2 Kronika 18:7 - ŊMALƐ KRƆŊKRƆŊ LƐ

⁷ Ahab here nɔ akɛ, “Mɔ kome ko yɛ ni kulɛ wɔɔnyɛ wɔbi lɛ Yehowa daaŋ gbee. Lɛ ji Imla bi Mikaia lɛ; shi mitaooo esane ejaakɛ egbako gbalɛ jurɔ yɛ mihe dã, fe be fɛɛ be lɛ efɔŋ egbaa yɛ mihe.” Shi Yehoshafat kɛɛ Ahab akɛ, “Nii akakɛɛ nakai.”

Ṅmãle̱ Kroṅkroṅ Le̱

⁷ Ni Israel maṅtše̱ le̱ kē̱ Iehošafat ake̱: Mokome ye̱, ni kũle̱ wo̱o̱yabi Iehowa dāṅgbē ye̱ eṅõ, le̱ dši Mikaia, Imla bi le̱; ši mi le̱ misumo̱o̱ esane, edšake̱ egbaa ekpakpa ko ye̱ mihe, ake̱ dša efõṅ egbaã dāne̱. Ši Iehošafat kē̱: Maṅtše̱ akakē̱ nakai!

2 Kronika 18:7 ပူးပေါင်းရင်းမြစ်များ

1 Maŋtsɛmɛi 18:17

Be ni Ahab na Elia lɛ, Ahab kɛɛ lɛ akɛ, “Bo Israel haolɔ lɛ, bo nɛ?”

1 Maŋtsɛmɛi 18:4

ejaakɛ be ni Yezebel kpãtãa gbalɔi lɛ ahiɛ lɛ, Obadia ŋɔ gbalɔi oha, ni ekɛ amɛ tee tɛkploi enyɔ amli, mɛi nyɔŋmai enumɔenumɔ, ni ekɛ aboloo kɛ nu lɛ amɛ.

1 Maŋtsɛmɛi 19:10

Elia to he ekɛɛ, “Miye Yehowa, Nyɔŋmɔ Taiatsɛ lɛ, he awuŋã kɛ hiɛdɔɔ, ejaakɛ Israelbii lɛ ekwa Bo kɛ amɛteŋ kpãŋmɔ lɛ, amɛkumɔ ofɔleshãa latɛi lɛ, ni amɛkɛ klante egbe ogbalɔi lɛ hu, ni mi, mi pɛ eshwɛ, ni amɛmiitao mi hu amɛgbe.”

1 Maŋtsɛmɛi 21:20

Be ni Ahab na Elia lɛ, ekɛɛ, “Ei mihenyɛlɔ, bo onine egbe mi nɛɛ.” Elia here lɛ nɔ ekɛɛ, “Minine egbe bo lɛɛlɛŋ, ejaakɛ ohã efɔŋfeemɔ eŋɔ bo nom yɛ Yehowa hiɛ.

1 Maŋtsɛmɛi 22:8

Israel Maŋtsɛ Ahab kɛɛ Yehoshafat akɛ, “Mɔ kome ko yɛ, ni kulɛ wɔɔnyɛ wɔyabi Yehowa daaŋ gbee yɛ eŋɔɔ. Lɛ ji Imla bi Mikaia lɛ; shi moŋ misumɔɔɔ esane, ejaakɛ egbako gbalɛ kpakpa ko yɛ mihe dã, fe akɛ be fɛɛ be lɛ gbalɛ gbonyo.” Shi Yehoshafat kɛɛ akɛ, “Nii akakɛɛ nakai!”

2 Maŋtsɛmɛi 9:22

Be ni Yoram na Yehu lɛ, ebi lɛ akɛ “Yehu, hejɔlɛ sane okɛbaa lo?” Yehu here nɔ akɛ, “Te baafee tɛŋŋ ni hejɔlɛ aba hu, bei abɔ ni ŋkunyaayeli kɛ wɔŋjamɔ ni onyɛ Yezebel bato shishi lɛ yɔɔ lolo lɛ?”

2 Kronika 18:13

Mikaia kɛɛ tsulɔ lɛ akɛ, “Gbii abɔ ni Yehowa yɔɔ lɛ, nɔ ni miNyɔŋmɔ lɛ baakɛɛ mi lɛ no mibawie.”

2 Kronika 18:6

Kɛkɛ ni Yehoshafat bi akɛ, “Yehowa gbalɔ ko bɛ biɛ dɔŋŋ ni wɔɔbi Yehowa daaŋ gbee kɛtsɔ̃ enɔ lo?”

2 Kronika 18:8

Kɛkɛ ni Maŋtsɛ Ahab tsɛ tsulɔ ko, ni ekɛɛ lɛ akɛ, “Yaa ni oyatsɛ Imla bi Mikaia obaha mi mramra.”

Lalai 34:21

Efɔŋ nɔŋŋ aaagbe efɔŋfeelɔ, ni mɔ ni nyɛɔ jalɔ lɛ aaabu lɛ fɔ.

Lalai 55:3

Henyɛlɔi lɛ abolɔmɔ lɛ ehã mitsui efã; yiwalɔi lɛ adɛŋ piŋmɔ ehã mifee yeyeeye; ejaakɛ amɛmiiba amɛbawo mi hejaramɔ; amɛmli efu mi, ni amɛmiinyɛ mi naakpa.

Lalai 69:14

heremɔ mi koni mikashiu yɛ ŋmiamɔ lɛ mli. Heremɔ mi yɛ mihenyɛlɔi adɛŋ, kɛjɛ nu kwɔŋkwɔŋ lɛ hu mli.

Abe̱i 25:12

Bɔ ni shika ga kɛ shika ŋmiiŋmi hewulamɔnii yɔɔ hã mɔ lɛ, nakai kãlɔ ni le nii yɔɔ hã toibolɔi.

Abe̱i 29:10

Lashishwielɔi nyɛɔ mɔ ni tɔ̃mɔ ko bɛ ehe; ni efɔŋfeelɔi taoɔ egbele.

Abe̱i 9:8

Hɛfɛoyelɔ lɛ kɛ okã ehiɛ lɛ, ebaanyɛ bo; shi nilelɔ lɛ kɛji okã ehiɛ lɛ, ebaasumɔ bo.

Yesaia 30:10

Amɛkɛɔ ninalɔi lɛ akɛ, ‘Nyɛkanaa nii’ ni amɛkɛɔ gbalɔi lɛ hu akɛ, ‘Nyɛkagbaa anɔkwale gbalɛ nyɛtsɔa wɔ; shi moŋ nyɛkɛ wɔ awiea wiemɔi ni ŋɔɔ; nyɛgbaa shishiumɔ gbalɛi moŋ;

Yeremia 18:18

Kɛkɛ ni maŋbii lɛ kɛɛ akɛ, “Nyɛbaa koni wɔkpãŋa Yeremia yinɔ, akɛni osɔfoi yɔɔ nɛɛ lɛ, wɔyɛ mɛi ni baatsɔ̃ɔ wɔ mla lɛ naa, ni nilelɔi yɛ ni baawo wɔ ŋaa, ni gbalɔi hu baahi shi amɛgba amɛhã wɔ. Nyɛbaa koni wɔkɛ wɔlilɛi afite lɛ, ni nyɛkahãa wɔbo ewiemɔ kome folo toi.”

Yeremia 38:4

Kɛkɛ ni lumɛi nɛɛ tee ni amɛyakɛɛ Maŋtsɛ Zedekia akɛ, “Hã agbe nɛkɛ nuu nɛɛ, ejaakɛ tabilɔi ni eshwɛ yɛ maŋ lɛ mli lɛ kɛ maŋ muu lɛ fɛɛ anijiaŋ miije wui yɛ nɛkɛ wiemɔi nɛɛ ni ewieɔ ewoɔ amɛtoiiaŋ lɛ ahewɔ. Nuu nɛɛ taooo maŋbii lɛ ekpakpa, fe efɔŋ moŋ.”

Amos 5:10

Amɛnyɛɔ mɔ ni kãa mɔ hiɛ yɛ koishi, ni mɔ ni wieɔ anɔkwale lɛ, amɛhiɔ ehiɛ.

Mika 2:7

Ani osusuɔ akɛ alomɔ Israelbii? Ani Yehowa tsuishitoo lɛ etã? Ani ebaafee nibii ni tamɔ enɛɛmɛi? Mɛi ni feɔ nɔ ni ja lɛ, ani jeee hi miwiemɔ lɛ hi hã amɛ?”

Marko 6:27

Ni amrɔ lɛ maŋtsɛ lɛ tsu oblafo, ni efã lɛ akɛ ekɛ Yohane yitso aba.

Luka 6:22

“Ajɔɔ nyɛ, kɛji mɛi nyɛ nyɛ, ni amɛkɛ nyɛ tserɛ mli, ni amɛjɛ nyɛ ni amɛgbe nyɛgbɛi akɛ gbɛi fɔ̃ŋ yɛ Gbɔmɔ Bi lɛ hewɔ lɛ.

Yohane 15:24

Eji mitsuuu nitsumɔi ni mɔ ko mɔ ko tsuko eko dã yɛ amɛteŋ kulɛ, esha ko bɛ amɛhe; shi agbɛnɛ lɛ amɛna, ni kɛ̃lɛ amɛmiinyɛ mi kɛ miTsɛ fɛɛ.

Yohane 7:7

Je lɛ nyɛɛɛ nyɛ anyɛ; shi mi lɛ enyɛɔ mi, ejaakɛ miyeɔ ehe odase akɛ enitsumɔi lɛ nitsumɔi fɔ̃ji ni.

Galatabii 4:16

Ani mitsɔ̃ nyɛhenyɛlɔ akɛ mikɛɔ nyɛ nɔ ni ji anɔkwale lɛ?