2 Kronika 18:2 - ŊMALƐ KRƆŊKRƆŊ LƐ

² Afii komɛi asɛɛ lɛ Yehoshafat yiŋ etee Samaria maŋ lɛ mli ni eyasara Ahab. Ahab gbe toi kɛ tsinai babaoo ekɛfee Yehoshafat kɛ esɛɛbii ni ekɛnyiɛ lɛ gbɔ. Ahab bɔ mɔdɛŋ akɛ egbe Yehoshafat yitso koni eyawa lɛ ni efã ta kɛyatua Ramot-Gilead.

Ṅmãle̱ Kroṅkroṅ Le̱

² Ni afii komei ase̱ le̱ eyiṅ ke̱-te Ahab ṅõ ye̱ Samaria; ni Ahab gbe tōi ke̱ tšinai babaō ehãe̱ ke̱ maṅ ní fata ehe le̱, ni ewo eyiṅ ake̱ eke̱le̱ aya Ramot-Gilead.

2 Kronika 18:2 ပူးပေါင်းရင်းမြစ်များ

1 Maŋtsɛmɛi 1:9

Gbi ko lɛ Adonia yagbegbee toi kɛ tsinai kɛ kooloi ni ewo fɔ yɛ Onufu Tɛsaa lɛ ni bɛŋkɛ Rogel Nubu lɛ he. Ekpee enyɛmimɛi maŋtsɛbii lɛ fɛɛ kɛ Yuda hii kãkãlɔi ni ji Maŋtsɛ David tsuji lɛ fɛɛ kɛtee jɛi.

1 Maŋtsɛmɛi 17:7

Shi be ko sɛɛ lɛ, faa lɛ baŋala, ejaakɛ nu enɛɛɛ shikpɔŋ lɛ nɔ.

1 Maŋtsɛmɛi 4:13

Ben-Geber kwɛɔ Ramot-Gilead, lɛ nɔŋŋ ekwɛɔ akrowai komɛi ni ji Manase bi Yair nɔ lɛ anɔ, nɔ ní yɔɔ Gilead lɛ. Ekwɛɔ Argob kpokpai ni yɔɔ Bashan lɛ. Maji nyɔŋmai ekpaa kɛ amɛhe gbogboi kɛ shinai ni akɔɔble adabaŋi yɔɔ he ni.

2 Maŋtsɛmɛi 9:1

Kɛkɛ ni gbalɔ Elisha tsɛ gbalɔi aku lɛ mli bii lɛ ateŋ mɔ kome, ni ekɛɛ lɛ akɛ, “Mĩamɔ, wo nɛkɛ mu kɛ tɔ nɛɛ ohiɛ odɛ̃ oya Ramot-Gilead.

2 Kronika 18:3

Ahab bi Yehoshafat akɛ, “Bɛ oooyawa mi koni mayatua Ramot-Gilead?” Yehoshafat to he akɛ, “Mifee kralo tamɔ ofee kralo lɛ, ni nakai nɔŋŋ ji mimaŋ lɛ; wɔ kɛ bo aaatee ta lɛ.”

2 Kronika 19:2

Be ni Yehoshafat baa lɛ gbalɔ ko ni atsɛɔ lɛ Yehu, Hanani bi lɛ, tee ni ekɛ maŋtsɛ lɛ yakpe, ni ekɛɛ lɛ akɛ, “Aso eja gbɛ akɛ owa yitsoŋwalɔ, ni osumɔ mɛi ni nyɛɔ Yehowa lo? Nɔ ni ofee nɛɛ lɛ ehã Yehowa mli efu bo.

Nehemia 13:6

Shi nɛkɛ be nɛɛ mli fɛɛ lɛ mibɛ Yerusalɛm, ejaakɛ Babilon maŋtsɛ Artashasta yinɔ afi ni ji nyɔŋmai etɛ̃ kɛ enyɔ lɛ nɔ lɛ mitee eŋɔɔ. Be kplaŋŋ sɛɛ lɛ, mibi maŋtsɛ lɛ gbɛ,

5 Mose 4:43

Eŋɔ Bezor maŋ ni yɔɔ ŋa lɛ nɔ shikpɔŋ trɛnɛɛ lɛ nɔ lɛ, ni ekɛhã Rubenbii lɛ; ni eŋɔ Ramot yɛ Gilead ekɛhã Gadbii lɛ, ni eŋɔ Golan yɛ Bashan ekɛhã Manasebii lɛ.

Yoshua 20:8

Yɛ Yordan lɛ bokãgbɛ lɛ amɛkɔ Bezer ni kã Yeriko bokãgbɛ shiaŋa trɛnɛɛ lɛ nɔ lɛ yɛ Rubenbii lɛ akutso lɛ gbɛfaŋ nɔ lɛ mli. Amɛkɔ Ramot ni yɔɔ Gilead lɛ yɛ Gadbii anɔ mli; amɛkɔ Golan ni yɔɔ Bashan yɛ Manasebii anɔ mli.