2 Kronika 18:5 - ŊMALƐ KRƆŊKRƆŊ LƐ

⁵ No hewɔ lɛ, Ahab bua gbalɔi lɛ anaa kɛkpe. Amɛyibɔ aaafee ohai ejwɛ, ni ebi amɛ akɛ, “Miya miyatua Ramot-Gilead, aloo mikaya?” Gbalɔi lɛ to he akɛ, “Yaa ni oyatua lɛ; Nyɔŋmɔ baahã oye kunim.”

Ṅmãle̱ Kroṅkroṅ Le̱

⁵ Ke̱ke̱ ni Israel maṅtše̱ le̱ bua gbalo̱i le̱ anā ke̱kpe, ame̱yi ohai-edſe̱, ni ekē̱ame̱ ake̱: Ani miya miyatua Ramot-Gilead ni mike̱le̱ awu, alo mikaya? Ni ame̱kē̱: Ya, ši Nyoṅmo̱ aadšiele̱ awo maṅtše̱ deṅ!

2 Kronika 18:5 ပူးပေါင်းရင်းမြစ်များ

1 Maŋtsɛmɛi 12:9

Ebi amɛ akɛ, “Mɛɛ ŋaa nyɛ hu nyɛwoɔ ni wɔkɛhã maŋbii nɛɛ ni bakɛɛ mi akɛ, ‘Feemɔ jatsu kɛ tsiimɔ ni otsɛ kɛtere wɔ lɛ huyɛɛ ohã wɔ lɛ?’ ”

1 Maŋtsɛmɛi 18:19

No hewɔ lɛ, agbɛnɛ tsu koni ayabua Israel fɛɛ naa abahã mi yɛ Karmel Gɔŋ lɛ nɔ: Baal gbalɔi ohai ejwɛ kɛ nyɔŋmai enumɔ lɛ, kɛ Ashera gbalɔi ohai ejwɛ lɛ kɛ mɛi ni yeɔ nii yɛ Yezebel okplɔ̃ lɛ he lɛ hu fɛɛ aba.”

1 Maŋtsɛmɛi 4:13

Ben-Geber kwɛɔ Ramot-Gilead, lɛ nɔŋŋ ekwɛɔ akrowai komɛi ni ji Manase bi Yair nɔ lɛ anɔ, nɔ ní yɔɔ Gilead lɛ. Ekwɛɔ Argob kpokpai ni yɔɔ Bashan lɛ. Maji nyɔŋmai ekpaa kɛ amɛhe gbogboi kɛ shinai ni akɔɔble adabaŋi yɔɔ he ni.

2 Maŋtsɛmɛi 3:13

Ni Elisha kɛɛ Israel maŋtsɛ lɛ akɛ, “Mɛɛ sane mikɛ bo yɔɔ? Yaa koni oyabi otsɛ gbalɔi kɛ onyɛ gbalɔi lɛ anii.” Shi Israel Maŋtsɛ Yehoshafat here nɔ akɛ, “Dabida, ejaakɛ Yehowa ji mɔ ni etsɛ wɔ maŋtsɛmɛi etɛ̃ nɛɛ kɛbakpe koni etu wɔ ewo Moab maŋtsɛ lɛ dɛŋ.”

2 Kronika 18:14

Be ni Mikaia bashɛ shi lɛ, Maŋtsɛ Ahab bi lɛ akɛ, “Mikaia, miya Ramot-Gilead miyawu ta aloo mikaya?” Mikaia to he akɛ, “Nyɛyaa! Bɛ nyɛbaaye omanye! Bɛ Yehowa baahã nyɛye omanye?”

2 Kronika 18:4

Shi Yehoshafat kɛɛ Ahab akɛ, “Shi bi Yehowa daaŋ gbee dã.”

2 Kronika 18:6

Kɛkɛ ni Yehoshafat bi akɛ, “Yehowa gbalɔ ko bɛ biɛ dɔŋŋ ni wɔɔbi Yehowa daaŋ gbee kɛtsɔ̃ enɔ lo?”

Yeremia 23:14

Shi nɔ ni mina yɛ Yerusalɛm gbalɔi lɛ ahe lɛ, eyɛ gbeyei. Amɛfiteɔ gbãlã, ni amɛmaleɔ; amɛwo efɔŋfeelɔi hewalɛ, no hewɔ lɛ, mɔ ko mɔ ko kpaaa efɔŋ feemɔ. Amɛ fɛɛ kwa amɛtsɔ̃ tamɔ Sodom, ni maŋbii lɛ tamɔ Gomora hã mi.

Yeremia 23:16

Nɔ ni Yehowa, Taiatsɛ, kɛɔ maŋbii nɛ, “Nyɛkaboa gbalɔi ni gbaa tsɔ̃ɔ nyɛ lɛ awiemɔi lɛ toi; amɛmiihã nyɛ yaka hiɛnɔkãmɔ. Nɔ ni amɛ diɛŋtsɛ amɛjwɛŋmɔi kɛɔ amɛ lɛ, no amɛgbaa lɛ, shi jeee nɔ ni jɛ mi, Yehowa, minaa.

Yeremia 23:17

Nɔ ni amɛkɛɔ mɛi ni ebuuu mi, Yehowa, miwiemɔ lɛ ji, ‘Nɔ ko gbaŋ nyɛnaa;’ ni mɔ fɛɛ mɔ ni efee ehe kuɛŋtilɔ lɛ, amɛkɛɔ lɛ akɛ, ‘Nɔ fɔŋ ko nɔ fɔŋ ko bɛ ni baaba onɔ.’ ”

Yeremia 42:20

akɛ nyɛkɛ nyɛwala ta abasa, ejaakɛ nyɛtsu mi, Yehowa, nyɛNyɔŋmɔ lɛ, ŋɔɔ nyɛkɛɛ akɛ, ‘Kpa Yehowa, wɔNyɔŋmɔ lɛ fai ohã wɔ, ni nɔ fɛɛ nɔ ni Yehowa, wɔNyɔŋmɔ lɛ, aaakɛɛ wɔ lɛ wɔbaaye nɔ.’

Ezekiel 13:22

“Nyɛkɛ amale hãa jalɔ nijiaŋ jeɔ wui, tsɛbelɛ, mi lɛ mihako enijiaŋ aje wui; ni nyɛwoɔ mɔ fɔŋ moŋ ekãa, no hewɔ lɛ, enyɛɛɛ ekpale kɛje egbɛ fɔŋ lɛ nɔ ni ahere eyiwala.

Mika 2:11

“Gbalɔ ni maŋ nɛɛ sumɔɔ ji gbalɔ ni nyiɛɔ ni ewieɔ fuu ni emaleɔ ni ekɛɔ akɛ, ‘Wain kɛ dãa ni wa baabu ahã nyɛ.’

Mika 3:11

Maŋ onukpai lɛ, nyɔɔŋnii amɛheɔ dani amɛbuaa sane he; osɔfoi lɛ, nyɔmɔwoo hewɔ amɛtsɔ̃ɔ Nyɔŋmɔ Mla lɛ, ni gbalɔi lɛ shika hewɔ amɛgbaa nɔ ni ajie atsɔ̃ɔ amɛ. Kɛ̃lɛ amɛkɛ amɛhe kpasaa Yehowa ni amɛkɛɔ akɛ, “Yehowa kɛ wɔ yɛ; nɔ fɔŋ ko nɔ fɔŋ ko baŋ wɔnɔ.”

2 Timoteo 4:3

Ejaakɛ be ko baaba ni gbɔmɛi ekpɛlɛŋ tsɔ̃ɔmɔ kpakpa lɛ dɔŋŋ, shi moŋ amɛaabua tsɔɔlɔi anaa amɛwo amɛhe yɛ amɛ diɛŋtsɛ amɛkɔnɔi lɛ anaa, ejaakɛ amɛtoiiaŋ miifɛlɛ̃ amɛ;

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.