2 Kronika 32:30 - ŊMALƐ KRƆŊKRƆŊ LƐ

³⁰ Maŋtsɛ Hezekia nɛɛ nɔŋŋ ji mɔ ni yatsi Gihon Nuhiŋmɛi lɛ naa yɛ yiteŋgbɛ, ni edɔ nu lɛ yi, ni ehã ebatsɔ̃ Yerusalɛm anaigbɛ lɛ. Nɔ fɛɛ nɔ ni Hezekia mɔ etsumɔ mli lɛ eshwere.

Ṅmãle̱ Kroṅkroṅ Le̱

³⁰ Hezekia ne̱ noṅṅ tšĩ Gihon nu le̱ nā ye̱ yiteṅgbe̱, ni ehã ebatšṍ David maṅ le̱ anaigbe̱; ši Hezekia nitšumo̱ fẽ te no̱ dšogbāṅ.

2 Kronika 32:30 ပူးပေါင်းရင်းမြစ်များ

1 Maŋtsɛmɛi 1:33

Ni David kɛɛ amɛ akɛ, “Nyɛŋɔa mitsuji lɛ nyɛfataa nyɛhe, ni nyɛkɛ mibi Solomon ataa mi diɛŋtsɛ mitejiokpɔŋɔ lɛ nɔ, ni nyɛkɛ lɛ ayaa Gihon faa lɛ naa.

1 Maŋtsɛmɛi 1:38

No hewɔ lɛ, Osɔfo Zadok kɛ gbalɔ Natan kɛ Yehoida bi Benaia kɛ maŋtsɛ hebulɔi lɛ wó Solomon amɛta Maŋtsɛ David tejiokpɔŋɔ lɛ nɔ, ni akɛ lɛ tee Gihon faa lɛ naa.

1 Maŋtsɛmɛi 1:45

Be ni Osɔfo Zadok kɛ Gbalɔ Natan efɔ lɛ mu amɛwo lɛ maŋtsɛ sɛɛ lɛ, amɛku amɛsɛɛ kɛ nyamɔ kɛba maŋ lɛ mli. No ji bolɔmɔ kɛ nyamɔ ni nyɛnu he lɛ.

2 Maŋtsɛmɛi 20:20

Agbɛnɛ Hezekia he saji ni eshwɛ lɛ kɛ ekãa ni efee lɛ kɛ kpaakpo kɛ ehe nujɔɔ ni efee ni ekɛtsɛ nu kɛba Yerusalɛm lɛ, aŋma yɛ Yuda Maŋtsɛmɛi Ayinɔ Saji Awolo lɛ mli.

2 Kronika 26:5

Zakaria ji mɔ ni wo lɛ ŋaa, ni etsɔ̃ɔ lɛ bɔ ni ehi shi ehã yɛ Nyɔŋmɔ gbɛfaŋ; ni gbɔmɔ nɛɛ wala be mli fɛɛ lɛ Maŋtsɛ Uzia sɔmɔ Nyɔŋmɔ ni bei abɔ fɛɛ ni Uzia sɔmɔ Yehowa lɛ, Nyɔŋmɔ hã eshwere.

2 Kronika 32:3

lɛ kɛ etsuji lɛ kɛ etabilɔi kãkãlɔi lɛ tee ajina, ni amɛye amɛfua akɛ atsimɔ nuhiŋmɛii ni yɔɔ maŋ lɛ hewɔ lɛ. Gbɔmɛi nɛɛ ye bua Hezekia.

2 Kronika 32:4

Amɛbua mɛi babaoo anaa, ni amɛtsimɔ nuhiŋmɛii kɛ fai ni hoɔ yɛ shikpɔŋ lɛ nɔ lɛ fɛɛ ahiŋmɛii bɔ ni afee ni kɛji Asiria maŋtsɛmɛi lɛ ba Yerusalɛm lɛ amɛkana nu amɛnu.

2 Kronika 33:14

Sane nɛɛ sɛɛ lɛ Manase tswa gbogbo hee ebɔle David Maŋ lɛ he gbogbo momo lɛ he, kɛjɛ Gihon Nuhiŋmɛi lɛ anaigbɛ, yɛ jɔɔ lɛ mli, aahu kɛho Loo Agbo lɛ he kɛbɔle maŋ lɛ fã ko ni atsɛɔ jɛi akɛ Ofel lɛ. Ehã gbogbo nɛɛ kwɔ fe gbogbo momo lɛ. Asaŋ eto tatsɛmɛi ehã tabilɔi ni yɔɔ Yuda maji fɛɛ ni atswa gbogbo awo amɛhe lɛ amli.