2 Kronika 17:4 - ŊMALƐ KRƆŊKRƆŊ LƐ

⁴ Eja etsɛ Nyɔŋmɔ lɛ, ni eye ekitãi lɛ anɔ; ni eyabaaa ejeŋ tamɔ Israel maŋtsɛmɛi lɛ fee lɛ.

Ṅmãle̱ Kroṅkroṅ Le̱

⁴ ši moṅ etše̱ Nyoṅmo̱ le̱ se̱gbe̱ etao, ni ekitãi le̱ amli enyie, ni dšee Israel nifemo̱nii le̱ anā.

2 Kronika 17:4 ပူးပေါင်းရင်းမြစ်များ

1 Maŋtsɛmɛi 12:28

No hewɔ lɛ, be ni maŋtsɛ lɛ ejwɛŋ sane lɛ he sɛɛ lɛ, efee shika tsinabii amãgãi enyɔ, ni ekɛɛ emaŋbii lɛ akɛ, “Shii abɔ ni nyɛyaa Yerusalɛm nyɛyajaa lɛ efa. Ao Israel, naa onyɔŋmɔi ni yajie bo kɛjɛ Ijipt shikpɔŋ lɛ nɔ lɛ!”

1 Maŋtsɛmɛi 12:30

Kɛkɛ ni enɛ tsɔ̃ esha ehã maŋ lɛ, ejaakɛ amɛyajaa amãgã ni akɛmã Betel lɛ kɛ nɔ ni akɛma Dan tɔ̃ɔ lɛ hu.

1 Maŋtsɛmɛi 12:33

Kɛkɛ ni nyɔŋ ni ji kpaanyɔ lɛ nɔ gbi ni ji nyɔŋma kɛ enumɔ lɛ nɔ, gbi ni lɛ pɛ eto lɛ nɔ lɛ, etee eyashã afɔle yɛ Betel yɛ afɔleshãa latɛ ni efee lɛ nɔ. Eto gbijurɔ nɛɛ ehã Israel, no hewɔ ni etee eyashã tsofakɛŋma yɛ afɔleshãa latɛ lɛ nɔ lɛ.

1 Maŋtsɛmɛi 3:3

Solomon sumɔɔ Yehowa, ni enyiɛ etsɛ David tsɔ̃ɔmɔ lɛ sɛɛ pɛpɛɛpɛ; shi Solomon hu shã afɔle kɛ tsofakɛŋma yɛ jemawɔji ajamɔhei lɛ.

1 Maŋtsɛmɛi 9:4

Shi bo lɛ, kɛji oooba ojeŋ jogbaŋŋ tamɔ bɔ ni otsɛ David fee yɛ tsuijurɔ kɛ jalɛ mli, ni oooye mlai kɛ mikpɔi kɛ mikitãi ni miwo bo lɛ anɔ pɛpɛɛpɛ lɛ,

2 Maŋtsɛmɛi 17:19

Shi Yudabii lɛ hu yeee Yehowa amɛNyɔŋmɔ lɛ kitãi lɛ anɔ, shi moŋ amɛyanyiɛ Israelbii lɛ akusumi lɛ asɛɛ.

2 Maŋtsɛmɛi 8:18

Eba ejeŋ gbonyogbonyo tamɔ Israel maŋtsɛmɛi krokomɛi lɛ; eba ejeŋ tamɔ bɔ ni Ahab we lɛ fee lɛ, ejaakɛ Ahab biyoo ji eŋa, ni efee efɔŋ yɛ Yehowa hiɛ.

2 Kronika 14:6

Ena hiɛ kɛtswa gbogbo ewo Yuda maji lɛ ekomɛi ahe ekɛwaje amɛ ejaakɛ afii babaoo ni ta bɛ eyinɔ ejaakɛ Yehowa hã etoiŋ jɔ lɛ.

2 Kronika 17:3

Yehowa jɔɔ Yehoshafat ejaakɛ ehi shi tamɔ etsɛ hi shi be ni eje emaŋtsɛyeli lɛ shishi lɛ; ni eyajaaa jemawɔji.

2 Kronika 21:12

Kɛkɛ ni Gbalɔ Elia ŋma Maŋtsɛ Yehoram wolo, ni ekɛɛ lɛ akɛ, “Naa nɔ ni Yehowa, ni ji otsɛ David Nyɔŋmɔ lɛ, kɛɔ: ‘Ohiko shi tamɔ otsɛ Maŋtsɛ Yehoshafat, loo onii Maŋtsɛ Asa, hi shi lɛ.

2 Kronika 22:9

Etao Ahazia, ni ayamɔ lɛ ni eyatee yɛ Samaria. Akɛ lɛ bahã Yehu, ni agbe lɛ. Shi awo egbonyo lɛ ayafu yɛ enii Maŋtsɛ Yehoshafat hewɔ, ejaakɛ lɛ lɛ ebɔ mɔdɛŋ ni esɔmɔ Yehowa kɛ eyitsoŋ fɛɛ. Enɛ ha gbɔmɛi tã yɛ Ahab we lɛ mli bɔ ni mɔ ko kwraa bɛ jɛi dɔŋŋ ni ebaanyɛ maŋtsɛ eye.

2 Kronika 27:6

Yotam baje agbo ejaakɛ eshihilɛ mli lɛ ebo Yehowa, eNyɔŋmɔ lɛ, toi.

2 Kronika 29:2

Hezekia ba ejeŋ ekpakpa bɔ ni Yehowa taoɔ tamɔ eseshinyo Maŋtsɛ David fee lɛ pɛpɛɛpɛ.

2 Kronika 34:2

Eba ejeŋ jogbaŋŋ bɔ ni Yehowa taoɔ tamɔ bɔ ni eseshinyo Maŋtsɛ David ba ejeŋ lɛ pɛpɛɛpɛ; egbaaa kɛyaa ninejurɔ lɛ egbaaa kɛyaaa abɛku hu.

Hosea 4:15

“Kɛji nyɛ, Israelbii, yeee mi anɔkwa yɛ mi jamɔ mli lɛ, nakai su lɛ akabala Yuda hu. Nyɛkayaa Gilgal, ni nyɛkayaa Bet-Aven hu nyɛyajaa; ni nyɛkɛ Yehowa gbɛi lɛ akakãa kitã akɛ ‘Gbii abɔ ni Yehowa ji Nyɔŋmɔ hiɛkãalɔ nɛɛ!’

Luka 1:6

Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

1 Tesalonikabii 2:12

Ni wɔwieɔ wɔtsɔ̃ɔ nyɛ, ni wɔshɛjeɔ nyɛmii hu, ni wɔkpaa nyɛ fai akɛ nyɛnyiɛ bɔ ni sa Nyɔŋmɔ ni tsɛɔ nyɛ kɛbaa lɛ diɛŋtsɛ emaŋtsɛyeli kɛ enunyam lɛ mli lɛ.

1 Tesalonikabii 4:1

Naagbee lɛ, anyɛmimɛi, nyɛkase yɛ wɔŋɔɔ bɔ ni sa akɛ nyɛba nyɛjeŋ ni esa Nyɔŋmɔ hiɛ. Nyɛmiifee nakai, shi wɔmiikpa nyɛ fai ni wɔmiiwo nyɛ ŋaa yɛ Nuŋtsɔ Yesu mli akɛ nyɛfee ni ateke nɔ fe tsutsu lɛ.