2 Kronika 24:16 - ŊMALƐ KRƆŊKRƆŊ LƐ

¹⁶ Afu lɛ yɛ maŋtsɛmɛi afũuhe lɛ yɛ David maŋ lɛ mli yɛ nibii kpakpai ni etsu ehã Israel kɛ Nyɔŋmɔ kɛ eWe lɛ hu he nitsumɔ lɛ hewɔ.

Ṅmãle̱ Kroṅkroṅ Le̱

¹⁶ Ni ame̱yafūle̱ ye̱ David mã le̱ṅ, ye̱ maṅtše̱mei le̱ amase̱i; edšake̱ etšu nii kpakpai ye̱ Israel ke̱ Nyoṅmo̱ ke̱ ewe le̱ hũ he.

2 Kronika 24:16 ပူးပေါင်းရင်းမြစ်များ

1 Maŋtsɛmɛi 2:10

David gbo ni afu lɛ yɛ Yerusalɛm.

2 Maŋtsɛmɛi 12:7

No hewɔ lɛ, Maŋtsɛ Yoash tsɛ osɔfo Yehoiada kɛ osɔfoi krokomɛi lɛ, ni ekɛɛ amɛ akɛ, “Mɛɛba nyɛsaaa Yehowa we lɛ tsu koi lɛ? No hewɔ lɛ, agbɛnɛ, nyɛkɛ shika ni nyɛheɔ lɛ akatoa dɔŋŋ, shi moŋ nyɛŋɔa nyɛhãa koni akɛsaa Sɔlemɔ we lɛ.”

2 Kronika 21:2

Yehoram yɛ nyɛmimɛihii ekpaa ni amɛ hu Israel maŋtsɛ Yehoshafat bii ji amɛ. Amɛ ji Azaria kɛ Yehiel kɛ Zakaria kɛ Azariahu kɛ Mikael kɛ Shefatia.

2 Kronika 21:20

Yehoram ye afii nyɔŋmai etɛ̃ kɛ enyɔ be ni ebɔi maŋtsɛyeli lɛ; ni eye maŋtsɛ afii kpaanyɔ yɛ Yerusalɛm, ni egbo; ni egbele lɛ edɔɔɔ mɔ ko mɔ ko kwraa. Afu lɛ yɛ David Maŋ lɛ mli, shi jeee yɛ maŋtsɛmɛi afũuhe lɛ.

2 Kronika 24:15

Osɔfo Yehoiada gbɔ kotokoto; ni be ni ena afii oha kɛ nyɔŋmai etɛ̃ lɛ egbo.

2 Kronika 24:17

Yehoiada gbele sɛɛ lɛ Yuda lumɛi lɛ bɔi amɛhe kɛ maŋtsɛ lɛ fufuamɔ. Maŋtsɛ lɛ bɔi amɛnaa toiboo.

2 Kronika 31:20

Nɔ ni Maŋtsɛ Hezekia tsu yɛ Yuda shikpɔŋ lɛ nɔ fɛɛ ji enɛ. Efee nii ni hi kɛ nii ni ja; ni eye anɔkwa hu yɛ Yehowa, eNyɔŋmɔ lɛ hiɛ.

Nehemia 13:14

MiNyɔŋmɔ, kaimɔ mi yɛ enɛ hewɔ, ni ohiɛ akakpa nitsumɔi kpakpai ni mitsu yɛ owe lɛ kɛ emli sɔ̃ɔmɔ ahe lɛ anɔ.

Marko 6:29

Ni be ni Yohane kaselɔi lɛ nu lɛ, amɛba amɛbawo egbonyo lɛ amɛyafu.

Bɔfoi 2:29

“Anyɛmimɛi, makɛɛ nyɛ faŋŋ yɛ blematsɛ David lɛ he akɛ egbo ni afu lɛ, ni asaŋ eyɛ wɔteŋ kɛbashi ŋmɛnɛ.

Hebribii 6:10

Ejaakɛ Nyɔŋmɔ jeee mɔ ni yeɔ sane ni ejaaa ni ehiɛ aaakpa nyɛnitsumɔ lɛ nɔ kɛ suɔmɔ ni nyɛjie kpo yɛ egbɛi lɛ hewɔ, ni nyɛkɛsɔ̃mɔ mɛi krɔŋkrɔŋi lɛ, ni nyɛsaa nyɛsɔ̃mɔɔ amɛ lolo lɛ.

1 Samuel 2:30

No hewɔ lɛ, mi, Yehowa, Israel Nyɔŋmɔ lɛ, mikɛɛ akɛ eyɛ mli akɛ mikɛɛ akɛ owe lɛ kɛ otsɛmɛi awe lɛ ni baasɔ̃mɔ mi akɛ osɔfoi kɛya naanɔ, shi agbɛnɛ miigbala nakai shiwoo lɛ sɛɛ, ejaakɛ mɛi ni buɔ mi lɛ, mawo amɛhiɛ nyam: shi mɛi ni ebuuu mi lɛ, abuŋ amɛ ahaŋ nɔ ko nɔ ko.