2 Kronika 20:6 - ŊMALƐ KRƆŊKRƆŊ LƐ

⁶ ni ekɛɛ akɛ, “Yehowa, wɔtsɛmɛi aNyɔŋmɔ, bo ji Nyɔŋmɔ ni yɔɔ ŋwɛi, asaŋ mɔ ni yeɔ je lɛ mli maji fɛɛ anɔ. Bo oyɔɔ hewalɛ kɛ nyɛmɔ, ni mɔ ko kwraa bɛ ni baanyɛ bo onaa aku.

Ṅmãle̱ Kroṅkroṅ Le̱

⁶ ni ekē̱: Iehowa, wo̱tše̱mei a-Nyoṅmo̱! Ani dšee bo dši Nyoṅmo̱ ye̱ ṅwei, ni bo noṅṅ oyeo̱ dšeṅmãdši le̱ amaṅtše̱yelii le̱ fẽ no̱, ni *odeṅ hewale̱ ke̱ nyẽmo̱ yo̱, ni †mokomoko be̱ ni anyẽ onā akũ? *1 Kron. 29,12. †2 Kron. 15,10.

2 Kronika 20:6 ပူးပေါင်းရင်းမြစ်များ

1 Maŋtsɛmɛi 8:23

ni ekɛɛ, “Yehowa, Israel Nyɔŋmɔ! Nyɔŋmɔ ko bɛ ŋwɛi yɛ yiteŋ gbɛ loo shikpɔŋ lɛ nɔ yɛ shishigbɛ ni tamɔ bo, ni otoɔ kpãŋmɔ kɛ mɔbɔnalɛ ohãa otsuji ni boɔ bo toi kɛ amɛtsui fɛɛ lɛ.

1 Maŋtsɛmɛi 8:30

Ni obo mi, otsulɔ, kɛ omaŋ Israel fai ni amɛaakpa bo yɛ biɛ lɛ toi, ni onu yɛ ŋwɛi ni ji oshihilɛhe lɛ, ni kɛji onu lɛ oŋɔ fa!

1 Kronika 29:18

Yehowa, wɔtsɛmɛi Abraham kɛ Isak kɛ Yakob aNyɔŋmɔ, hã su nɛɛ ahi owebii atsuiiaŋ kɛya naanɔ, koni amɛhi shi kɛye bo anɔkwa daa.

2 Kronika 20:5

Yuda maji lɛ anɔ bii lɛ kɛ Yerusalɛmbii lɛ hu yabua shi yɛ kpo hee lɛ nɔ yɛ Yehowa Sɔlemɔtsu lɛ hiɛ. Ni Yehoshafat ho edamɔ shi yɛ asafo lɛ hiɛ,

2 Kronika 25:8

Kɛji efee bo akɛ kɛji amɛfata ohe lɛ obaana hewalɛ kɛwu ta lɛ, no lɛ Nyɔŋmɔ baatswa bo shi yɛ henyɛlɔi lɛ ahiɛ, ejaakɛ Nyɔŋmɔ ji mɔ ni yɔɔ hewalɛ ni ehãa mɔ yeɔ kunim ni eyɛ hewalɛ ni ehãa mɔ gbeɔ shi.”

2 Kronika 5:14

ni atatu lɛ hewɔ lɛ osɔfoi lɛ nyɛɛɛ shi amɛdamɔ kɛsɔmɔ dɔŋŋ ejaakɛ Yehowa anunyam ni kpɛlɛɔ nyramnyram lɛ eyi Sɔlemɔtsu lɛ obɔ.

2 Kronika 6:14

ni esɔle ekɛɛ, “Yehowa, Israel Nyɔŋmɔ, nyɔŋmɔ ko nyɔŋmɔ ko bɛ ni tamɔ bo yɛ ŋwɛi kɛ shikpɔŋ lɛ nɔ fɛɛ. Otoɔ kpãŋmɔ ni okɛ otsuji ekpãŋ, ni ojieɔ osuɔmɔ ni sɛɛ efooo lɛ otsɔ̃ɔ mɛi fɛɛ ni kɛ amɛtsui fɛɛ boɔ bo toi lɛ.

Hiob 9:4

Nilelɔ ji lɛ, ni eyɛ hewalɛ; namɔ ete shi ewo lɛ, ni eye kunim pɛŋ?

Lalai 115:3

WɔNyɔŋmɔ lɛ, Ŋwɛii amli ŋwɛi lɛ eyɔɔ; ni nɔ fɛɛ nɔ ni esumɔɔ lɛ, no efeɔ.

Lalai 46:11

Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe.

Lalai 47:2

Ejaakɛ Yehowa, mɔ ni yɔɔ ŋwɛi flooflo lɛ, ehe yɛ gbeyei. Maŋtsɛ kpele ji lɛ yɛ shikpɔŋ lɛ nɔ fɛɛ.

Lalai 47:8

Nyɔŋmɔ yeɔ majimaji fɛɛ anɔ maŋtsɛ. Nyɔŋmɔ ta emaŋtsɛ sɛi krɔŋkrɔŋ lɛ nɔ.

Lalai 54:1

Oo Naa Nyɔŋmɔ, okɛ ohewalɛ lɛ ahere miyiwala, ni okɛ ohewalɛ lɛ aye misane lɛ ohã mi.

Lalai 62:11

Minu ni Nyɔŋmɔ ekɛɛ fe shii abɔ akɛ Lɛ edɛŋ hewalɛ fɛɛ yɔɔ.

2 Mose 3:6

Esaa ekɛɛ akɛ, “Mi ji otsɛmɛi aNyɔŋmɔ lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ.” Kɛkɛ ni Mose tsĩ ehiɛ, ejaakɛ eeshe gbeyei akɛ eeekwɛ Nyɔŋmɔ.

Yesaia 14:27

Ejaakɛ Yehowa, Taiatsɛ lɛ, eto eyiŋ, ni namɔ baaku naa? Ekpã enine mli, ni namɔ aaanyɛ enaa aku?

Yesaia 66:1

Bɔ ni Yehowa kɛɛ nɛ, “Ŋwɛi lɛ, mimaŋtsɛ sɛi ni; ni shikpɔŋ lɛ, minaneshi maaŋoo ni; belɛ mɛɛ tsu nyɛaama nyɛha mi mɔ, ni nɛgbɛ aaafee mihejɔɔmɔ he?

Yeremia 49:19

Naa, bɔ ni jata fãa kɛjɛɔ Yordan Faa he koo hayii mli kɛbaa ebatuaa too ku yɛ amɛniyelihe lɛ, nakai mibaba trukaa, ni mahã Edombii ajo foi amɛshi amɛshikpɔŋ lɛ nɔ, ni mi, mibato mɔ ni misumɔɔ koni eye Edom nɔ. Ejaakɛ namɔ kɛ mi ye egbɔ? Namɔ baanyɛ mi sane ebi? Mɛɛ maŋ hiɛnyiɛlɔ baanyɛ mihiɛ edamɔ?

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 4:25

Abaashwie bo kɛjɛ gbɔmɛi ateŋ, ni obaaya oyahi ŋaŋ kooloi ateŋ, ni obaakpe jwɛi tamɔ tsina. Ŋwɛi bɔ baanyɔ onɔ yɛ jwɛiaŋ, afii kpawo, kɛyaashi beyinɔ ni oooyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ adesa maŋtsɛyeli fɛɛ maŋtsɛyeli nɔ; asaŋ mɔ fɛɛ mɔ ni lɛ esumɔɔ lɛ, lɛ ekɛ maŋtsɛyeli hãa.

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Mateo 6:9

“No hewɔ lɛ, nyɛsɔlea nɛkɛ, ‘WɔTsɛ ni yɔɔ ŋwɛi, ogbɛi lɛ he atse;

Bɔfoi 11:17

Agbɛnɛ kɛ Nyɔŋmɔ ehã amɛ nakai nɔkeenɔ lɛ nɔŋŋ ni ehã wɔ ni wɔheɔ Nuŋtsɔ Yesu Kristo lɛ nɔ wɔyeɔ lɛ hu lɛ, namɔ ji mi ni manyɛ Nyɔŋmɔ naa matsi?”

Romabii 9:19

Shi agbɛnɛ ooobi mi akɛ, “Belɛ mɛɛba Nyɔŋmɔ shwaa mɔ̃ mɔ? Ejaakɛ namɔ aaanyɛ eyiŋtoo naa aku?”

5 Mose 4:39

No hewɔ lɛ, nyɛnaa nyɛlea ŋmɛnɛ, ni nyɛkɛtoa nyɛyiŋ, akɛ Yehowa ji ŋwɛi kɛ shikpɔŋ lɛ fɛɛ Nyɔŋmɔ; lɛ esɛɛ lɛ mɔ ko bɛ dɔŋŋ.

Yoshua 2:11

Amrɔ nɔŋŋ ni wɔnu saji nɛɛ lɛ, wɔtsui fã, ni shi ofɔ̃ shi nuu fɛɛ nuu nɔ yɛ nyɛhewɔ, ejaakɛ Yehowa, nyɛNyɔŋmɔ lɛ, lɛ ji ŋwɛi ni yɔɔ shɔŋŋ lɛ kɛ shikpɔŋ ni yɔɔ ŋwɛi shishi lɛ nɔ Nyɔŋmɔ.