2 Kronika 16:7 - ŊMALƐ KRƆŊKRƆŊ LƐ

⁷ Nɛkɛ be nɛɛ mli lɛ Gbalɔ Hanani ba Yuda Maŋtsɛ Asa ŋɔɔ, ni ebakɛɛ lɛ akɛ, “Akɛni okɛ ohe fɔ̃ Siria maŋtsɛ lɛ nɔ, shi okɛ ohe eyafɔɔɔ Yehowa, oNyɔŋmɔ lɛ, nɔ hewɔ lɛ bɛ ona akɛ Israel maŋtsɛ lɛ ta lɛ je odɛ̃ŋ?

Ṅmãle̱ Kroṅkroṅ Le̱

⁷ Ni nakai be le̱ mli le̱ Hanani, ninalo̱ le̱, ba Iuda maṅtše̱ Asa ṅõ ni eba-kē̱le̱ ake̱: Ake̱ni *oke̱ ohĩe fõ Aram maṅtše̱ le̱ no̱, ši oke̱ ohĩe efõõ Iehowa, o-Nyoṅmo̱ le̱, no̱ hewo̱ le̱, Aram maṅtše̱ le̱ ta le̱ edše odeṅ. *Ier. 17,6.

2 Kronika 16:7 ပူးပေါင်းရင်းမြစ်များ

1 Maŋtsɛmɛi 15:19

“Hã kpãŋmɔ ko akã mi kɛ bo teŋ tamɔ bɔ ni ekã mitsɛ kɛ otsɛ teŋ lɛ. Naa, miimaje jwiɛtɛi kɛ shika nikeenii. Yaa ni oyaku kpãŋmɔ ni kã okɛ Israel Maŋtsɛ Baasha teŋ lɛ mli, koni ejie etabilɔi lɛ kɛje mishikpɔŋ lɛ nɔ.”

1 Maŋtsɛmɛi 16:1

Yehowa kɛ Hanani bi Yehu wie, ni ekɛ shɛɛ nɛɛ hã lɛ akɛ ekɛyahã Israel Maŋtsɛ Baasha:

1 Maŋtsɛmɛi 16:7

Yehowa wiemɔ ni ekɛshiɔ Baasha kɛ ewe lɛ akɛtsɔ̃ Hanani bi Yehu nɔ, yɛ eshai ni Baasha fee eshi Yehowa lɛ ahewɔ. Baasha wo Yehowa mli la, jeee yɛ nibii fɔ̃ji ni efee, tamɔ bɔ ni Maŋtsɛ Yeroboam efee kɛtsɔ̃ ehiɛ momo lɛ kɛkɛ ahewɔ, shi moŋ akɛ egbe Yeroboam we lɛ mlibii fɛɛ lɛ.

2 Maŋtsɛmɛi 18:5

Hezekia ŋɔ ehiɛ efɔ̃ Yehowa, Israel Nyɔŋmɔ lɛ nɔ, bɔ sɔŋŋ ni Yuda maŋtsɛmɛi ni baye nɔ kɛtsɔ̃ ehiɛ kɛ mɛi ni nyiɛ esɛɛ fɛɛ lɛ ateŋ mɔ ko mɔ ko ninaaa lɛ.

1 Kronika 5:20

Hagribii lɛ na mɛi yafata amɛhe yɛ ta mli, kɛ̃lɛ aye amɛ kɛ mɛi ni yafata amɛhe lɛ fɛɛ nɔ kunim, ejaakɛ Rubenbii lɛ kɛ Gadbii lɛ kɛ Bokãgbɛ Manasebii lɛ sɔle amɛtsɛ Naa Nyɔŋmɔ koni eye ebua amɛ yɛ ta lɛ mli. Naa Nyɔŋmɔ bo amɛsɔlemɔ lɛ toi ejaakɛ amɛkɛ amɛhiɛ fɔ enɔ.

2 Kronika 13:18

Belɛ Yudabii lɛ ye Israelbii lɛ anɔ kunim ejaakɛ Yudabii lɛ kɛ amɛhiɛ fɔ̃ Yehowa ni ji amɛtsɛmɛi aNyɔŋmɔ lɛ nɔ.

2 Kronika 14:11

Kɛkɛ ni Asa sɔle etsɛ Yehowa, eNyɔŋmɔ lɛ, ni ekɛɛ akɛ, “Oo! Yehowa, bo lɛ mɔ ko bɛ ni eyeɔ ebuaa hewalɔ kɛ mɔ ni bɛ hewalɛ fɛɛ tamɔ ofeɔ lɛ. Ŋmɛlɛtswaa nɛɛ mli lɛ ye obua wɔ, Yehowa, wɔNyɔŋmɔ, ejaakɛ bo onɔ wɔhiɛ kã, ni asaŋ bo ogbɛi mli wɔba yɛ wɔkɛ ta kpeteŋkple nɛɛ baawu. Ao! Yehowa, bo ji wɔNyɔŋmɔ, ni kaahã adesa ko nine miitsɔ̃ wɔnɔ.”

2 Kronika 16:6

Kɛkɛ ni Asa bua hii anaa kɛjɛ Yuda heihei fɛɛ, ni ekɛ amɛ tee, ni ayaloo tɛi kɛ mplaŋi ni Baasha kɛtsuɔ nii ekɛwajeɔ Rama lɛ, ni ekɛtee ekɛyatswa gbogbo ewo Geba kɛ Mizpa maji lɛ ahe ekɛwaje amɛ.

2 Kronika 19:2

Be ni Yehoshafat baa lɛ gbalɔ ko ni atsɛɔ lɛ Yehu, Hanani bi lɛ, tee ni ekɛ maŋtsɛ lɛ yakpe, ni ekɛɛ lɛ akɛ, “Aso eja gbɛ akɛ owa yitsoŋwalɔ, ni osumɔ mɛi ni nyɛɔ Yehowa lo? Nɔ ni ofee nɛɛ lɛ ehã Yehowa mli efu bo.

2 Kronika 20:32

Ehi shi tamɔ etsɛ Asa hi shi lɛ pɛpɛɛpɛ. Eyagbaaa afã shi eba ejeŋ bɔ pɛ ni Yehowa taoɔ,

2 Kronika 20:34

Yehoshafat he saji ni eshwɛ lɛ, kɛjɛ shishijee aahu kɛyagbe naa lɛ, aŋmala yɛ Hanani bi Yehu he saji ni yɔɔ Israel Maŋtsɛmɛi ahe Saji Awolo lɛ mli.

2 Kronika 24:24

Tabilɔi ni Siriabii lɛ kɛba ta lɛ ayikulɛ fioo, kɛ̃lɛ Yehowa hã amɛye Yuda tabilɔi babaoo lɛ anɔ kunim, ejaakɛ Yudabii lɛ ekwa Yehowa, amɛtsɛmɛi aNyɔŋmɔ lɛ. Enɛ nɔ tsɔ̃ ni agbala Maŋtsɛ Yoash toi.

Yesaia 31:1

Kpoo hã mɛi ni yaa Ijipt amɛyataoɔ yelikɛbuamɔ ni amɛkɛ amɛhiɛ fɔ̃ɔ okpɔŋɔi anɔ, mɛi ni kɛ amɛhiɛ fɔ̃ɔ tayaa shwiilii anɔ ejaakɛ amɛfa, kɛ okpɔŋɔnɔtalɔi hu anɔ, ejaakɛ amɛhe wa naakpa, shi amɛkɛ amɛhiɛ efɔ̃ɔɔ Israel Mɔ Krɔŋkrɔŋ lɛ moŋ nɔ, loo amɛbiii Nuŋtsɔ lɛ dɛŋ yelikɛbuamɔ po!

Yesaia 32:2

Amɛteŋ mɔ fɛɛ mɔ baatsɔ̃ tamɔ teemɔhe be mli ni kɔɔyɔɔ miitswa, loo abobaahe be mli ni ahum miitswa; eeetsɔ̃ tamɔ faa yɛ shiaŋa nɔ, loo tamɔ tɛsaa kpele hɔ̃ɔŋ yɛ shikpɔŋ gbiŋ nɔ.

Yesaia 39:3

Kɛkɛ ni Gbalɔ Yesaia ba Maŋtsɛ Hezekia ŋɔɔ, ni ebabi lɛ akɛ, “Nɛgbɛ nɛkɛ gbɔmɛi nɛɛ jɛ ba oŋɔɔ nɛɛ, ni mɛɛ amaniɛ amɛkɛba?” Hezekia here lɛ nɔ akɛ, “Shɔŋŋ he ko amɛjɛ amɛba miŋɔɔ nɛɛ; amɛjɛ Babilon.”