2 Kronika 22:11 - ŊMALƐ KRƆŊKRƆŊ LƐ

¹¹ Shi Maŋtsɛ Yehoram biyoo ni gbɛi ji Yehosheba lɛ ju shi, ni emɔ Ahazia bi ni atsɛɔ lɛ Yoash lɛ yɛ maŋtsɛmɛi abihii ni abaagbe lɛ ateŋ, ni ekɛ lɛ kɛ ekwɛlɔ lɛ fɛɛ yato yɛ sɛɛtsu ko mli yɛ Sɔlemɔ we lɛ. Nɛkɛ ji bɔ ni Maŋtsɛ Yehoram biyoo ni ji Yehosheba, Osɔfo Yehoiada ŋa lɛ, fee ni ejie Yoash yɛ Atalia daaŋ, ni enaaa lɛ egbe ejaakɛ Ahazia nyɛmiyoo ji lɛ.

Ṅmãle̱ Kroṅkroṅ Le̱

¹¹ Ši Iehošabeat, maṅtše̱ biyō le̱, ṅõ Ioaš, Ahazia bi le̱, ni edšule̱ ke̱-dše̱ maṅtše̱ bihĩĩ le̱ ni abagbeame̱ le̱ ateṅ, ni eke̱le̱ ke̱ efufo̱hãlo̱ le̱ fē yato sāi atšũ le̱ṅ. Ni Iehošabeat ní dši maṅtše̱ Iehoram biyō ke̱ oso̱fo Iehoiada ṅã le̱, ake̱-ní Ahazia nyemiyō dšile̱ hewo̱ le̱, eṅõle̱ etē Atalia, koni ekagbele̱.

2 Kronika 22:11 ပူးပေါင်းရင်းမြစ်များ

2 Samuel 7:13

Lɛ ji mɔ ni baama Sɔlemɔ we ehã mi ni mahã emaŋtsɛ sɛi lɛ ama shi shiŋŋ kɛya naanɔ.

1 Maŋtsɛmɛi 15:4

Kɛ̃lɛ David hewɔ lɛ Yehowa eNyɔŋmɔ lɛ hã Abia binuu ni ebaye maŋtsɛ yɛ esɛɛ yɛ Yerusalɛm koni ehã Yerusalɛm ahi shi shweshweeshwe.

2 Maŋtsɛmɛi 11:2

Shi Ahazia bi Yoash pɛ ji mɔ ni he je mli. Kulɛ abaagbe lɛ hu kɛ mɛi krokomɛi lɛ, shi moŋ enyɛkwɛ̃ ni ji Yehosheba, ni ji maŋtsɛ Yehoram biyoo kɛ Ahazia nyɛmiyoo lɛ, here eyiwala. Yehosheba ju shi, ni emɔ Yoash kɛ efufɔhãlɔ lɛ, ni ekɛ amɛ yatee sɛɛtsu ko mli yɛ Sɔlemɔ we lɛ koni Atalia akana lɛ ni egbe lɛ.

2 Kronika 21:7

shi fɛɛ sɛɛ lɛ Yehowa emiii akɛ ekpãtãa David shwiei ahiɛ yɛ kpãŋmɔ ni ekɛ David kpãŋ lɛ hewɔ, ejaakɛ ewo David shi akɛ maŋtsɛyeli lɛ shiŋ ewe lɛ kɛmiiya naanɔ.

2 Kronika 22:10

Be ni Maŋtsɛ Ahazia nyɛ Atalia nu akɛ ebi Ahazia egbo lɛ, efã akɛ agbe maŋtsɛmɛi ashwiei hii ni yɔɔ Yuda fɛɛ.

2 Kronika 22:12

Ekɛ amɛ tee Nyɔŋmɔ We lɛ mli kɛyashi afii ekpaa. Atalia ye maŋnyɛ yɛ Yuda shikpɔŋ lɛ nɔ nɛkɛ be nɛɛ mli.

2 Kronika 23:1

Shi afi ni ji kpawo lɛ nɔ lɛ, Osɔfo Yehoiada kanya ehe. Enine shɛ asraafoi oha ku asafoiatsɛmɛi enumɔ komɛi anɔ, ni ekɛ amɛ kpãŋ. Asafoiatsɛmɛi nɛɛ ji Yeroham bi Azaria, kɛ Yohohana bi Ishmael, kɛ Obed bi Azaria, kɛ Adaia bi Maaseia, kɛ Zikri bi Elishafat.

Lalai 33:10

Yehowa hãa majimaji lɛ ayiŋtoi lɛ feɔ yaka; ni etswaa ayiŋtoi lɛ efɔ̃ɔ.

Lalai 76:10

Gbɔmɔ adesã mlila tete aaajie oyi. Mɛi ni aaaje gbele mli yɛ ta lɛ mli lɛ, aaaye ogbii juji lɛ.

2 Mose 8:3

Nilo Faa lɛ baawo kɔkɔdenei nyɛŋɛnyɛŋɛ, ni kɔkɔdenei nɛɛ aaaba owe lɛ kɛ osa nɔ kɛshɛ osɛɛtsuŋ; amɛaaba otsuji ashĩai kɛ omaŋbii lɛ ateŋ kɛ nyɛflɔnɔi kɛ nyɛmã tsesei fɛɛ amli.

Abe̱i 21:30

Gbɔmɔ nilee loo eniiashishinumɔ, loo eŋaawoo ko bɛ ni kɛ Yehowa nɔ lɛ aaafu daa.

Yesaia 65:8

Bɔ ni Yehowa saa ekɛɛ nɛ, “Bɔ ni anaa yɛ wainyibii amli, ni no hewɔ lɛ, akɛɔ akɛ, ‘Akafite lɛ, ejaakɛ abaana ehe sɛɛ’ lɛ, nakai mafee yɛ mitsuji lɛ ahewɔ; mikpãtãŋ amɛ fɛɛ amɛhiɛ.

Bɔfoi 4:28

koni amɛfee nii abɔ ni onine kɛ oyiŋtoo lɛ eto efɔ shi akɛ afee lɛ.