2 Kronika 32:13 - ŊMALƐ KRƆŊKRƆŊ LƐ

¹³ Nyɛleee kwraa nɔ ni mi kɛ Asiria maŋtsɛmɛi ni etsɔ̃ mihiɛ efee shikpɔji krokomɛi anɔ bii lo? Shikpɔji lɛ eko nɔ jemawɔji lɛ eko enyɛ emaŋbii lɛ ayiwala ehere yɛ midɛŋ pɛŋ lo?

Ṅmãle̱ Kroṅkroṅ Le̱

¹³ Ani nyelee noni mike̱ mitše̱mei le̱ fe šikpõdši le̱ ano̱ bii fẽ le̱? Ani šikpõdši le̱ ano̱ mãdši le̱ anyoṅmo̱i le̱ enyẽ ame̱šikpoṅ le̱ yiwala ehere ke̱-dše̱ mideṅ pẽṅ lo?

2 Kronika 32:13 ပူးပေါင်းရင်းမြစ်များ

1 Korintobii 8:4

Agbɛnɛ nɔ ni kɔɔ wɔji afɔle nii ayeli he lɛ, wɔle akɛ wɔŋ ko wɔŋ ko jeee fɛifɛi yɛ je nɛɛ mli, ni asaŋ nyɔŋmɔ ko nyɔŋmɔ ko bɛ, akɛ ja Mɔ kome kɛkɛ.

Bɔfoi 19:26

Ni nyɛsaa nyɛmiina ni nyɛmiinu akɛ jeee Efeso nɛɛ kɛkɛ, shi moŋ shwɛ fioo ni Asia fɛɛ lɛ, Paulo nɛɛ ehã mɛi babaoo ayiŋ etsɔ̃, ni ekpale amɛ; ekɛɔ akɛ nii ni akɛ niji fee lɛ jeee nyɔŋmɔi ni.

Daniel 5:19

ni agbojee ni aduro lɛ naa hewɔ lɛ shikpɔji kɛ asafoi kɛ wiemɔi srɔtoi anɔ bii bluublu sheɔ lɛ gbeyei, ni mɛi ahe kpokpoɔ yɛ ehiɛ. Mɔ ni esumɔɔ akɛ egbe lɛ lɛ, egbeɔ lɛ, ni mɔ ni esumɔɔ akɛ ehi wala mli lɛ, ehãa ehiɔ wala mli. Mɔ ni esumɔɔ akɛ ewo enɔ lɛ, ewoɔ enɔ; ni mɔ hu ni esumɔɔ akɛ eba lɛ shi lɛ, ebaa lɛ shi.

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Daniel 4:30

ekɛɛ akɛ, “Kwɛ Babilon maŋ nɛɛ dalɛ. Mikɛ mihewalɛ tswa lɛ ma shi akɛ maŋtsɛmaŋ; ni eeye mihewalɛ lɛ kɛ agbojee he odase.”

Yeremia 10:16

Yakob Nyɔŋmɔ lɛ tamɔɔɔ enɛɛmɛi, ejaakɛ lɛ ji mɔ ni bɔ nii fɛɛ; ni eŋɔ Israel ekɛfee lɛ diɛŋtsɛ emaŋ ni egbɛi ji Yehowa, Taiatsɛ.

Yesaia 10:14

Minine eshɛ majimaji lɛ anii ni amɛna anɔ tamɔ aloɔ loofɔlɔ wɔji yɛ etsu mli be ni ebɛ jɛi lɛ, nakai minine eshɛ majimaji lɛ anii anɔ, ni mɔ ko mɔ ko bɛ ni baatswa efijiaŋ aloo etswa esɛŋ ekɛɛ nɔ ko.”

2 Kronika 32:19

Tsuji nɛɛ wie Yerusalɛm Nyɔŋmɔ lɛ he tamɔ amɛwieɔ shikpɔŋ lɛ nɔ maji krokomɛi anɔ jemawɔji lɛ, ni ji gbɔmɔ adesa ninenaa nitsumɔnii lɛ ahe lɛ pɛpɛɛpɛ.

2 Maŋtsɛmɛi 15:29

Israel Maŋtsɛ Peka yinɔ lɛ Tiglat-Pileser, Asiria maŋtsɛ lɛ, fã ta kɛba Israel. Ebaŋɔ Gilead kɛ Galilea shikpɔji lɛ kɛ amɛmli maji nɛɛ: Iyon, Abel-Bet-Maaka, Yanoa, Kedesh, Hazor. Eŋɔ Naftali shikpɔŋ muu lɛ fɛɛ hu. Kɛkɛ ni eŋɔ Israelbii fɛɛ ni yɔɔ shikpɔŋ nɛɛ nɔ lɛ nom kɛtee Asiria.

2 Kronika 32:14

Majimaji ni mitsɛmɛi ni etsɔ̃ mihiɛ lɛ fee amɛ musu lɛ ajemawɔji lɛ, te amɛteŋ nɔ ni ehere emaŋbii ayiwala yɛ midɛŋ pɛŋ, hewɔ ni nyɛ lɛ nyɛNyɔŋmɔ lɛ baanyɛ nyɛyiwala ehere yɛ midɛŋ lɛ?