni mahere nyɛyiwala, ni makpɔ̃ nyɛ yɛ edɛŋ.

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

Bɔfoi 18:10

ejaakɛ mikɛ bo yɛ, ni mɔ ko mɔ ko etaŋ ohe ni efeŋ bo efɔŋ ko, ejaakɛ miyɛ mɛi pii yɛ maŋ nɛɛ mli.”

5 Mose 20:1

“Kɛji nyɛmiiya nyɛkɛ nyɛhenyɛlɔi ayawu ta, ni nyɛna amɛkpɔŋɔi kɛ tawuu shwiilii kɛ tabilɔi babaoo ni ayi fa fe nyɛ lɛ, nyɛkashea gbeyei, ejaakɛ Yehowa, nyɛNyɔŋmɔ lɛ, ni yakpɔ̃ nyɛ yɛ Ijipt shikpɔŋ lɛ nɔ lɛ kɛ nyɛ yɛ.

5 Mose 20:3

ni ekɛɛ amɛ akɛ, ‘Hiiabii Israelbii, nyɛboa toi! Ta ebanina nyɛ ŋmɛnɛ, ni nyɛkɛ nyɛhenyɛlɔi yaakpe. Nyɛtsui akafãa; nyɛkashea gbeyei, ni nyɛhe akakpokpoa; nyɛkahãa ŋmiŋmi mɔmɔa nyɛ yɛ amɛhiɛ,

5 Mose 20:4

ejaakɛ Yehowa, nyɛNyɔŋmɔ lɛ, kɛ nyɛ yaa ta lɛ koni ekɛ nyɛhenyɛlɔi lɛ ayawu ahã nyɛ koni nyɛye kunim.’

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.

2 Timoteo 4:22

Nuŋtsɔ Yesu Kristo kɛ omumɔ lɛ ahi shi! Dromɔ kɛ nyɛ ahi shi! Amen.

Yoshua 10:42

Ta shi kome ni Yoshua fã lɛ, ekɛye shikpɔji nɛɛ kɛ amɛmaŋtsɛmɛi lɛ fɛɛ anɔ kunim ejaakɛ Yehowa, Israel Nyɔŋmɔ lɛ, ji mɔ ni wu tai lɛ ehã Israelbii lɛ.

1 Yohane 4:4

Mibii bibii, nyɛ lɛ nyɛjɛ Nyɔŋmɔ mli ni nyɛye amalegbalɔi lɛ anɔ kunim; ejaakɛ Mumɔ ni yɔɔ nyɛmli lɛ da fe mumɔ ni yɔɔ je lɛ mli lɛ.

1 Samuel 17:45

David to he ehã Filistinyo lɛ akɛ, “Bo lɛ ooba minɔ kɛ klante kɛ akplɔ kɛ tsɛŋ; shi mi lɛ mikɛ bo miiba abakpe yɛ Yehowa ni ji Tatsɛ lɛ, Israel tai ni obɔɔ amɛ ahora lɛ aNyɔŋmɔ lɛ, gbɛi mli.