2 Kronika 20:3 - ŊMALƐ KRƆŊKRƆŊ LƐ

³ Yehoshafat she gbeyei. No hewɔ lɛ, eto eyiŋ akɛ eeesɔle kɛbi Yehowa dɛŋ yelikɛbuamɔ. Enɛ hã efã akɛ ahi ŋmaa yɛ Yuda shikpɔŋ lɛ nɔ fɛɛ.

Ṅmãle̱ Kroṅkroṅ Le̱

³ Ni Iehošafat še gbeyei, ni eko̱ efō eno̱ ake̱ eetao Iehowa se̱gbe̱, ni ešie̱ ake̱ ahĩ ṅmã ye̱ Iuda fẽ.

2 Kronika 20:3 ပူးပေါင်းရင်းမြစ်များ

2 Kronika 11:16

Enɛ hã mɛi fɛɛ ni miitao akɛ amɛja Yehowa, Israel Nyɔŋmɔ lɛ, anɔkwale mli lɛ, fã kɛjɛ Israel akutsei lɛ fɛɛ amli kɛba Yerusalɛm bɔ ni afee ni amɛnyɛ amɛshã afɔle amɛhã amɛtsɛmɛi lɛ aNyɔŋmɔ lɛ.

2 Kronika 19:3

Shi ana nibii kpakpai komɛi kɛ̃ yɛ ohe. Eko ji jemawɔŋ Ashera lɛ amãgãi ni okumɔ yɛ shikpɔŋ lɛ nɔ fɛɛ lɛ. Eko hu ji akɛ oto oyiŋ akɛ okɛ otsui fɛɛ baasɔ̃mɔ Nyɔŋmɔ lɛ.”

2 Kronika 7:14

kɛji mimaŋbii lɛ, ni ji mi diɛŋtsɛ minii lɛ, ba amɛhe shi amɛhã mi, ni amɛsɔle amɛkpa fai, ni amɛtao misɛɛgbɛ, ni amɛje amɛhe sɛɛ ni amɛkpa amɛshihilɛ gbohii lɛ, no lɛ mi hu majɛ ŋwɛi mabo amɛ toi, ni mikɛ amɛtɔ̃mɔi lɛ aaafa amɛ, ni mahã amɛshikpɔŋ lɛ ashwere ekoŋŋ.

Nehemia 9:1

Nakai nyɔŋ lɛ nɔ gbi ni ji nyɔŋmai enyɔ kɛ ejwɛ lɛ nɔ lɛ, Israelbii lɛ bakpe. Amɛhi ŋmãa; amɛbumɔ kpekpe, ni amɛkɛ mlu wo amɛyiteŋ.

Ester 4:16

“Yaa ni oyabua Yudafoi ni yɔɔ Susa maŋ lɛ mli fɛɛ anaa kɛkpe; ni nyɛhia ŋmãa, ni nyɛsɔlea nyɛhãa mi. Nyɛkayea nii, ni nyɛkanua nu hu shwaneshwane kɛ nyɔɔŋnyɔɔŋ gbii etɛ̃. Mi hu mi kɛ miblayei lɛ baahi ŋmãa nakai nɔŋŋ. Enɛ sɛɛ lɛ mibaya mayana maŋtsɛ lɛ, tsɛbelɛ mla eŋmɛɛɛ gbɛ nakai. Kɛji miyagbo yɛ no hewɔ po jiŋŋ efeee nɔ ko.”

Yeremia 36:9

Yuda Maŋtsɛ Yehoiakim, Yosia bi lɛ, maŋtsɛyeli afi ni ji enumɔ lɛ mli nyɔŋ ni ji nɛɛhu lɛ nɔ lɛ, Yerusalɛmbii kɛ mɛi ni jɛɔ Yuda maji amli amɛbaa Yerusalɛm lɛ hi ŋmaa yɛ Yehowa hiɛ.

Daniel 9:3

Mihi ŋmãa, ni mibu kpekpe, ni mita lamlu mli kɛmiitao Nuŋtsɔ Nyɔŋmɔ lɛ hiɛgbɛ yɛ sɔlemɔ kɛ faikpamɔ mli.

Yoel 1:14

Nyɛfãa koni ahi ŋmaa krɔŋkrɔŋ, nyɛtsɛa kpee hu. Nyɛbuaa onukpai lɛ kɛ shikpɔŋ lɛ nɔ bii fɛɛ anaa kɛyaa Yehowa nyɛNyɔŋmɔ lɛ we lɛ, ni nyɛbolɔa nyɛtsɛa lɛ.

Amos 5:4

Nɔ ni Yehowa kɛɔ Israelbii ji akɛ, “Nyɛtaoa mi misɛɛgbɛ, ni nyɛyi aaana wala,

Yona 1:16

Amlakui lɛ she Yehowa gbeyei bɔ sɔŋŋ ni ehã amɛshã afɔle amɛhã Yehowa, asaŋ mɛi wowoo shii srɔtoi hu.

Mateo 10:28

Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei.

Kojolɔi 20:26

Kɛkɛ ni Israelbii lɛ fɛɛ ni ji ta muu lɛ fɛɛ yiŋ kɛtee Betel ni amɛyafo. Amɛho amɛtara shi yɛ jɛi yɛ Yehowa hiɛ, ni amɛhi ŋmãa nakai gbi lɛ kɛyashi gbɛkɛ. Amɛshãshãa shãa afɔlei kɛ shidaa afɔlei yɛ Yehowa hiɛ.

1 Samuel 7:6

Israelbii lɛ bua amɛhe naa yɛ Mizpa. Amɛyɛ nu amɛshwie shi yɛ Yehowa hiɛ, ni amɛhi ŋmãa nakai gbi lɛ, ni amɛkɛɛ akɛ, “Wɔtɔ̃ Yehowa nɔ.” Ni Samuel hi Mizpa, ni ekojo Israelbii lɛ ateŋ saji yɛ jɛi.