2 Kronika 19:2 - ŊMALƐ KRƆŊKRƆŊ LƐ

² Be ni Yehoshafat baa lɛ gbalɔ ko ni atsɛɔ lɛ Yehu, Hanani bi lɛ, tee ni ekɛ maŋtsɛ lɛ yakpe, ni ekɛɛ lɛ akɛ, “Aso eja gbɛ akɛ owa yitsoŋwalɔ, ni osumɔ mɛi ni nyɛɔ Yehowa lo? Nɔ ni ofee nɛɛ lɛ ehã Yehowa mli efu bo.

Ṅmãle̱ Kroṅkroṅ Le̱

² Ni Iehu, Hanani bi ni dši ninalo̱ le̱, dše kpo eke̱ maṅtše̱ Iehošafat bakpe, ni ekē̱le̱ ake̱: Aso esa ake̱ ooye obua meifõdši, ni osumo̱ mei ní nye̱o̱ Iehowa? Ene̱ hewo̱ le̱ Iehowa mlifũ kã ono̱!

2 Kronika 19:2 ပူးပေါင်းရင်းမြစ်များ

1 Maŋtsɛmɛi 16:1

Yehowa kɛ Hanani bi Yehu wie, ni ekɛ shɛɛ nɛɛ hã lɛ akɛ ekɛyahã Israel Maŋtsɛ Baasha:

1 Maŋtsɛmɛi 16:12

Belɛ Zimri kpãtã Baasha we lɛ fɛɛ tswɛm hiɛ, tamɔ bɔ ni Yehowa etsɔ̃ gbalɔ Yehu nɔ ewie eshi Baasha,

1 Maŋtsɛmɛi 16:7

Yehowa wiemɔ ni ekɛshiɔ Baasha kɛ ewe lɛ akɛtsɔ̃ Hanani bi Yehu nɔ, yɛ eshai ni Baasha fee eshi Yehowa lɛ ahewɔ. Baasha wo Yehowa mli la, jeee yɛ nibii fɔ̃ji ni efee, tamɔ bɔ ni Maŋtsɛ Yeroboam efee kɛtsɔ̃ ehiɛ momo lɛ kɛkɛ ahewɔ, shi moŋ akɛ egbe Yeroboam we lɛ mlibii fɛɛ lɛ.

1 Maŋtsɛmɛi 21:25

(Anɔkwa, mɔ ko mɔ ko kwraa bɛ ni eŋɔ ehe ehã efɔŋfeemɔ yɛ Yehowa hiɛ tamɔ Maŋtsɛ Ahab. Fɛɛ jɛ ehe ni eŋmɛɛ ehã eŋa Yezebel mɔ ni tsirɛ eyisɛɛ kɛfee efɔŋ lɛ.

1 Maŋtsɛmɛi 22:44

Yehoshafat kɛ Israel Maŋtsɛ Ahab kpãŋ, ni amɛhi shi yɛ toiŋjɔlɛ mli.

2 Kronika 16:7

Nɛkɛ be nɛɛ mli lɛ Gbalɔ Hanani ba Yuda Maŋtsɛ Asa ŋɔɔ, ni ebakɛɛ lɛ akɛ, “Akɛni okɛ ohe fɔ̃ Siria maŋtsɛ lɛ nɔ, shi okɛ ohe eyafɔɔɔ Yehowa, oNyɔŋmɔ lɛ, nɔ hewɔ lɛ bɛ ona akɛ Israel maŋtsɛ lɛ ta lɛ je odɛ̃ŋ?

2 Kronika 18:1

Maŋtsɛ Yehoshafat na nii jogbaŋŋ diɛŋtsɛ, ni egbɛi hehe, ni ewekunyo kɛ Maŋtsɛ Ahab hu wekunyo bote gbãlãshihilɛ mli.

2 Kronika 18:28

Kɛkɛ ni Israel Maŋtsɛ Ahab kɛ Yuda Maŋtsɛ Yehoshafat fã ta koni amɛyatua Ramot-Gilead.

2 Kronika 18:3

Ahab bi Yehoshafat akɛ, “Bɛ oooyawa mi koni mayatua Ramot-Gilead?” Yehoshafat to he akɛ, “Mifee kralo tamɔ ofee kralo lɛ, ni nakai nɔŋŋ ji mimaŋ lɛ; wɔ kɛ bo aaatee ta lɛ.”

2 Kronika 18:7

Ahab here nɔ akɛ, “Mɔ kome ko yɛ ni kulɛ wɔɔnyɛ wɔbi lɛ Yehowa daaŋ gbee. Lɛ ji Imla bi Mikaia lɛ; shi mitaooo esane ejaakɛ egbako gbalɛ jurɔ yɛ mihe dã, fe be fɛɛ be lɛ efɔŋ egbaa yɛ mihe.” Shi Yehoshafat kɛɛ Ahab akɛ, “Nii akakɛɛ nakai.”

2 Kronika 19:1

Yehoshafat ni ji Yuda Maŋtsɛ lɛ ku esɛɛ shweshweeshwe kɛba ewe lɛ yɛ Yerusalɛm.

2 Kronika 19:10

Ni be fɛɛ be ni nyɛnyɛmimɛi ni yɔɔ maji krokomɛi lɛ amli kɛ sane ko aaabahã nyɛ yeli lɛ, gbɔmɔgbee ni jio, mla loo kitã loo akpɔ nɔ ni atɔ̃ jio, nyɛtsɔa amɛ mla naa ni abaaye sane lɛ yɛ, bɔ ni afee ni nyɛkaye sɔ̃ yɛ Yehowa hiɛ koni Yehowa mli miifu, ni egbala nyɛ kɛ nyɛnyɛmimɛi lɛ fɛɛ toi.

2 Kronika 20:34

Yehoshafat he saji ni eshwɛ lɛ, kɛjɛ shishijee aahu kɛyagbe naa lɛ, aŋmala yɛ Hanani bi Yehu he saji ni yɔɔ Israel Maŋtsɛmɛi ahe Saji Awolo lɛ mli.

2 Kronika 24:18

Kɛkɛ ni maŋbii lɛ kpa jamɔ yɛ Yehowa, amɛtsɛmɛi aNyɔŋmɔ lɛ, Sɔlemɔtsu lɛ mli, ni amɛyaja Asherim jemawɔŋ lɛ kɛ amãgãi. Tɔ̃mɔ nɛɛ hã Yehowa mli fu Yuda kɛ Yerusalɛm.

2 Kronika 26:18

ni amɛyatsi lɛ gbɛ, ni amɛkɛɛ lɛ akɛ, “Maŋtsɛ Uzia, ejeee ogbɛnaa akɛ oshã tsofakɛŋma ohã Yehowa. Osɔfoi, ni ji Aaron shwiei, lɛ pɛ ji mɛi ni ajɔɔ tsofakɛŋmashãa nɔ ahã. Shi He Krɔŋkrɔŋ lɛ ni oya! Otɔ̃ Yehowa nɔ, ni obɛ Yehowa dɛŋ jɔɔmɔ ko ni obaana dɔŋŋ.”

2 Kronika 32:25

Shi ejurɔ ni Yehowa fee Hezekia lɛ sɛɛ lɛ, ehe nɔ moŋ Hezekia wo, ni ehiii shi bɔ ni sa Yehowa hiɛ. No hewɔ lɛ, Yehowa mli fu Yuda kɛ Yerusalɛm fɛɛ.

Lalai 15:4

Mɔ ni nyɛɔ mɛi fɛɛ ni Nyɔŋmɔ ekwa amɛ, shi moŋ ewoɔ mɛi ni sheɔ Yehowa gbeyei lɛ ahiɛ nyam; mɔ ni kɛ ekã kitã ni eeena amane yɛ he po lɛ, etsakeee.

Lalai 21:8

Maŋtsɛ lɛ nine aaashɛ ehenyɛlɔi fɛɛ anɔ; mɛi ni nyɛɔ bo lɛ, onine aaashɛ amɛnɔ.

Lalai 68:1

Nyɔŋmɔ woɔ ehe nɔ, ni egbɛɔ ehenyɛlɔi eshwãa. Mɛi ni nyɛɔ lɛ lɛ joɔ enaa foi.

Lalai 71:15

Minaabu aaagba jalɛ nibii ni ofeɔ lɛ, kɛ oyiwalaheremɔ nifeemɔi lɛ gbi muu fɛɛ; tsɛbelɛ mijwɛŋmɔ kpleee he.

2 Mose 20:5

“Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

Amos 7:14

Amos here nɔ, ni ekɛɛ Osɔfo Amazia akɛ, “Jeee gbalɔ ji mi, ni asaŋ jeee gbalɔ bi hu ji mi. Shi moŋ koolookwɛlɔ ji mi, ni misaa sikamore tsei ahe hu;

Yohane 15:18

“Kɛji je lɛ miinyɛ nyɛ lɛ, nyɛnaa nyɛlea akɛ mi tsutsu enyɛ.

Yohane 15:23

Mɔ ni nyɛɔ mi lɛ eenyɛ miTsɛ hu.

Romabii 1:18

Ejaakɛ ajieɔ Nyɔŋmɔ mlifu kpo kɛjɛɔ ŋwɛi kɛbaa gbɔmɛi ni kɛ nishaianii tsĩɔ anɔkwale lɛ gbɛ lɛ amusubɔɔ kɛ nishaianii lɛ fɛɛ nɔ,

Romabii 1:30

amɛyeɔ amɛhe osheku, Nyɔŋmɔnyɛlɔi, mɛi ni hiɛ esɔɔɔ mɔ, hetsɔ̃ɔlɔi, shwãlɔi, nɔfɔŋ he ŋaatsɔlɔi, fɔlɔi anɔtoigbolɔi,

Romabii 1:32

Amɛle Nyɔŋmɔ mla lɛ krɛdɛɛ nɛ, akɛ mɛi ni tsuɔ nakai nii lɛ sa gbele, shi kɛ̃lɛ jeee feemɔ kɛkɛ amɛfeɔ, shi moŋ amɛnaa mɛi ni tsuɔ nakai nii lɛ ahe miishɛɛ hu.

Romabii 8:7

Heloo jwɛŋmɔ lɛ, Nyɔŋmɔ nyɛɛ ni, akɛni ebaaa ehe shi ehãaa Nyɔŋmɔ Mla lɛ, ni esaa enyɛŋ tete lɛ;

Efesobii 5:11

ni nyɛkatsua duŋ nitsumɔi ni wooo yibii lɛ eko, shi nyɛjiea amɛ shi.

5 Mose 32:41

kɛji mijɔ miklante lɛ naa, ni ekpɛ kaŋkaŋ ni miwo jalɛ saneyeli nɔ lɛ, mibatɔ mihe owele yɛ mihenyɛlɔi anɔ, ni mibagbala mɛi ni nyɛɔ mi lɛ toi.

5 Mose 33:11

Ao! Yehowa, jɔɔmɔ Levi shwiei lɛ, ni amɛninenaa nitsumɔ asa ohiɛ; tswiamɔ amɛhenyɛlɔi kɛ mɛi ni nyɛɔ amɛ lɛ nii, koni amɛkanyɛ shi amɛte dɔŋŋ.”

5 Mose 5:9

Kaaja nibii nɛɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi; ni miwoɔ tsɛmɛi kɛ bii nyɔmɔ yɛ tsɛmɛi lɛ atɔ̃mɔi lɛ ahewɔ, kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

5 Mose 7:10

Shi mɛi ni nyɛɔ lɛ lɛ, egbalaa amɛtoi, ni amɛnaa kɛ amɛhiŋmɛi; ekɛ mɔ ni nyɛɔ lɛ lɛ toigbalamɔ lɛ eŋmɛɛɛ shi; shi efeɔ, ni mɔ lɛ naa.

Yakobo 4:4

Gbãlãfitelɔi! Nyɛleee akɛ naanyo ni akɛ je lɛ bɔɔ lɛ Nyɔŋmɔ nyɛɛ ni lo? No hewɔ lɛ, mɔ fɛɛ mɔ ni sumɔɔ akɛ ekɛ je lɛ abɔ naanyo lɛ etsɔ̃ Nyɔŋmɔ henyɛlɔ.

1 Samuel 9:9

(Sa lɛ kɛji mɔ ko yaabi Nyɔŋmɔ nii lɛ, bɔ ni akɛɔ yɛ Israel ji “Wɔtee ninalɔ lɛ ŋɔɔ.” Ejaakɛ mɔ ni atsɛɔ lɛ gbalɔ ŋmɛnɛŋmɛnɛ lɛ sa lɛ ninalɔ atsɛɔ lɛ.)