2 Kronika 23:3 - ŊMALƐ KRƆŊKRƆŊ LƐ

³ Amɛ fɛɛ amɛnaa yabua yɛ Nyɔŋmɔ We lɛ, kɛkɛ ni asafo lɛ kɛ maŋtsɛ binuu Yoash kpãŋ. Osɔfo Yehoiada kɛɛ asafo lɛ akɛ, “Naa, maŋtsɛ ni etsɔ̃ esɛɛ lɛ binuu lɛ nɛ. Lɛ esa akɛ eyeɔ maŋtsɛ lɛ agbɛnɛ yɛ shi ni Yehowa ewo yɛ David shwiei ahe lɛ hewɔ.

Ṅmãle̱ Kroṅkroṅ Le̱

³ Ni asafo mū le̱ fẽ ke̱ maṅtše̱ le̱ kpãṅ ye̱ Nyoṅmo̱ we le̱. Ni ekē̱ame̱ ake̱: Na, maṅtše̱ le̱ binū le̱ aye maṅtše̱, take̱ bo̱ni Iehowa ewie ye̱ David bihĩĩ le̱ ahe le̱.

2 Kronika 23:3 ပူးပေါင်းရင်းမြစ်များ

2 Samuel 5:3

Israel onukpai lɛ fɛɛ ba Maŋtsɛ David ŋɔɔ yɛ Hebron, ni ekɛ amɛ kpãŋ; kɛkɛ ni amɛfɔ David mu, ni amɛwo lɛ Israel fɛɛ maŋtsɛ.

2 Samuel 7:12

ni ogbele sɛɛ lɛ matee mɔ ko shi kɛjɛ oshwiei lɛ amli akɛ maŋtsɛ, ni mahã emaŋtsɛyeli lɛ ama shi shiŋŋ.

2 Samuel 7:16

Mibahã owe lɛ kɛ omaŋtsɛyeli fɛɛ ama shi shiŋŋ daa kɛaatee naanɔ; omaŋtsɛ sɛi lɛ baama shi shiŋŋ kɛaatee naanɔ.’ ”

1 Maŋtsɛmɛi 2:4

Kɛkɛ lɛ shi ni Yehowa wo mi lɛ baaba mli. No ji, ‘Kɛji oshwiei lɛ kɛ amɛtsui fɛɛ kɛ amɛsusuma fɛɛ aaaba amɛjeŋ yɛ mihiɛ, ni amɛaaye mi anɔkwa lɛ, no lɛ nuu ni aaaye maŋtsɛ yɛ Israel ebɔŋ bo.’

1 Maŋtsɛmɛi 9:5

no lɛ maye shi ni miwo otsɛ David lɛ nɔ akɛ, ‘Bo oshwiei amli aaajɛ aye Israel nɔ maŋtsɛ daa’ lɛ.

2 Maŋtsɛmɛi 11:17

Ni osɔfo Yehoiada hã Maŋtsɛ Yoash kɛ maŋbii lɛ kɛ Yehowa kpãŋ akɛ amɛbaaba amɛjeŋ akɛ Yehowa maŋ. Ni ehã maŋtsɛ lɛ kɛ maŋ lɛ hu kpãŋ.

1 Kronika 11:3

Israel onukpai lɛ fɛɛ ba Maŋtsɛ David ŋɔɔ yɛ Hebron, ni ekɛ amɛ kpãŋ; kɛkɛ ni amɛfɔ David mu, ni amɛwo lɛ Israel maŋtsɛ bɔ ni Yehowa tsɔ̃ Samuel nɔ ewo shi eto lɛ.

2 Kronika 21:7

shi fɛɛ sɛɛ lɛ Yehowa emiii akɛ ekpãtãa David shwiei ahiɛ yɛ kpãŋmɔ ni ekɛ David kpãŋ lɛ hewɔ, ejaakɛ ewo David shi akɛ maŋtsɛyeli lɛ shiŋ ewe lɛ kɛmiiya naanɔ.

2 Kronika 23:16

Nii nɛɛ sɛɛ lɛ Osɔfo Yehoiada kɛ Maŋtsɛ Yoash kɛ maŋ muu lɛ fɛɛ fee ekome ni amɛkpãŋ akɛ amɛbaahi shi akɛ Yehowa webii.

2 Kronika 6:16

No hewɔ lɛ, Yehowa, Israel Nyɔŋmɔ, agbɛnɛ ye shi kroko lɛ hu ni owo otsulɔ, mitsɛ David, lɛ nɔ, ni ji nɔ ni okɛɛ lɛ akɛ, ‘Mihaŋ nuu ni aaajɛ oshwiei lɛ ateŋ ata Israel maŋtsɛ sɛi lɛ nɔ lɛ abɔ bo kɛji amɛaaye mimlai lɛ anɔ kadikadi tamɔ ofee lɛ.’

2 Kronika 7:18

no lɛ mibahã omaŋtsɛyeli lɛ ama shi shiŋŋ bɔ ni mi kɛ otsɛ David kpãŋ lɛ akɛ, ‘Oshwie ni baata Israel maŋtsɛ sɛi lɛ nɔ ebɔŋ bo’ lɛ.

Lalai 89:29

Mahã eseshi ahi shi daa, ni emaŋtsɛ sɛi lɛ aaahi shi, beiaŋ ni ŋwɛi kɛ shikpɔŋ yɔɔ nɛɛ.

Lalai 89:36

Eshwiei aaahi shi daa kɛaatee naanɔ, ni emaŋtsɛ sɛi lɛ aaahi shi gbii abɔ ni hulu teɔ shi ni enyɔɔ shi nɛɛ.