2 Kronika 32:5 - ŊMALƐ KRƆŊKRƆŊ LƐ

⁵ Kɛkɛ ni Hezekia kɛ hiɛdɔɔ saa Yerusalɛm he gbogbo lɛ hei ni ekumɔ lɛ fɛɛ etswa kɛtee ŋwɛi; asaŋ etswa mɔji yɛ gbogbo lɛ nɔ heihei. Esaa etswa gbogbo kroko hu ewo maŋ lɛ he, ni efee enyɔ. Ewaje Yerusalɛm kpɔ mli ni atsɛɔ jɛi akɛ Milo lɛ. Efee akplɔi kɛ tsɛŋi babaoo diɛŋtsɛ hu.

Ṅmãle̱ Kroṅkroṅ Le̱

⁵ Ni ená ekã, ni esā gbogboi ní *ekũmo̱ le̱ fẽ, ni ehã kwo̱ ke̱-se̱ mõdši ni kwŏ̱lo̱ le̱ ahe, ni etſa gbogbo kroko, hũ ewo maṅ le̱ he, ni ewadše Milo ye̱ David mã le̱ṅ, ni efe tawūnii ke̱ tše̱ṅi babaō. *25,23.

2 Kronika 32:5 ပူးပေါင်းရင်းမြစ်များ

2 Samuel 5:9

David kɛ Zion fee eshihilɛhe, ni ewo jɛi gbɛi akɛ David Maŋ. Esaa etswa maŋ lɛ ehee, kɛjɛ Milo lɛ he kɛba mli gbɛ ekɛbabɔle mɔɔ lɛ he kpula kɛkpe.

1 Maŋtsɛmɛi 11:27

Nɔ ni kɛ atuatsemɔ lɛ ba nɛ. Solomon miisaa eetswa Milo ni ji Yerusalɛm gbogbo ni yɔɔ bokãgbɛ lɛ. Gbogbo nɛɛ ni yɔɔ etsɛ maŋ lɛ he lɛ he ko ekumɔ.

1 Maŋtsɛmɛi 9:24

Shi Ijipt maŋtsɛbi yoo lɛ shi David maŋ lɛ mli kɛtee eshĩa ni Solomon emã ehã lɛ lɛ mli. Kɛkɛ ni Solomon saa shikpɔŋ ni kã Yerusalɛm bokãgbɛ lɛ hiɛ.

2 Maŋtsɛmɛi 12:20

Maŋtsɛ Yoash tsuji lɛ te shi, ni amɛkpãŋ eyi nɔ, ni amɛgbe lɛ yɛ he ko ni atsɛɔ lɛ Milo lɛ, yɛ gbɛ ni atsɔ̃ɔ nɔ kɛyaa Sila lɛ nɔ.

2 Maŋtsɛmɛi 25:4

Kɛkɛ ni agbu gbɛ kɛtsɔ̃ maŋ lɛ gbogbo lɛ mli, ni maŋtsɛ lɛ kɛ etabilɔi lɛ fɛɛ jo foi nyɔɔŋ kɛtsɔ̃ agbo lɛ ni naa kã gbogboi enyɔ ni yɔɔ maŋtsɛ trom lɛ masɛi lɛ ateŋ lɛ gbɛ lɛ nɔ, ni amɛjo foi kɛtsɔ̃ Yordan Jɔɔ lɛ mli gbɛ lɛ nɔ; tsɛbelɛ Babilonbii lɛ egba kɛbɔle maŋ lɛ kɛkpe.

2 Kronika 12:1

Be ni Rehoboam maŋtsɛyeli lɛ ema shi, ni ena hewalɛ lɛ, lɛ kɛ ewebii lɛ fɛɛ gbo Yehowa mlai lɛ anɔ toi.

2 Kronika 23:1

Shi afi ni ji kpawo lɛ nɔ lɛ, Osɔfo Yehoiada kanya ehe. Enine shɛ asraafoi oha ku asafoiatsɛmɛi enumɔ komɛi anɔ, ni ekɛ amɛ kpãŋ. Asafoiatsɛmɛi nɛɛ ji Yeroham bi Azaria, kɛ Yohohana bi Ishmael, kɛ Obed bi Azaria, kɛ Adaia bi Maaseia, kɛ Zikri bi Elishafat.

2 Kronika 25:23

Israel Maŋtsɛ Yehoash mɔ Yuda Maŋtsɛ Amazia, ni ji Ahazia bi Yoash bi lɛ, yɛ Bet-Shemesh, ni ekɛ lɛ ba Yerusalɛm. Yehoash bakumɔ Yerusalɛm maŋ lɛ he gbogbo lɛ eshwie shi kɛjɛ Efraim Agbo lɛ naa aahu kɛyashi Koŋ Agbo lɛ naa. Gbɛ ni kã agboi enyɔ nɛɛ ateŋ lɛ jɛkɛmɔ ji ninetalɔi ohai ejwɛ.

2 Kronika 26:8

Amonbii lɛ tsu too amɛkɛsɔmɔ Uzia; ni Uzia batsɔ̃ gbɔmɔ wulu naakpa, ni egbɛi hehe kɛshɛ Ijipt kpokpai anɔ tɔ̃ɔ.

2 Kronika 33:14

Sane nɛɛ sɛɛ lɛ Manase tswa gbogbo hee ebɔle David Maŋ lɛ he gbogbo momo lɛ he, kɛjɛ Gihon Nuhiŋmɛi lɛ anaigbɛ, yɛ jɔɔ lɛ mli, aahu kɛho Loo Agbo lɛ he kɛbɔle maŋ lɛ fã ko ni atsɛɔ jɛi akɛ Ofel lɛ. Ehã gbogbo nɛɛ kwɔ fe gbogbo momo lɛ. Asaŋ eto tatsɛmɛi ehã tabilɔi ni yɔɔ Yuda maji fɛɛ ni atswa gbogbo awo amɛhe lɛ amli.

Abe̱i 25:28

Mɔ ni nyɛɛɛ ehe nɔ eye lɛ, etamɔ maŋ ni akumɔ ehe gbogboi ashwie shi.

Yeremia 39:4

Be ni Yuda Maŋtsɛ Zedekia kɛ etabilɔi lɛ na Babilon maŋtsɛ tsuji lɛ, amɛka foijee; amɛshi maŋ lɛ mli nyɔɔŋ; amɛtsɔ̃ maŋtsɛ trom lɛ gbɛ lɛ nɔ agbo lɛ ni yɔɔ maŋ gbogboi enyɔ lɛ ateŋ lɛ mli, ni amɛyi Yordan Jɔɔ lɛ mli gbɛ.

Yoel 2:8

mɔ fɛɛ mɔ nyiɛ egbɛ nɔ. Amɛgbaa shi kutuu kɛtsɔ̃ɔ tawuu afabaŋi amli, ni nɔ ko nɔ ko etsiii amɛ gbɛ.

Kojolɔi 9:6

Kɛkɛ ni Shekembii lɛ fɛɛ kɛ Milo we lɛ fɛɛ naa bakpe shi ni amɛtee amɛyawo Abimelek maŋtsɛ yɛ kaimɔ tso kpeteŋkple ni yɔɔ Shekem lɛ shishi.