2 Kronika 2:1 - ŊMALƐ KRƆŊKRƆŊ LƐ

¹ Maŋtsɛ Solomon to eyiŋ akɛ ebaama Sɔlemɔtsu koni aja Yehowa yɛ jɛi, kɛ maŋtsɛ we hu ehã ehe.

Ṅmãle̱ Kroṅkroṅ Le̱

¹ Ni Salomo kane mei akpei-nyoṅmai-kpawo ni ame̱tẽre dšatšu ke̱ mei akpei-nyoṅmai-kpānyo̱ ní dši te̱gbalo̱i ye̱ gõdši le̱ ano̱, ke̱ ame̱no̱kwe̱lo̱i hũ mei akpei-etẽ ke̱ ohai-ekpa.

2 Kronika 2:1 ပူးပေါင်းရင်းမြစ်များ

1 Maŋtsɛmɛi 5:15

Solomon yɛ jatsuterelɔi akpei kpawo kɛ tɛgbalɔi akpei kpaanyɔ yɛ gɔji lɛ anɔ.

1 Maŋtsɛmɛi 5:5

Yehowa wo mitsɛ David shi akɛ, ‘Obi mɔ ni maŋɔ ta osɛi lɛ nɔ yɛ osɛɛ lɛ, lɛ eeema tsu ehã mi.’ Hewɔ lɛ mito miyiŋ akɛ mamã nakai tsu lɛ mahã Yehowa, miNyɔŋmɔ lɛ jamɔ.

1 Maŋtsɛmɛi 7:1

Solomon mã maŋtsɛwe ehã lɛ diɛŋtsɛ ehe. Ekɛ afii nyɔŋma kɛ etɛ̃ mã fɛɛ egbe naa.

1 Maŋtsɛmɛi 8:18

Shi Yehowa kɛ mitsɛ David wie akɛ, ‘Ehi akɛ oto oyiŋ akɛ obaama shĩa ohã mi, ni ofee jogbaŋŋ akɛ oto oyiŋ nakai.

1 Maŋtsɛmɛi 8:20

“Ni amrɔ nɛɛ, Yehowa ehã ewiemɔ lɛ eba mli, ejaakɛ miye mitsɛ najiaŋ, ni mibata Israel maŋtsɛ sɛ̃i lɛ nɔ, taakɛ bɔ ni Yehowa wo shi lɛ. Ni mimã tsu lɛ mihã Yehowa, Israel Nyɔŋmɔ lɛ, koni aja lɛ yɛ jɛi;

1 Maŋtsɛmɛi 9:1

Be ni Solomon egbe Yehowa we lɛ kɛ maŋtsɛ shĩa lɛ mãa kɛ nibii fɛɛ ni Solomon taoɔ ni esumɔɔ akɛ efee lɛ fɛɛ naa lɛ,

1 Kronika 22:10

Lɛ ji mɔ ni baama shihilɛhe kɛwo migbɛi lɛ hiɛ nyam lɛ. Ebaatsɔ̃ mibi, ni matsɔ̃ etsɛ; ni maha emaŋtsɛyeli ahe shi yɛ Israel kɛya naanɔ.’ ”

2 Kronika 1:17

Ni etayaa shwiilii lɛ Ijipt ashɛɔ kɛjɛɔ. Ekome jara ji jwiɛtɛi kukuji ohai ekpaa, ni okpɔŋɔ hu jara ji jwiɛtɛi kukuji oha kɛ nyɔŋmai enumɔ. Maŋtsɛ Solomon jarayelɔi nɛɛ nɔŋŋ anine nɔ tsɔ̃ɔ ni Hitbii amaŋtsɛmɛi lɛ kɛ Siria maŋtsɛmɛi lɛ fɛɛ naa tayaa shwiilii kɛ okpɔŋɔi amɛheɔ amɛ hu.

2 Kronika 2:12

Ajie Yehowa, Israel Nyɔŋmɔ, lɛ ni bɔ ŋwɛi kɛ shikpɔŋ lɛ yi akɛ ehã Maŋtsɛ David bi nilelɔ kɛ hiɛshikãlɔ kɛ jwɛŋlɔ fɛɛ ni baama Sɔlemɔtsu ehã Yehowa, kɛ maŋtsɛ we hu ehã lɛ diɛŋtsɛ emaŋtsɛyeli lɛ.

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.

5 Mose 12:5

Shi moŋ he ni Yehowa, nyɛNyɔŋmɔ lɛ, baaŋɔ yɛ nyɛkutsei lɛ fɛɛ mli akɛ jɛi afee eshihilɛhe kɛ he ni aja lɛ yɛ lɛ, jɛi nyɛyaa.

5 Mose 28:58

“Kɛji okwɛɛɛ ni ahi koni oye nɛkɛ mlai ni aŋma yɛ nɛkɛ wolo nɛɛ mli lɛ anɔ, ni oooshe Yehowa, oNyɔŋmɔ lɛ, gbɛi ni yɔɔ nyam kɛ gbeyei fɛɛ lɛ gbeyei lɛ,