2 Kronika 28:9 - ŊMALƐ KRƆŊKRƆŊ LƐ

⁹ Be nɛɛ mli lɛ gbalɔ ko yɛ Samaria maŋ lɛ mli ni atsɛɔ lɛ Obed. Be ni Israel tabilɔi lɛ pue kɛ Yuda nomii lɛ yɛ Samaria lɛ, etee ni ekɛ amɛ yakpe, ni ekɛɛ Israel tabilɔi lɛ akɛ, “Naa, Yehowa, nyɛtsɛmɛi aNyɔŋmɔ lɛ, mli ni fu Yuda lɛ no hewɔ ehã nyɛye amɛnɔ kunim yɛ ta lɛ mli lɛ. Shi gbe ni nyɛgbe amɛ lɛ yɛ musuŋshãa bɔ ni Yehowa diɛŋtsɛ enu he yɛ ŋwɛi ehã amɛ.

Ṅmãle̱ Kroṅkroṅ Le̱

⁹ Ši Iehowa gbalo̱ ko ye̱ dše̱i, ní atšē̱o̱le̱ Obed; ni eke̱ ta ní baä Samaria le̱ yakpe, ni ekē̱ame̱ ake: Na, Iehowa, nyetše̱mei a-Nyoṅmo̱ le̱, mli ni efũ Iuda hewo̱ atuame̱ awo nyedeṅ ne̱; ši nye-gbegbẽame̱ āhũ ke̱ grimo̱ ni ekwo̱ ke̱-yaše̱ ṅwei tō̃! 1 Mose 18,21. Ezra 9,3.

2 Kronika 28:9 ပူးပေါင်းရင်းမြစ်များ

1 Mose 11:4

Amɛkɛɛ akɛ, “Agbɛnɛ nyɛhãa wɔtoa maŋ wɔhãa wɔhe, ni emli mɔɔ yiteŋ ayashi ŋwɛi, ni wɔkɛhe gbɛi koni wɔkagbɛ wɔshwã shikpɔŋ muu lɛ fɛɛ nɔ.”

1 Mose 4:10

Ni Yehowa kɛɛ lɛ akɛ, “Mɛni ofee nɛɛ? Onyɛmi lɛ la miibolɔ kɛmiijɛ shikpɔŋ sũ mli eetsɛ mi.

1 Maŋtsɛmɛi 20:13

Nakai be mli nɔŋŋ ni gbalɔ ko ba Israel Maŋtsɛ Ahab ŋɔɔ, ni ebakɛɛ lɛ akɛ, “Bɔ ni Yehowa kɛɔ nɛ: ‘Te ona asafo kpekpeŋkpekpeŋ nɛɛ fɛɛ? Naa, mibahã oye amɛnɔ kunim ŋmɛnɛ, koni ona ole akɛ mi ji Yehowa.’ ”

1 Maŋtsɛmɛi 20:22

Kɛkɛ ni gbalɔ lɛ tee Maŋtsɛ Ahab ŋɔɔ, ni eyakɛɛ lɛ akɛ, “Yaa koni oyasaa ohe oto. Ojwɛŋ nɔ ni eba lɛ he, ejaakɛ wɔsɛɛ afi nɛkɛ be mli lɛ Siria maŋtsɛ lɛ baaba ebatua bo.”

1 Maŋtsɛmɛi 20:42

Kɛkɛ ni gbalɔ lɛ kɛɛ Maŋtsɛ Ahab akɛ, “Bɔ ni Yehowa kɛɛ nɛ: ‘Akɛni oŋmɛɛ mɔ ni mijɔɔ enɔ mihã bo koni ogbe lɛ lɛ hewɔ lɛ, okɛ bo diɛŋtsɛ ohe baatse yɛ enajiaŋ kɛ omaŋ lɛ hu yɛ emaŋ lɛ najiaŋ.’ ”

1 Kronika 21:13

David to he eha Gad akɛ, “Sane lɛ wa hã mi naakpa. Shi fɛɛ sɛɛ lɛ misumɔŋ ni mayaje gbɔmɔ adesã dɛŋ. Miyɛ Yehowa dɛŋ, ejaakɛ lɛ lɛ emɔbɔnalɛ fa.”

2 Kronika 28:5

Ahaz jeŋba nɛɛ hewɔ lɛ, Yehowa, eNyɔŋmɔ lɛ, ŋmɛɛ ehe ehã Siria maŋtsɛ ni ebaye enɔ kunim yɛ ta mli, ni eŋɔ Yudabii babaoo diɛŋtsɛ nom kɛtee Damasko. Nakai nɔŋŋ Israel maŋtsɛ lɛ hu baye Ahaz nɔ kunim, ni ekpãtã Yudabii ahiɛ musúmusú,

Ezra 9:6

ni mikɛɛ “Ao, miNyɔŋmɔ, mihiɛ egbo, ni eefee mi hiɛgbele akɛ mawo mihiɛ nɔ makwɛ ohiɛ, miNyɔŋmɔ; ejaakɛ wɔtɔ̃mɔi lɛ esu wɔ, ni wɔfɔ ni wɔye lɛ da ni ekwɔ tamɔ ŋwɛi.

Lalai 69:26

Ejaakɛ amɛwaa mɔ ni otswia lɛ nii momo lɛ yi; ni mɔ ni opila lɛ momo lɛ, amɛyaa nɔ amɛpiŋɔ lɛ.

Yesaia 47:6

Mimli wo mimaŋ lɛ la, ni mibule minɔyeli nɔ lɛ, ni miŋɔ amɛ miwo odɛ̃ŋ. Omusuŋ etsɔ̃ɔɔ bo yɛ amɛhe; hiimeji tete po okɛ amɛ ye kɛ joomɔ.

Yona 1:2

“Tee shi ni oya Nineve maŋ kpeteŋkple lɛ mli koni oyashiɛ oshi maŋ lɛ, ejaakɛ nifɔɔjianii fɛɛ ni emli bii lɛ feɔ lɛ miina fɛɛ.”

Zakaria 1:15

Shi mimli efu maji ni he ejɔ amɛ lɛ naakpa, ejaakɛ be ni mimli fu mimaŋ lɛ fioo lɛ, jeŋmaji lɛ kã amɛnɔnaa lɛ mli.

Kpojiemɔ 18:5

Ejaakɛ ehe eshai lɛ anɔ ekwɔ kɛshɛ ŋwɛi tɔ̃ɔ, ni Nyɔŋmɔ ekai enifɔɔji anii lɛ.

Kojolɔi 3:8

No hewɔ lɛ, Yehowa mli wo Israelbii lɛ ala, ni ehã Mesopotamia maŋtsɛ Kushan-Rishataim ye amɛnɔ kunim ni amɛsɔmɔ lɛ afii kpaanyɔ.