2 Kronika 18:3 - ŊMALƐ KRƆŊKRƆŊ LƐ

³ Ahab bi Yehoshafat akɛ, “Bɛ oooyawa mi koni mayatua Ramot-Gilead?” Yehoshafat to he akɛ, “Mifee kralo tamɔ ofee kralo lɛ, ni nakai nɔŋŋ ji mimaŋ lɛ; wɔ kɛ bo aaatee ta lɛ.”

Ṅmãle̱ Kroṅkroṅ Le̱

³ Ni Ahab, Israel maṅtše̱ le̱, kē̱ Iehošafat, Iuda maṅtše̱ le̱, ake̱: Ani oke̱mi aate Ramot-Gilead lo? Ni eherele̱ no̱ ake̱: Mi noṅṅ dši bo, ni mimaṅ le̱ noṅṅ dši omaṅ le̱; wo̱ke̱o aate ta le̱!

2 Kronika 18:3 ပူးပေါင်းရင်းမြစ်များ

1 Maŋtsɛmɛi 22:4

Kɛkɛ ni Ahab bi Yehoshafat akɛ, “Bɛ okɛ mi aaatee koni wɔyatua Ramot-Gilead?” Yehoshafat kɛɛ Ahab akɛ, “Mi nɔŋŋ ji bo; mimaŋbii lɛ omaŋbii ni, mikpɔŋɔi lɛ okpɔŋɔi ni.”

1 Maŋtsɛmɛi 4:13

Ben-Geber kwɛɔ Ramot-Gilead, lɛ nɔŋŋ ekwɛɔ akrowai komɛi ni ji Manase bi Yair nɔ lɛ anɔ, nɔ ní yɔɔ Gilead lɛ. Ekwɛɔ Argob kpokpai ni yɔɔ Bashan lɛ. Maji nyɔŋmai ekpaa kɛ amɛhe gbogboi kɛ shinai ni akɔɔble adabaŋi yɔɔ he ni.

2 Maŋtsɛmɛi 3:7

Kɛkɛ ni etsu ayakɛɛ Yehoshafat, Yuda maŋtsɛ lɛ akɛ, “Moab maŋtsɛ lɛ etse mihiɛ atua; ani ooofata mihe ni mikɛ Moabbii lɛ ayawu lo?” Maŋtsɛ Yehoshafat hã hetoo akɛ, “Matee; mi nɔŋŋ ji bo, mimaŋ lɛ omaŋ ni, ni mikpɔŋɔi lɛ okpɔŋɔi ni.”

2 Kronika 18:2

Afii komɛi asɛɛ lɛ Yehoshafat yiŋ etee Samaria maŋ lɛ mli ni eyasara Ahab. Ahab gbe toi kɛ tsinai babaoo ekɛfee Yehoshafat kɛ esɛɛbii ni ekɛnyiɛ lɛ gbɔ. Ahab bɔ mɔdɛŋ akɛ egbe Yehoshafat yitso koni eyawa lɛ ni efã ta kɛyatua Ramot-Gilead.

2 Kronika 18:4

Shi Yehoshafat kɛɛ Ahab akɛ, “Shi bi Yehowa daaŋ gbee dã.”

2 Kronika 19:2

Be ni Yehoshafat baa lɛ gbalɔ ko ni atsɛɔ lɛ Yehu, Hanani bi lɛ, tee ni ekɛ maŋtsɛ lɛ yakpe, ni ekɛɛ lɛ akɛ, “Aso eja gbɛ akɛ owa yitsoŋwalɔ, ni osumɔ mɛi ni nyɛɔ Yehowa lo? Nɔ ni ofee nɛɛ lɛ ehã Yehowa mli efu bo.

Lalai 139:21

Oo Yehowa, aso mɛi ni nyɛɔ bo lɛ mikanyɛ amɛ? Ni mɛi ni teɔ shi woɔ bo lɛ, mikate shi miwo amɛ?

Efesobii 5:11

ni nyɛkatsua duŋ nitsumɔi ni wooo yibii lɛ eko, shi nyɛjiea amɛ shi.