2 Kronika 2:12 - ŊMALƐ KRƆŊKRƆŊ LƐ

¹² Ajie Yehowa, Israel Nyɔŋmɔ, lɛ ni bɔ ŋwɛi kɛ shikpɔŋ lɛ yi akɛ ehã Maŋtsɛ David bi nilelɔ kɛ hiɛshikãlɔ kɛ jwɛŋlɔ fɛɛ ni baama Sɔlemɔtsu ehã Yehowa, kɛ maŋtsɛ we hu ehã lɛ diɛŋtsɛ emaŋtsɛyeli lɛ.

Ṅmãle̱ Kroṅkroṅ Le̱

¹² [13.] Agbene̱ mitšũ nū ko ni hĩe yo̱ ṅā ni eyo̱ dſẽṅmo̱, ni dši Huram, mitše̱ gbomo le̱,

2 Kronika 2:12 ပူးပေါင်းရင်းမြစ်များ

1 Maŋtsɛmɛi 5:7

Ni eba mli akɛ be ni Maŋtsɛ Hiram nu Maŋtsɛ Solomon wiemɔi lɛ, ena miishɛɛ babaoo ni ekɛɛ, “Ajie Yehowa yi ŋmɛnɛ gbi nɛɛ, akɛ ehã David bi nilelɔ ni tamɔ nɛkɛ ni baaye nɛkɛ maŋ kpeteŋkple nɛɛ nɔ.”

1 Kronika 29:20

Kɛkɛ ni David kɛɛ asafo ni ewo shi lɛ akɛ, “Nyɛjiea Yehowa, nyɛNyɔŋmɔ lɛ, yi!” Ni asafo muu lɛ fɛɛ jie Yehowa, amɛtsɛmɛi aNyɔŋmɔ lɛ, yi; ni amɛmamɔ amɛyi shi amɛja Yehowa, ni amɛkoto maŋtsɛ lɛ hu.

2 Kronika 2:1

Maŋtsɛ Solomon to eyiŋ akɛ ebaama Sɔlemɔtsu koni aja Yehowa yɛ jɛi, kɛ maŋtsɛ we hu ehã ehe.

2 Kronika 2:13

Miwo nuu ŋaalɔ kɛ jwɛŋlɔ kpanaa ko gbɛ koni ebana bo. Egbɛi ji Huram-abi, mitsɛ gbɔmɔ lɛ.

Lalai 102:25

Blema beebe oto shikpɔŋ lɛ shishi, ni ŋwɛi lɛ, onijianaa nitsumɔ ni.

Lalai 102:5

Mikɛ̃mɔɔ waa; mitã loo kanyakanya.

Lalai 124:8

Wɔyelikɛbuamɔ yɛ Yehowa, mɔ ni bɔ ŋwɛi kɛ shikpɔŋ lɛ dɛŋ.

Lalai 33:6

Yehowa wiemɔ naa abɔ ŋwɛi yɛ, ni ekɛɛmɔ naa abɔ hulu kɛ nyɔɔŋtsere kɛ ŋulamii fɛɛ yɛ.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Luka 1:68

“Ajie Nuŋtsɔ, Israel Nyɔŋmɔ lɛ yi, akɛ ebasara emaŋ lɛ, ni ekpɔ̃ amɛ.

Bɔfoi 14:15

“Ataamɛi, mɛni nyɛfeɔ nɛɛ? Wɔ hu gbɔmɛi adesai ji wɔ tamɔ nyɛ nɔŋŋ, ni wɔmiijaje Sanekpakpa wɔmiitsɔ̃ɔ nyɛ, koni nyɛku nyɛsɛɛ kɛjɛ nɛkɛ yakayakanii nɛɛ ahe kɛba Nyɔŋmɔ hiɛkãalɔ lɛ ŋɔɔ, mɔ ni fee ŋwɛi kɛ shikpɔŋ kɛ ŋshɔ kɛ nii fɛɛ ni yɔɔ amɛmli lɛ.

Bɔfoi 4:24

Be ni amɛnu lɛ, amɛkɛ jwɛŋmɔ kome hole amɛgbei anɔ amɛhã Nyɔŋmɔ ni amɛkɛɛ, “Nuŋtsɔ, bo ni oji Nyɔŋmɔ ni fee ŋwɛi kɛ shikpɔŋ kɛ ŋshɔ kɛ nii fiaa ni yɔɔ amɛmli,

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

Kpojiemɔ 10:6

ni etsɛ mɔ ni hiɛ kã kɛyaa naanɔi anaanɔ ni bɔ ŋwɛi kɛ nii ni yɔɔ mli lɛ kɛ shikpɔŋ kɛ nii ni yɔɔ mli lɛ kɛ ŋshɔ kɛ nii ni yɔɔ mli lɛ gbɛi ekɛkã kitã akɛ, “Be ko be ko bɛ dɔŋŋ,

Kpojiemɔ 4:11

“WɔNuŋtsɔ kɛ wɔNyɔŋmɔ, osa akɛ oŋɔ anunyam kɛ woo kɛ hewalɛ lɛ, ejaakɛ bo obɔ nii fɛɛ, ni osuɔmɔ naa abɔ amɛ ni amɛyɔɔ wala.”