2 Kronika 19:6 - ŊMALƐ KRƆŊKRƆŊ LƐ

⁶ ni ekɛɛ kojolɔi nɛɛ akɛ, “Nyɛkwɛa jogbaŋŋ kɛji nyɛbuaa sane ko he, ejaakɛ jeee gbɔmɛi adɛŋ hewalɛ ahã nyɛ lɛ, shi Yehowa dɛŋ hewalɛ ni; ni eyɛ nyɛmasɛi be mli ni nyɛmiibua sane ko he.

Ṅmãle̱ Kroṅkroṅ Le̱

⁶ Ni ekē̱ kodšolo̱i le̱ ake̱: Nyekwe̱a dšogbāṅ ye̱ noni nyeafe le̱ hewo̱! Edšake̱ dšee gbomei nyekodšoo̱ nyehāa, ši moṅ Iehowa ni, ni efata nyehe ye̱ atẽṅ-bū le̱ mli.

2 Kronika 19:6 ပူးပေါင်းရင်းမြစ်များ

5 Mose 1:17

Nyɛkakwɛa hiɛiaŋ nyɛkɛkojoa; nyɛboa mɔ bibioo kɛ mɔ wulu fɛɛ toi pɛpɛɛpɛ, ni nyɛkashea gbɔmɔ hiɛ sanekɛɛmɔ gbeyei, ejaakɛ Nyɔŋmɔ ji mɔ ni baakudɔ nyɛ kɛkojo. Shi sane ni mli wa tsɔ̃ hã nyɛ lɛ, nyɛkɛbahãa mi koni maye.’

3 Mose 19:15

“Kaatsɔ̃ jalɛ sane hiɛ obu shi ni oye ohã ohiafo aloo ohiɛ shwie gbɔmɔ wulu hiɛ. Kojomɔ onaanyo gbɔmɔ yɛ jalɛ naa.

Luka 12:15

Ni ekɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ hiɛjoomɔi srɔtoi fɛɛ ahe; ejaakɛ jeee gbɔmɔ nii ni ena ni eteke nɔ lɛ mli ewala yɔɔ.”

Jajelɔ 5:8

Kɛji ona akɛ aawa ohiafo ko yi, asaŋ aatsɔ̃ jalɛ saneyeli hiɛ aaabu shi, ni afeee nɔ ni ja yɛ shikpɔŋ ko nɔ lɛ, kaahã enɛ miifee bo naakpɛɛ, ejaakɛ tsulɔnukpa lɛ, tsulɔnukpa ko ni fe lɛ yɛ ni kwɛɔ enɔ, ni tsulɔi krokomɛi hu yɛ lolo ni amɛgbɛnaa kwɔlɔ fe klɛŋklɛŋ tsulɔi lɛ.

1 Kronika 28:10

Naa, kwɛmɔ ohe ni ahi, ejaakɛ Yehowa eŋɔ̃ bo koni oma shĩa ni akɛfee Jamɔhe Krɔŋkrɔŋ. Wajemɔ ohe, ni ofee ekãa.”

Yoshua 22:5

Shi moŋ nyɛkwɛa nyɛhe nɔ jogbaŋŋ ni ahia koni nyɛye kitãi kɛ mlai lɛ ni Yehowa tsulɔ Mose wo nyɛ lɛ anɔ. No ji akɛ nyɛsumɔ nyɛNyɔŋmɔ lɛ, ni nyɛfee esuɔmɔnaanii, ni nyɛye ekitãi lɛ anɔ, ni nyɛye lɛ anɔkwa, ni nyɛsɔ̃mɔ lɛ kɛ nyɛtsui kɛ nyɛnyɛmɔ fɛɛ.”

Bɔfoi 22:26

Be ni asafoiatsɛ lɛ nu enɛ lɛ, etee asafoiatsɛnukpa lɛ ŋɔɔ ni eyakɛɛ lɛ akɛ, “Mɛni obaafee nɛɛ? Ejaakɛ nɛkɛ gbɔmɔ nɛɛ Romanyo ni.”

Bɔfoi 5:35

ni ekɛɛ, “Ataamɛi Israelbii, nyɛkwɛa jogbaŋŋ yɛ nɛkɛ gbɔmɛi nɛɛ ahe, bɔ ni nyɛkɛ amɛ aaaye ahã.

Luka 21:8

Ni ekɛɛ, “Nyɛkwɛa jogbaŋŋ, koni akalaka nyɛ; ejaakɛ mɛi pii aaaba yɛ migbɛi mli ni amɛaakɛɛ, ‘Mi ni’, kɛ ‘Be lɛ eshɛ etã’. Shi nyɛkanyiɛa amɛsɛɛ.