2 Kronika 19:7 - ŊMALƐ KRƆŊKRƆŊ LƐ

⁷ No hewɔ lɛ, nyɛhãa Yehowa hegbeyeishemɔ ahia nyɛmli; nyɛkwɛa nyɛnifeemɔnii jogbaŋŋ ejaakɛ Yehowa, wɔNyɔŋmɔ lɛ, miihi kutumpɔoyeli kɛ hiɛiaŋkwɛmɔ kɛ nyɔɔŋnihemɔ.”

Ṅmãle̱ Kroṅkroṅ Le̱

⁷ Nohewo̱ le̱ agbe̱ne̱ nyehãa Iehowa gbeyeišemo̱ ahĩa nyemli! Nyekwe̱a dšogbāṅ ni nyefea; edšake̱ Iehowa, wo̱-Nyoṅmo̱ le̱, kũtũmpo̱o ke̱ hĩeaṅkwe̱mo̱ ke̱ nyōṅnihemo̱ be̱ ehe! 2 Mose 18,31. 5 Mose 10,17.

2 Kronika 19:7 ပူးပေါင်းရင်းမြစ်များ

1 Mose 18:25

Enɛ akagbale bo fɔ̃ŋfɔ̃ akɛ oooye nɛkɛ sane, ni ooogbe jalɔ kɛ gbɔmɔ fɔŋ fɛɛ shi kome, ni jalɔ aaana nɔ tamɔ gbɔmɔ fɔŋ nɔŋŋ lo! Enɛ akagbale bo! Ani shikpɔŋ lɛ fɛɛ nɔ kojolɔ lɛ, ekojoŋ kojomɔ ni ja lo?”

1 Mose 42:18

Gbi ni ji etɛ̃ lɛ nɔ lɛ, Yosef kɛɛ enyɛmimɛi lɛ akɛ, “Nyɛfea nɔ ni mibakɛɛ nɛɛ, koni nyɛyi ana wala, shi mi lɛ Nyɔŋmɔ gbeyeishelɔ ji mi.

2 Samuel 23:3

Israel Nyɔŋmɔ lɛ ena ewie; Israel hebulɔ lɛ kɛɛ mi akɛ, “Mɔ ni yeɔ maŋtsɛ yɛ jalɛ naa, ni eyeɔ nɔ yɛ Nyɔŋmɔ gbeyeishemɔ naa lɛ,

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Hiob 13:10

Anɔkwa, Nyɔŋmɔ baakã nyɛhiɛ kɛji nyɛkwɛ hiɛiaŋ yɛ dujiaŋ tete.

Hiob 34:19

Ni ekwɛɛɛ lumɛi ahiɛ ni ebuuu niiatsɛ fe ohiafo, ejaakɛ lɛ eninenaa nitsumɔnii ji amɛ fɛɛ kwa lɛ bem?

Hiob 8:3

Ani Nyɔŋmɔ tsɔ̃ɔ jalɛ hiɛ ebuɔ shi? Aloo Ofe lɛ kɔdɔ̃ɔ etoi eyeɔ sane?

Lalai 82:2

“Mɛɛ beyinɔ nɔŋŋ nyɛaaye toikɔdɔmɔ sane, ni nyɛaakwɛ mɛi fɔ̃ji ahiɛiaŋ kɛyaashi?

2 Mose 23:8

Kaahe nyɔɔŋnii ejaakɛ nyɔɔŋnii shwilaa nɔkwɛlɔ, ni efiteɔ mɔ ni sane ja sane.

Yesaia 33:15

Mɔ ni feɔ jalɛnii, ni ewieɔ nɔ ni ja, mɔ ni nyaaa wieyeli mli nii he, ni eheee nyɔɔŋ nii, mɔ ni tsimɔɔ etoi koni ekanu láshishwiemɔ yiŋtoi ahe, ni eŋamɔɔ ehiŋmɛii koni ekana nɔfɔŋfeemɔ lɛ,

Mika 7:3

Amɛhe esa kɛ efɔŋfeemɔ, ni amɛfeɔ lɛ kɛ ŋaa. Lumɛi kɛ kojolɔi lɛ heɔ nyɔɔŋnii. Nɔ fɔŋ ni yɔɔ hiɛnaanɔ gbɔmɔ tsuiŋ lɛ, ejeɔ enaa; kɛkɛ lɛ amɛ fɛɛ amɛkpãŋ amɛto.

Mateo 22:16

Ni amɛtsu amɛkaselɔi lɛ kɛ Herodebii lɛ kɛba eŋɔɔ amɛbakɛɛ, “Tsɔɔlɔ, wɔle akɛ anɔkwafo ji bo, ni otsɔ̃ɔ Nyɔŋmɔ gbɛ lɛ yɛ anɔkwale mli, ni osheee mɔ ko gbeyei, ejaakɛ okwɛɛɛ gbɔmɛi ahiɛiaŋ;

Bɔfoi 10:34

Kɛkɛ ni Petro gbele enaa ni ekɛɛ, “Lɛɛlɛŋ, miyoo akɛ Nyɔŋmɔ jeee mɛiahĩɛiaŋkwɛlɔ;

Romabii 2:11

Ejaakɛ Nyɔŋmɔ kwɛɛɛ gbɔmɛi ahiɛiaŋ.

Romabii 9:14

Belɛ te wɔɔkɛɛ tɛŋŋ? Ani Nyɔŋmɔ yeɔ sane ko ni ejaaa? Dabida!

Galatabii 2:6

Shi mɛi ni abuɔ amɛ akɛ amɛyɔɔ gbɛi lɛ, bɔ fɛɛ bɔ ni amɛyɔɔ sa lɛ, jeee mihe sane ko ni, Nyɔŋmɔ kwɛɛɛ gbɔmɔ hiɛ ehalaaa lɛ, mɛi ni abuɔ amɛ lɛ, amɛtsɔ̃ɔɔ mi nɔ ko amɛfataaa he;

Efesobii 6:9

Ni nyɛ nuŋtsɔmɛi lɛ, nyɛfea amɛ nakai nɔŋŋ ni nyɛfɔ̃a amɛhe gbeyeiwoo ni nyɛle akɛ nyɛ kɛ amɛ fɛɛ yɛ Nuŋtsɔ yɛ ŋwɛi, ni gbɔmɛi ahiɛiaŋkwɛmɔ ko bɛ egbɛfaŋ.

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

Kolosebii 3:25

Shi mɔ ni feɔ nii ni ejaaa gbɛ lɛ, nii ni ejaaa gbɛ nɔŋŋ he nyɔmɔwoo eeena, ni hiɛiaŋkwɛmɔ ko bɛŋ.

1 Petro 1:17

Ni kɛ nyɛtsɛɔ mɔ ni kwɛɛɛ mɛi ahiɛiaŋ shi ekojoɔ yɛ mɔ fɛɛ mɔ nitsumɔ naa lɛ akɛ nyɛTsɛ lɛ, nyɛkɛ gbeyeishemɔ abaa nyɛjeŋ yɛ nyɛgbɔtoo be lɛ mli.

1 Samuel 11:7

Emɔmɔ tsinai enyɔ egbe, ni efolɔ amɛmli bibiibii, ni ekɛtsu Yabesh bɔfoi lɛ akɛ amɛkɛyakpa Israel majimaji lɛ fɛɛ anɔ. Ni wiemɔ ni fata he ji akɛ, “Mɔ fɛɛ mɔ ni efãaa ta kɛbaaa ebawaaa Saul kɛ Samuel lɛ, nɛkɛ ji bɔ ni abaafee mɔ lɛ tsinai lɛ.” Israelbii lɛ she nɔ ni Yehowa aaafee amɛ lɛ he gbeyei, ni no hewɔ lɛ, eshwɛɛɛ nuu kome ni emĩaaa kɛyaaa ta lɛ eko.