2 Kronika 16:9 - ŊMALƐ KRƆŊKRƆŊ LƐ

⁹ Yehowa, ehiŋmɛi kã je lɛ fɛɛ he, ni ehãa mɛi fɛɛ ni yeɔ lɛ anɔkwa kɛ amɛtsui fɛɛ lɛ naa hewalɛ. Oye kwashiai asane pam, ni no hewɔ lɛ, kɛjɛ kɛyaa nɛɛ lɛ, taitai sɔŋŋ ahe obaakã.”

Ṅmãle̱ Kroṅkroṅ Le̱

⁹ Edšake̱ Iehowa yo̱ ne̱, ehĩṅme̱ii kpaä šikpoṅ mū le̱ fẽ no̱, ni edšieo̱ ehewale̱ kpo ehãa mei ní ame̱tšui ehĩ ke̱-wula ši ye̱ egbe̱fãṅ le̱ le̱. Oye kwašiai asane ye̱ ene̱ mli; nohewo̱ le̱ ke̱-dše̱ ṅme̱ne̱ no̱ ke̱-yaã ne̱ tai aate ši awoö!

2 Kronika 16:9 ပူးပေါင်းရင်းမြစ်များ

1 Mose 31:28

Ni mɛɛ hewɔ ohãaa mana hegbɛ koni mashwɔ minabihii kɛ mibiyei lɛ anaa mikɛ amɛ aye shɛɛ lɛ? Nɔ ni ofee lɛ kwashiai asane oye nɛɛ.

2 Samuel 24:10

Shi be ni David ekane maŋbii lɛ sɛɛ lɛ, ehenilee bɔi enaagbamɔ. Kɛkɛ ni ekɛɛ Yehowa akɛ, “Mifee esha kpele akɛ mifee nɛkɛ nɔ ko. Ofainɛ ni okɛfa mi, ejaakɛ miye kwashiai asane naakpa!”

1 Maŋtsɛmɛi 15:32

Ni ta kã Yuda Maŋtsɛ Asa kɛ Israel Maŋtsɛ Baasha teŋ amɛwala beiaŋ fɛɛ.

2 Maŋtsɛmɛi 20:3

“Ao, Yehowa, kaimɔ bɔ ni misɔ̃mɔ bo, ni miye bo anɔkwa kɛ mitsui fɛɛ, ni mifee nɔ ni ja yɛ ohiɛ.” Kɛkɛ ni Hezekia fo waa diɛŋtsɛ.

1 Kronika 21:8

Kɛkɛ ni David kɛɛ Nyɔŋmɔ akɛ, “Mitɔ̃ tɔ̃mɔ kpele kɛ nii nɛɛ ni mifee lɛ. No hewɔ lɛ, miikpa bo fai ni okɛ tɔ̃mɔ lɛ afa mi, ejaakɛ miye kwashiai asane naakpa.”

2 Kronika 15:17

Maŋtsɛ Asa naaa egu jemawɔji ajamɔhei ni yɔɔ Israel shikpɔŋ lɛ nɔ lɛ fɛɛ moŋ, shi kɛ̃lɛ eye Yehowa anɔkwa ewala beiaŋ fɛɛ.

2 Kronika 15:19

Enɛ sɛɛ lɛ ta ko ta ko baaa aahu kɛyashi Asa maŋtsɛyeli afi ni ji nyɔŋmai etɛ̃ kɛ enumɔ lɛ nɔ.

2 Kronika 16:10

Gbalɛ nɛɛ hã Asa mli fu moŋ bɔ sɔŋŋ ni ehã awo gbalɔ lɛ gboklɛ yɛ mɔɔŋ. Be nɛɛ mli nɔŋŋ ni Asa bɔi maŋbii lɛ ekomɛi niseniianiifeemɔ.

2 Kronika 19:9

Maŋtsɛ Yehoshafat wo kojolɔi nɛɛ kitã ekɛɛ akɛ, “Nyɛtsua nyɛnii kɛ Yehowa he gbeyeishemɔ kɛ anɔkwayeli shishiishi kɛ nyɛtsui fɛɛ.

2 Kronika 6:20

Ohiŋmɛi akã Sɔlemɔtsu nɛɛ he shwane kɛ nyɔɔŋ fɛɛ ejaakɛ owo shi akɛ jɛi aaaja bo yɛ. No hewɔ lɛ, ofainɛ, bo fai ni otsulɔ baakpa bo be mli ni etsɔ̃ ehiɛ ehã biɛ lɛ toi.

Ezra 5:5

Shi Yudafoi aNyɔŋmɔ lɛ hiŋmɛi kã Yudafoi onukpai lɛ ahe, ni mɛi ni ba lɛ, atsiii amɛ gbɛ kɛyashi beyinɔ ni sane lɛ yashɛ Dario ŋɔɔ ni eŋma hetoo kɛba.

Hiob 28:24

Ejaakɛ lɛ lɛ, enaa jeŋ naagbee hei bluublu, ni enaa nɔ fɛɛ nɔ ni yɔɔ ŋwɛi shishi.

Hiob 31:4

Ani Nyɔŋmɔ leee mijeŋba, ni ekaneee minanefaamɔi?

Hiob 34:21

Ejaakɛ ohiŋmɛi jwere gbɔmɔ adesa jeŋba nɔ, ni onaa enyiɛmɔhei fɛɛ.

Lalai 113:6

ni emaa ehiɛ shi, ni ekwɛɔ nii ni yɔɔ ŋwɛi kɛ shikpɔŋ lɛ nɔ fɛɛ lɛ?

Lalai 33:14

Ejɛɔ he ni eta yɛ emaŋtsɛ sɛi lɛ nɔ lɛ enaa shikpɔŋ lɛ nɔ bii fɛɛ.

Lalai 33:15

Lɛ eshɔ̃ mɛi fɛɛ atsuii, ni enaa amɛnifeemɔi fɛɛ.

Lalai 33:18

Yehowa hiŋmɛii yɛ mɛi ni sheɔ lɛ gbeyei ni amɛhiɛ kã esuɔmɔ ni sɛɛ efooo lɛ nɔ lɛ ahe.

Lalai 34:15

Yehowa hiŋmɛi kã jalɔi ahe, ni efeɔ toi ehãa amɛblɔmɔi.

Lalai 37:37

Kadimɔ mɔ ni hi kɛwula shi; ni okwɛ mɔ ni ja; toiŋjɔlɛ gbɔmɔ lɛ eshwiei shwereɔ babaoo.

Abe̱i 15:3

Yehowa hiŋmɛi yɛ he fɛɛ he; ni ekwɛɔ mɛi fɔ̃ji kɛ mɛi kpakpai fɛɛ.

Abe̱i 5:21

Ejaakɛ Yehowa lɛ, enaa nɔ fɛɛ nɔ ni afeɔ, ni eekwɛ oyaa kɛ obaa fɛɛ.

Yesaia 31:1

Kpoo hã mɛi ni yaa Ijipt amɛyataoɔ yelikɛbuamɔ ni amɛkɛ amɛhiɛ fɔ̃ɔ okpɔŋɔi anɔ, mɛi ni kɛ amɛhiɛ fɔ̃ɔ tayaa shwiilii anɔ ejaakɛ amɛfa, kɛ okpɔŋɔnɔtalɔi hu anɔ, ejaakɛ amɛhe wa naakpa, shi amɛkɛ amɛhiɛ efɔ̃ɔɔ Israel Mɔ Krɔŋkrɔŋ lɛ moŋ nɔ, loo amɛbiii Nuŋtsɔ lɛ dɛŋ yelikɛbuamɔ po!

Yeremia 16:17

Ejaakɛ nɔ fɛɛ nɔ ni amɛfeɔ lɛ mihiŋmɛii jwere nɔ, eko eko bɛ ni minaaa.

Yeremia 32:19

oŋaalee mli kwɔ, ni ofeɔ nibii wuji. Bo ni onaa gbɔmɛi ajeŋbai fɛɛ, ni bɔ ni mɔ fɛɛ mɔ nifeemɔ yɔɔ lɛ nakai he nyɔmɔ owoɔ lɛ; ni nɔ ni mɔ fɛɛ mɔ duɔ lɛ no yibii ohãa ekpaa.

Yeremia 5:1

Nyɛjoa foi kɛyaa kɛbaa yɛ Yerusalɛm gbɛjegbɛi lɛ anɔ, koni nyɛkadi nɔ ni nyɛbaana. Nyɛtaoa yɛ Yerusalɛm blohuiaŋ akɛ nyɛaana mɔ ko ni eyeɔ jalɛ sane ni taoɔ akɛ eye anɔkwa lo? Kɛji nyɛaana lɛ, no lɛ mikɛ Yerusalɛm he aaafa lɛ.

Yeremia 5:21

nyɛboa enɛ toi koo! Kwashiai ni bɛ jwɛŋmɔ, ni nyɛyɔɔ hiŋmɛii shi nyɛnaaa nii, asaŋ nyɛyɔɔ toii hu shi nyɛnuuu nii.

Yeremia 5:3

Ao, Yehowa, aso jeee anɔkwayeli gbɛ okwɛɔ kɛjɛ amɛdɛŋ? Otswia amɛ nii, shi ewaaa amɛhe. Oplenee amɛ, shi amɛkɛkaseee nii. Amɛkpliŋ amɛtsui moŋ fe kũatɛ, ni amɛmiii tsuitsakemɔ.

Zakaria 4:10

Mɔ fɛɛ mɔ ni gbe nitsumɔ lɛ ni eyaaa nɔ lɛ he guɔ lɛ baana Zerubabel ni ehiɛ tsumalɔi akulomulo lɛ yɛ edɛŋ ekɛ miitswa Sɔlemɔ we lɛ, ni amɛbaanya. Kanetsei kpawo nɛɛ ji Yehowa hiŋmɛii ni ekɛkwɛɔ jeŋ muu lɛ fɛɛ lɛ.”

Mateo 5:22

Shi mi lɛ, miikɛɛ nyɛ akɛ, mɔ fɛɛ mɔ ni mli fuɔ enyɛmi lɛ, eeeye fɔ yɛ kojomɔ lɛ mli; ni mɔ fɛɛ mɔ ni aaakɛɛ enyɛmi akɛ, ‘Yaka gbɔmɔ’ lɛ eeeye gwabɔɔ lɛ hiɛ fɔ; ni mɔ fɛɛ mɔ ni aaakɛɛ akɛ, ‘Buulu’ lɛ eeeye abonsamiiaje la lɛ mliyaa fɔ.

Luka 12:20

Shi Nyɔŋmɔ kɛɛ lɛ akɛ, ‘Kwashia, nyɔɔŋ nɛɛŋ nɔŋŋ lɛ abaabi osusuma shi yɛ odɛ̃ŋ; ni nibii ni osaa oto lɛ, namɔ nɔ eeetsɔ̃?’

1 Korintobii 15:36

Kwashia! Nɔ ni bo diɛŋtsɛ oduɔ lɛ, ja egbo fɛɛ da ni eyi naa wala.

Galatabii 3:1

O Galatiabii ni bɛ yitsoŋ! Namɔ kpɛ nyɛ ayɛ, nyɛ ni atɛŋ Yesu Kristo yɛ nyɛhiɛ akɛ mɔ ni asɛŋ lɛ lɛ?

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.

1 Petro 3:12

Ejaakɛ Nuŋtsɔ lɛ hiŋmɛi kã jalɔi ahe, ni eboɔ amɛfaikpamɔ toi; shi mɛi ni feɔ nifɔɔjianii lɛ, Nuŋtsɔ lɛ ejie ehiɛ eka amɛ.”

1 Samuel 13:13

Samuel to he ehã Saul akɛ, “Oye gbekɛbii asane pam. Oyeko kitã ni Yehowa, oNyɔŋmɔ, lɛ wo bo lɛ nɔ. Kulɛ kpaako Yehowa baawaje omaŋtsɛyeli yɛ Israel nɔ ema shi shiŋŋ kɛya naanɔ.