2 Kronika 26:9 - ŊMALƐ KRƆŊKRƆŊ LƐ

⁹ Fee sɛɛ lɛ Uzia mamɔ mɔji gojogojoo komɛi, ni ekɛwaje Yerusalɛm maŋ lɛ. Mɔji nɛɛ ekome yɛ Koŋ Agbo lɛ naa, ni ekome yɛ Jɔɔ Agbo lɛ naa, ni ekome hu yɛ Gbogbo Lɔgɔmɔhe lɛ.

Ṅmãle̱ Kroṅkroṅ Le̱

⁹ Ni Uzia mãmo̱ mõdši ni kwō̱lo̱ ye̱ Ierusalem, ye̱ koṅ agbó le̱ no̱ ke̱ dšō̱ le̱ṅ agbó le̱ no̱ ke̱ gbogbo le̱ lo̱go̱mo̱he le̱, ni etſa gbogboi ewo he.

2 Kronika 26:9 ပူးပေါင်းရင်းမြစ်များ

2 Maŋtsɛmɛi 14:13

Ni Israel Maŋtsɛ Yehoash mɔ Yuda Maŋtsɛ Amazia, yɛ Bet-Shemesh, ni eŋɔ lɛ nom. Ni eba Yerusalɛm, ni ebakumɔ Yerusalɛm gbogboi lɛ, kɛjɛ Efraim Agbo lɛ naa kɛyashi Koŋ Agbo lɛ naa ni ekɛlɛ ji ninetalɔi ohai ejwɛ.

2 Kronika 25:23

Israel Maŋtsɛ Yehoash mɔ Yuda Maŋtsɛ Amazia, ni ji Ahazia bi Yoash bi lɛ, yɛ Bet-Shemesh, ni ekɛ lɛ ba Yerusalɛm. Yehoash bakumɔ Yerusalɛm maŋ lɛ he gbogbo lɛ eshwie shi kɛjɛ Efraim Agbo lɛ naa aahu kɛyashi Koŋ Agbo lɛ naa. Gbɛ ni kã agboi enyɔ nɛɛ ateŋ lɛ jɛkɛmɔ ji ninetalɔi ohai ejwɛ.

Nehemia 2:13

Mitsɔ̃ jɔɔ lɛ mli agbo lɛ naa nyɔɔŋ kɛje kpo kɛtsɔ̃ Drako Nubu lɛ he kɛtee Tumo Agbo lɛ naa. Misra Yerusalɛm gbogboi lɛ mikwɛ bɔ ni amɛkumɔ amɛshwie shi, kɛ enaa agboi ni ashã lɛ.

Nehemia 2:15

No hewɔ lɛ, nyɔɔŋ mli lɛ mitsɔ̃ faa lɛ jɔɔ lɛ mli kɛtee miyakwɛ gbogbo lɛ; ni miku misɛɛ kɛtsɔ̃ jɔɔ lɛ mli agbo lɛ naa kɛtee maŋ lɛ mli.

Nehemia 3:13

Hanun kɛ Zanoa maŋ lɛ mli bii basaa Jɔɔ Agbo lɛ. Amɛma ni amɛtara enaa shinai lɛ kɛ amɛhe sai lɛ kɛ amɛsɛɛ adabaŋi lɛ. Amɛtswa gbogbo ninetalɔi akpe kɛyashi Tumo Agbo lɛ naa.

Nehemia 3:24

Azaria sɛɛ lɛ Binui, Hanadad bi lɛ, basaa fã kroko kɛjɛ Azaria shĩa lɛ he kɛyashi gbogbo lɛ koŋ kɛ he ni gbogbo lɛ dɔ eyi yɛ lɛ.

Nehemia 3:32

Gbogbo lɛ naagbee fã ni kã ŋwɛitsu lɛ kɛ Toi Agboi lɛ teŋ lɛ, mɛi ni saa no ji shika ŋaalɔi lɛ kɛ jarayelɔi lɛ.

Yeremia 31:38

Kɛkɛ ni Yehowa kɛɛ akɛ, “Naa, be miiba, ni abaasaa atswa Yerusalɛm maŋ lɛ ahã mi, Yehowa, kɛjɛ Hananel Mɔɔ ni kwɔ lɛ he kɛyashi Koŋ Agbo lɛ naa.

Zakaria 14:10

Shikpɔŋ muu lɛ ni kã shi kɛjɛ Geba yɛ kooyigbɛ lɛ aahu kɛtee Rimon yɛ Yerusalɛm wuoyigbɛ lɛ fɛɛ baatsɔ̃ ŋa kplanaa; shi Yerusalɛm baahi shi grɔŋŋ yɛ eblema shimaahe lɛ. Ebaajɛ Benyamin Agbo lɛ naa kɛyashi he ni agbo yɔɔ tsutsu lɛ, ni ji Koŋ Agbo lɛ; ebaatsa nɔ kɛyamɔ Hananel Mɔɔ grɔŋŋ lɛ, aahu kɛyanina maŋtsɛ wainŋaahe lɛ.