2 Kronika 23:7 - ŊMALƐ KRƆŊKRƆŊ LƐ

⁷ Levibii lɛ baabɔle maŋtsɛ lɛ he kɛkpe, ni amɛteŋ mɔ fɛɛ mɔ baahiɛ etawuunii. He fɛɛ he ni maŋtsɛ lɛ yaa lɛ, amɛhi ehe kɛbu ehe. Mɔ fɛɛ mɔ ni baabote Sɔlemɔ we lɛ mli lɛ agbe lɛ.”

Ṅmãle̱ Kroṅkroṅ Le̱

⁷ Ni Levibii le̱ abo̱le maṅtše̱ le̱ he ke̱-kpe, mofẽmo ahĩe etawūnii ye̱ edẽ; ni mofẽmo ni abote šĩa le̱, agbele̱. Ni kē̱ maṅtše̱ le̱ mīdše kpo dšio, ēba šĩa dšio, ame̱hī ehe.

2 Kronika 23:7 ပူးပေါင်းရင်းမြစ်များ

4 Mose 3:38

Shi mɛi ni baamãmɔ amɛbui yɛ Kpee Buu Krɔŋkrɔŋ lɛ hiɛ yɛ bokãgbɛ ni amɛkɛ jɛi afee amɛshihilɛhe ji Mose kɛ Aaron kɛ ebihii lɛ. He Krɔŋkrɔŋ lɛ mli sɔ̃ɔmɔ kɛ kusumi fɛɛ ni sa akɛ atsu ahã Israel maŋbii lɛ, amɛ esa akɛ amɛtsu. Mɔ fɛɛ mɔ ni aaajɛ sɛɛ ni ekɛ ehe aaawo amɛnitsumɔ lɛ mli lɛ agbe lɛ.

4 Mose 3:10

Ojɔɔ osɔfoyeli lɛ nɔ ohã Aaron kɛ ebihii lɛ pɛ. Mɔ fɛɛ mɔ ni aaajɛ sɛɛ efee ehe osɔfo lɛ agbe lɛ.”

2 Mose 21:14

Shi kɛji mɔ ko to ŋaa fɔŋ yɛ enyɛmi gbɔmɔ he, ni eje gbɛ eyatua lɛ, ni egbe lɛ, ni no sɛɛ lɛ eyaba abo yɛ mifɔleshãa latɛ lɛ naa tete po, ajie lɛ kɛje jɛi ni ayagbe lɛ.

2 Kronika 23:6

Mɔ ko mɔ ko akabote Yehowa Sɔlemɔtsu lɛ mli ja osɔfoi lɛ kɛ Levibii ni eshɛ be ni amɛsɔmɔɔ yɛ jɛi lɛ. Amɛ lɛ amɛaanyɛ amɛbote Sɔlemɔtsu lɛ mli ejaakɛ amɛtsuu amɛhe. Maŋbii fɛɛ aye Yehowa gbɛjianɔtoo nɛɛ nɔ.

2 Kronika 23:8

Levibii lɛ kɛ Yuda hii lɛ fɛɛ fee bɔ ni Osɔfo Yehoiada wo amɛ kitã akɛ amɛfee lɛ pɛpɛɛpɛ. Asafoiatsɛmɛi lɛ ateŋ mɔ fɛɛ mɔ kɛ ewebii ni baa nitsumɔ yɛ hejɔɔmɔ gbi lɛ nɔ lɛ ba, ni amɛbafata kui ni kulɛ amɛmiikpa nitsumɔ yɛ hejɔɔmɔ gbi lɛ nɔ lɛ ahe; ejaakɛ Osɔfo Yehoiada kpaaa amɛ nitsumɔ koni amɛya shĩa.