2 Kronika 26:7 - ŊMALƐ KRƆŊKRƆŊ LƐ

⁷ Nyɔŋmɔ ye ebua lɛ ni eye Filistibii lɛ kɛ Arabiabii ni yɔɔ Gur-Baal lɛ, kɛ agbɛnɛ Meunbii lɛ fɛɛ anɔ kunim.

Ṅmãle̱ Kroṅkroṅ Le̱

⁷ Ši Nyoṅmo̱ ye buale̱ ye̱ Filistibii le̱ ke̱ Arabiabii le̱ ni yo̱ Gur-Baal le̱, ke̱ Meunbii le̱ ano̱.

2 Kronika 26:7 ပူးပေါင်းရင်းမြစ်များ

1 Kronika 12:18

Kɛkɛ ni Nyɔŋmɔ Mumɔ lɛ ba mɛi ni ba lɛ ateŋ mɔ kome nɔ. Egbɛi ji Amasai, mɔ ni fee sɛɛ ni etsɔ̃ hii Kakabãi Nyɔŋmai etɛ̃ lɛ asafoiatsɛnukpa lɛ. Ekɛɛ akɛ, “Bo onii ji wɔ, David, ni ogbɛfaŋ wɔyɔɔ, Yeshai bi. Omanye! Hɛɛ, omanye aaabla bo; ni obualɔi lɛ anɔ̃ ji omanye: Ejaakɛ oNyɔŋmɔ lɛ yeɔ ebuaa bo!” David here amɛ atuu, ni ewo amɛ asafoiatsɛmɛi yɛ etabilɔi lɛ anɔ.

1 Kronika 4:41

Shi Yuda Maŋtsɛ Hezekia yinɔ lɛ, lumɛi atã ni atsi nɛɛ fã kɛtee Gedor, ni amɛyakpãtã jɛibii abuui lɛ ahiɛ, ni amɛgbe Meunimbii ni amɛyanina yɛ jɛi lɛ, ni amɛshwie amɛ yɛ jɛi kɛbashi ŋmɛnɛ. Kɛkɛ ni amɛŋɔ shikpɔŋ lɛ, ni amɛhi nɔ ejaakɛ niyelihe yɛ jɛi hã amɛkooloi lɛ.

1 Kronika 5:20

Hagribii lɛ na mɛi yafata amɛhe yɛ ta mli, kɛ̃lɛ aye amɛ kɛ mɛi ni yafata amɛhe lɛ fɛɛ nɔ kunim, ejaakɛ Rubenbii lɛ kɛ Gadbii lɛ kɛ Bokãgbɛ Manasebii lɛ sɔle amɛtsɛ Naa Nyɔŋmɔ koni eye ebua amɛ yɛ ta lɛ mli. Naa Nyɔŋmɔ bo amɛsɔlemɔ lɛ toi ejaakɛ amɛkɛ amɛhiɛ fɔ enɔ.

1 Kronika 5:22

Hagribii lɛ babaoo nyɔnyɔi ejaakɛ eji Nyɔŋmɔ suɔmɔ naa akɛ awu nakai ta lɛ. Rubenbii lɛ kɛ Gadbii lɛ kɛ Bokãgbɛ Manasebii lɛ hi shikpɔŋ lɛ nɔ aahu kɛyashi be ni aŋɔ amɛ nom lɛ.

2 Kronika 14:10

No hewɔ lɛ, Asa hu fã kɛ etabilɔi koni ekɛ Zera eyakpe. Biɛ kɛ biɛ lɛ gba ta yɛ Zefata Jɔɔ lɛ mli yɛ Maresha.

2 Kronika 14:11

Kɛkɛ ni Asa sɔle etsɛ Yehowa, eNyɔŋmɔ lɛ, ni ekɛɛ akɛ, “Oo! Yehowa, bo lɛ mɔ ko bɛ ni eyeɔ ebuaa hewalɔ kɛ mɔ ni bɛ hewalɛ fɛɛ tamɔ ofeɔ lɛ. Ŋmɛlɛtswaa nɛɛ mli lɛ ye obua wɔ, Yehowa, wɔNyɔŋmɔ, ejaakɛ bo onɔ wɔhiɛ kã, ni asaŋ bo ogbɛi mli wɔba yɛ wɔkɛ ta kpeteŋkple nɛɛ baawu. Ao! Yehowa, bo ji wɔNyɔŋmɔ, ni kaahã adesa ko nine miitsɔ̃ wɔnɔ.”

2 Kronika 17:11

Filistibii lɛ ateŋ mɛi komɛi kɛ jwiɛtɛi kɛ nibii krokomɛi babaoo bake Maŋtsɛ Yehoshafat yɛ ehiɛsɔlɛ hewɔ. Arabiabii komɛi hu bake lɛ ojwɛnii akpei kpawo kɛ ohai kpawo, kɛ abotia hii hu akpei kpawo kɛ ohai kpawo.

2 Kronika 20:1

Saji nɛɛ asɛɛ lɛ Moabbii lɛ kɛ Amonbii lɛ na Meunbii lɛ ekomɛi fata amɛhe, kɛkɛ ni amɛfã ta kɛbatua Yuda.

2 Kronika 21:16

Kɛkɛ ni Yehowa hã Filistibii lɛ kɛ Arabiabii ni yɔɔ Etiopiabii lɛ amasɛi lɛ ahe tsɛ̃ Yehoram,

2 Kronika 25:8

Kɛji efee bo akɛ kɛji amɛfata ohe lɛ obaana hewalɛ kɛwu ta lɛ, no lɛ Nyɔŋmɔ baatswa bo shi yɛ henyɛlɔi lɛ ahiɛ, ejaakɛ Nyɔŋmɔ ji mɔ ni yɔɔ hewalɛ ni ehãa mɔ yeɔ kunim ni eyɛ hewalɛ ni ehãa mɔ gbeɔ shi.”

Lalai 18:29

Lɛɛlɛŋ, ohewalɛ naa lɛ, mabutu henyɛlɔi asafo. MiNyɔŋmɔ hewalɛ naa lɛ, mahuru gbogbo.

Yesaia 14:29

Ao Filistia, kaanya, nyɛ fɛɛ nyɛkanyaa akɛ tso ni yi nyɛ lɛ eku; ejaakɛ blikã baajɛ klɛŋklɛŋ onufu lɛ mli eba, ni lɛ ebi lɛ aaafee onufu filikilɔ.

Bɔfoi 26:22

Shi Nyɔŋmɔ yelikɛbuamɔ naa mikɛdamɔ shi kɛbashi ŋmɛnɛ gbi nɛɛ nɔ, ni miyeɔ odase mitsɔ̃ɔ mɛi bibii kɛ mɛi wuji nɛɛ, ni miwieee wiemɔ ko akɛ ja nii ni gbalɔi lɛ kɛ Mose hu ewie akɛ ebaaba lɛ,