2 Kronika 18:18 - ŊMALƐ KRƆŊKRƆŊ LƐ

¹⁸ Shi Mikaia tee egbalɛ lɛ nɔ, ni ekɛɛ akɛ, “No hewɔ lɛ, nyɛboa nɔ ni Yehowa kɛɔ toi: Mina Yehowa ni eta emaŋtsɛ sɛi lɛ nɔ, ni ŋwɛi bɔfoi fɛɛ ewo shi yɛ eninejurɔ nɔ kɛ ebɛku fɛɛ.

Ṅmãle̱ Kroṅkroṅ Le̱

¹⁸ Ni ekē̱: Nohewo̱ le̱ nyeboa Iehowa wiemo̱ le̱ toi: Mina Iehowa tá esẽi le̱ no̱, ni ṅwei ta le̱ fẽ damo̱ eninedšũrõ ke̱ ebe̱ku.

2 Kronika 18:18 ပူးပေါင်းရင်းမြစ်များ

1 Mose 32:2

Be ni ena amɛ lɛ, ekɛɛ, “Enɛ lɛ Nyɔŋmɔ ta nɛ!” Ni ewo jɛi Mahanaim.

2 Kronika 18:17

Maŋtsɛ Ahab kɛɛ Maŋtsɛ Yehoshafat akɛ, “Ani mikɛɛɛ bo akɛ egbaŋ gbalɛ jurɔ yɛ mihe kɔkɔɔkɔ akɛ ja gbalɛ fɔŋ?”

2 Kronika 18:19

Kɛkɛ ni Yehowa kɛɛ akɛ, ‘Namɔ po aaaya koni eyalaka Israel maŋtsɛ Ahab koni efã ta kɛya Ramot-Gilead koni eyanyɔ yɛ jɛi?’ Be ni bɔfoi lɛ ekomɛi miikɛɛ nɛkɛ lɛ, mɛi komɛi hu miikɛɛ nɛkɛ.

Yesaia 1:10

Nyɛ Sodom maŋnɔyelɔi, nyɛboa Yehowa wiemɔ toi; ni nyɛ Gomorabii, nyɛboa nɔ ni wɔNyɔŋmɔ lɛ yɔɔ nyɛ tsɔ̃ɔmɔ toi.

Yesaia 28:14

No hewɔ lɛ, nyɛhefɛoyelɔi ni yeɔ Yerusalɛm maŋbii anɔ, nyɛboa nɔ ni Yehowa kɛɔ toi!

Yesaia 39:5

Kɛkɛ ni Yesaia kɛɛ Hezekia akɛ, “Bo nɔ ni Yehowa, Taiatsɛ lɛ, kɛɔ toi,

Yeremia 19:3

Kɛɛmɔ amɛ akɛ, ‘Nyɛ Yuda maŋtsɛmɛi kɛ Yerusalɛm maŋbii, nyɛboa nɔ ni Yehowa kɛɛ toi. Mi Yehowa Taiatsɛ, Israel Nyɔŋmɔ lɛ, miikɛɛ akɛ, mibahã sane fɔŋ aye maŋ nɛɛ bɔ ni mɔ fɛɛ mɔ ni baanu nɔ ni ba lɛ he baajɔ̃ ehe.

Yeremia 2:4

Nyɛ Yakob shwiei, nyɛ Israel akutseiaŋ wekui, nyɛboa Yehowa wiemɔ toi.

Yeremia 34:4

Shi kɛ̃lɛ, bo Yuda Maŋtsɛ Zedekia, bo nɔ ni Yehowa kɛɔ yɛ bo tuuŋtu ohe toi. Ogboŋ yɛ klante naa.

Daniel 7:10

La miiho yɛ ehiɛ tamɔ faa hoɔ. Gbɔmɛi akpeiakpei akpei abɔ sɔ̃mɔɔ gbɔmɔ nɛɛ, ni mɛi huuhaa abɔ hu damɔ ehiɛ. Kɛkɛ ni kojolɔi lɛ batara shi, ni agbele woji lɛ anaa, ni abɔi kojomɔ.

Daniel 7:9

Mihiɛ ninaa lɛ kwɛmɔ aahu kɛyashi beyinɔ ni akɛ maŋtsɛ sɛii bamamɔ shi. Kɛkɛ ni mɔ ko ni onaa akɛ afɔ lɛ etsɛ naakpa baho eta shi. Etade yɛɔ futaa, ni eyiteŋ waŋ hu yɛɔ futaa. Emaŋtsɛ sɛi lɛ miitso kɛ la, ni sɛi lɛ naji ahe kokolonto lɛ hu miitso grigri.

Amos 7:16

No hewɔ lɛ, agbɛnɛ, bo nɔ ni Yehowa kɛɔ toi ejaakɛ okɛɛ mikagba mishi Israel lɛ, ni mikashiɛ mishi Isak we lɛ.

Zakaria 1:10

No hewɔ lɛ, bɔfo lɛ ni damɔ mirto tsei lɛ ateŋ lɛ hã hetoo akɛ, “Mɛnɛɛmɛi ji mɛi ni Yehowa tsu koni amɛyasara shikpɔŋ lɛ nɔ lɛ.”