2 Kronika 26:10 - ŊMALƐ KRƆŊKRƆŊ LƐ

¹⁰ Emamɔ mɔji gojogojoo lɛ ekomɛi yɛ ŋa lɛ nɔ hu; ni etsara nubui pii ejaakɛ eyɛ kooloi babaoo diɛŋtsɛ yɛ jɔɔ naa shikpɔŋ lɛ kɛ ŋa lɛ hu nɔ. Akɛni Uzia sumɔɔ humɔ hewɔ lɛ, ehã mɛi hu ŋmɔji, ni amɛfeefee waintromii yɛ gɔji lɛ anɔ kɛ jɔi lɛ amli fɛɛ.

Ṅmãle̱ Kroṅkroṅ Le̱

¹⁰ Ni asaṅ emãmo̱ mõdši ni kwō̱lo̱ ye̱ ṅā le̱ no̱ hũ, ni etša nubui pī; edšake̱ eye̱ koloi babaō ye̱ dšō̱ šikpoṅ le̱ ke̱ ṅã le̱ no̱, ni asaṅ eye̱ hũlo̱i ke̱ weintrom-sālo̱i ye̱ gõdši le̱ ano̱ ke̱ Karmel no̱; edšake̱ esumoo̱ hũmo̱.

2 Kronika 26:10 ပူးပေါင်းရင်းမြစ်များ

2 Maŋtsɛmɛi 19:23

Obɔfoi lɛ anɔ otsɔ̃ ni obabɔ Nuŋtsɔ lɛ ahora, ni okɛɛ, ‘Mikɛ mita shwiilii ekwɔ kɛtee gɔji ayiteiaŋ kɛtee Lebanon sɛɛ tɔ̃ɔ. Mifolɔ emli tsenedru tsei ni kwɔlɔ lɛ kɛ emli sɛsɛoi ni hi lɛ mishwie shi, ni mibote ekoo hayii lɛ mli tɔ̃ɔ.

2 Maŋtsɛmɛi 3:4

Moab maŋtsɛ Mesha lɛ lɛɔ toi, ni daa afi lɛ eyahãa Israel maŋtsɛ lɛ too gwantɛŋ bii akpei oha kɛ too ojwɛnii akpei oha ahe tsɔi akɛ daa afi too ni ewoɔ ehãa lɛ.

2 Kronika 17:12

Yehoshafat agbojee lɛ tee nɔ shwere. Emamɔ mɔji kɛ nitoohei yɛ Yuda hei fɛɛ,

2 Kronika 17:13

ni etĩa niyenii babaoo etotoo maji nɛɛ amli. Eto hii kãkãlɔi yɛ Yerusalɛm;

2 Kronika 26:11

Asaŋ Maŋtsɛ Uzia yɛ tabilɔi ni efee kralo hã ta be fɛɛ be. Ajara amɛmli asafoiasafoi, ni Yeiel, woloŋmalɔ lɛ, kɛ maŋtsɛ tsulɔ Maaseia ji mɛi ni buɔ tabilɔi lɛ ayikulɛ he akɔntaa. Ni amɛ hu amɛyɛ Hanania ni ji maŋtsɛ tatsɛmɛi lɛ ateŋ mɔ kome lɛ shishi.

2 Kronika 32:29

Enɛɛmɛi asɛɛ lɛ, Hezekia totoo maji, ni ena toi kɛ tsinai kuikui babaoo diɛŋtsɛ ejaakɛ Nyɔŋmɔ duro lɛ nii jogbaŋŋ.

Jajelɔ 5:8

Kɛji ona akɛ aawa ohiafo ko yi, asaŋ aatsɔ̃ jalɛ saneyeli hiɛ aaabu shi, ni afeee nɔ ni ja yɛ shikpɔŋ ko nɔ lɛ, kaahã enɛ miifee bo naakpɛɛ, ejaakɛ tsulɔnukpa lɛ, tsulɔnukpa ko ni fe lɛ yɛ ni kwɛɔ enɔ, ni tsulɔi krokomɛi hu yɛ lolo ni amɛgbɛnaa kwɔlɔ fe klɛŋklɛŋ tsulɔi lɛ.

Yesaia 29:17

Te etsɛŋ ni Lebanon koo lɛ baatsɔ ŋa nɔ humɔhe ni baa nii, ni aaaŋɔ ŋa nɔ humɔhe lɛ akɛ koo?

5 Mose 3:10

Wɔshɔ̃ Bashan Maŋtsɛ Og nɔyelihei lɛ fɛɛ: maji fɛɛ ni jwere gɔji ayiteŋ shikpɔŋ kplanaa lɛ nɔ lɛ, kɛ nii ni yɔɔ Gilead shikpɔŋ lɛ fɛɛ nɔ, kɛ Bashan shikpɔŋ lɛ kɛtee bokãgbɛ aahu kɛyanina maji ni ji Salka kɛ Edrei lɛ.”

Yoshua 15:55

Maji krokomɛi hu ji Maon kɛ Karmel kɛ Zif kɛ Yuta,

1 Samuel 15:12

Ni Samuel te shi enɔjetsɛremɔ maŋkɛ mra koni enine ayashɛ Saul nɔ leebi. No mli lɛ abatswa Samuel adafi akɛ, “Saul ba Karmel, ni ebama shiu koni akɛkai kunim ni eye lɛ; ni no sɛɛ lɛ eku esɛɛ etee Gilgal.”