2 Kronika 19:3 - ŊMALƐ KRƆŊKRƆŊ LƐ

³ Shi ana nibii kpakpai komɛi kɛ̃ yɛ ohe. Eko ji jemawɔŋ Ashera lɛ amãgãi ni okumɔ yɛ shikpɔŋ lɛ nɔ fɛɛ lɛ. Eko hu ji akɛ oto oyiŋ akɛ okɛ otsui fɛɛ baasɔ̃mɔ Nyɔŋmɔ lɛ.”

Ṅmãle̱ Kroṅkroṅ Le̱

³ ši kẽle̱ ana *nibii kpakpai komei ye̱ ohe, edšake̱ ogbá wo̱ṅkōi le̱ ye̱ šikpoṅ le̱ no̱, ni oṅõ otšui ofõ no̱ ake ootao Nyoṅmo̱ se̱gbe̱! *17,3-4.

2 Kronika 19:3 ပူးပေါင်းရင်းမြစ်များ

1 Maŋtsɛmɛi 14:13

Israel fɛɛ aaafo lɛ, ni amɛaafu lɛ; ejaakɛ lɛ pɛ ejɛ Yeroboam we lɛ mli ni aaafu lɛ; ejaakɛ lɛ pɛ emli ana nɔ kpakpa ko yɛ yɛ Yeroboam we lɛ ni sa Yehowa, Israel Nyɔŋmɔ lɛ hiɛ.

2 Kronika 11:16

Enɛ hã mɛi fɛɛ ni miitao akɛ amɛja Yehowa, Israel Nyɔŋmɔ lɛ, anɔkwale mli lɛ, fã kɛjɛ Israel akutsei lɛ fɛɛ amli kɛba Yerusalɛm bɔ ni afee ni amɛnyɛ amɛshã afɔle amɛhã amɛtsɛmɛi lɛ aNyɔŋmɔ lɛ.

2 Kronika 12:12

Akɛ ni Rehoboam ba ehe shi ehã Yehowa hewɔ lɛ, Yehowa ŋmɛɛ emli ni fu Rehoboam lɛ he, ni ekpãtãaa nibii ahiɛ tsɔ̃ ko, ni no hewɔ lɛ, nibii shwere kɛ̃ yɛ Yuda.

2 Kronika 12:14

Rehoboam fee nɔ ni ejaaa ejaakɛ ekɛ etsui efɔɔɔ nɔ akɛ eeetao koni ele nɔ ni ji Yehowa suɔmɔnaanii.

2 Kronika 15:12

No sɛɛ lɛ, yɛ nakai gbi lɛ nɔ nɔŋŋ lɛ, amɛkã kitã akɛ amɛbaaja Yehowa, amɛtsɛmɛi aNyɔŋmɔ lɛ, kɛ amɛtsui kɛ amɛyitsoŋ fɛɛ,

2 Kronika 15:15

Yuda tso muu fɛɛ nya kitã ni amɛkã lɛ he akɛ amɛjɛ amɛtsuiŋ fɛɛ ni amɛkã; ejaakɛ amɛtao Yehowa sɛɛgbɛ kɛ amɛtsui fɛɛ, ni amɛna lɛ. Yehowa hã amɛna toiŋjɔlɛ yɛ amɛhe fɛɛ he kɛkpe.

2 Kronika 20:3

Yehoshafat she gbeyei. No hewɔ lɛ, eto eyiŋ akɛ eeesɔle kɛbi Yehowa dɛŋ yelikɛbuamɔ. Enɛ hã efã akɛ ahi ŋmaa yɛ Yuda shikpɔŋ lɛ nɔ fɛɛ.

2 Kronika 20:33

shi moŋ eguuu jemawɔji lɛ ajamɔhei lɛ, ejaakɛ maŋbii lɛ bɔiko amɛtsɛmɛi aNyɔŋmɔ lɛ jamɔ kɛ amɛyitsoŋ fɛɛ.

2 Kronika 22:9

Etao Ahazia, ni ayamɔ lɛ ni eyatee yɛ Samaria. Akɛ lɛ bahã Yehu, ni agbe lɛ. Shi awo egbonyo lɛ ayafu yɛ enii Maŋtsɛ Yehoshafat hewɔ, ejaakɛ lɛ lɛ ebɔ mɔdɛŋ ni esɔmɔ Yehowa kɛ eyitsoŋ fɛɛ. Enɛ ha gbɔmɛi tã yɛ Ahab we lɛ mli bɔ ni mɔ ko kwraa bɛ jɛi dɔŋŋ ni ebaanyɛ maŋtsɛ eye.

2 Kronika 27:6

Yotam baje agbo ejaakɛ eshihilɛ mli lɛ ebo Yehowa, eNyɔŋmɔ lɛ, toi.

2 Kronika 30:19

“Yehowa, wɔtsɛmɛi lɛ aNyɔŋmɔ, yɛ omlihilɛ naa lɛ mɔ fɛɛ mɔ ni miitao osɛɛgbɛ kɛ etsuiŋ fɛɛ lɛ, kɛji etsuuko ehe yɛ Sɔlemɔ we lɛ mlai lɛ anaa tete lɛ okɛ etɔ̃mɔ lɛ afa lɛ.”

Ezra 7:10

Ejaakɛ nɔ ni kã Ezra tsui nɔ ji akɛ eeekase Yehowa mla lɛ ni eye nɔ, ni etsɔ̃ɔ mɛi akpɔi lɛ kɛ mlai lɛ yɛ Israel maŋ lɛ mli.

Lalai 57:7

Oo Naa Nyɔŋmɔ, omli hemɔkɛyeli ni miyɔɔ lɛ, ema shi shiŋŋ etsakeko kwraa! Mala, majie oyi!

Romabii 7:18

Ejaakɛ mile akɛ mimli, no ji migbɔmɔ su lɛ mli lɛ, nɔ ko kpakpa ko bɛ jɛi; ejaakɛ suɔmɔ lɛ miyɛ eko moŋ, shi ekpakpafeemɔ ni ebɔ mi.

1 Samuel 7:3

Kɛkɛ ni Samuel kɛɛ Israelbii lɛ akɛ, “Kɛji nyɛmiikpale kɛba Yehowa ŋɔɔ kɛ nyɛtsui fɛɛ lɛ, no lɛ nyɛjiea maŋsɛɛ jemawɔji lɛ kɛ Astarte amãgãi lɛ hu ni nyɛyɔɔ yɛ nyɛteŋ lɛ nyɛsherɛa nyɛshwiea koni nyɛkɛ nyɛhe ahãa Yehowa kwraa; asaŋ koni nyɛsɔmɔ ekome too; ni lɛ hu eeejie nyɛ yɛ Filistibii lɛ adɛŋ.”