2 Kronika 16:2 - ŊMALƐ KRƆŊKRƆŊ LƐ

² Ni fee nakai lɛ Asa jie Yehowa Sɔlemɔ we lɛ nitoohe lɛ mli shika kɛ jwiɛtɛi lɛ eko, ni ekɛtsu koni akɛyahã Siria Maŋtsɛ Ben-Hadad yɛ Damasko. Shɛɛ ni fata shika lɛ he ji akɛ,

Ṅmãle̱ Kroṅkroṅ Le̱

² Ke̱ke̱ ni Asa dšie dſie̱te̱i ke̱ šika ye̱ Iehowa we le̱ ke̱ maṅtše̱ we le̱ nitōhei le̱, ni etšũ ake̱-yahã Benhadad, Aram maṅtše̱ ni yo̱ Damasko le̱, ake̱:

2 Kronika 16:2 ပူးပေါင်းရင်းမြစ်များ

1 Maŋtsɛmɛi 15:18

No hewɔ lɛ, Maŋtsɛ Asa loo shika fɛɛ kɛ jwiɛtɛi ni eshwɛ yɛ Yehowa We lɛ nitoohe lɛ kɛ maŋtsɛwe lɛ nitoohe lɛ hu; etu ewo etsuji lɛ adɛŋ, ni etsu amɛ kɛtee Damasko koni akɛyahã Siria Maŋtsɛ Ben-Hadad, Tabrimon bi, ni eji Hezion nabi lɛ. Wiemɔ ni fata he ji:

2 Maŋtsɛmɛi 12:18

Yoash, Yuda maŋtsɛ lɛ, ŋɔ nibii krɔŋkrɔŋi fɛɛ ni etsɛmɛi Yehoshafat kɛ Yehoram kɛ Ahazia, ni ji Yuda maŋtsɛmɛi ni eho lɛ, ejɔɔ nɔ eke lɛ, kɛ lɛ diɛŋtsɛ enii krɔŋkrɔŋi lɛ, kɛ shika fɛɛ ni ana yɛ Yehowa we lɛ, kɛ maŋtsɛ we lɛ nitoohe lɛ hu, ni etsu akɛyahã Hazael, Siria maŋtsɛ lɛ. Kɛkɛ ni Hazael shi Yerusalɛm sɛɛ ni etee.

2 Maŋtsɛmɛi 16:8

Ahaz ŋɔ jwiɛtɛi kɛ shika ni ana yɛ Yehowa we lɛ mli kɛ maŋtsɛ we lɛ nitoohe lɛ mli hu, ni ekɛtsu ni akɛyake Asiria maŋtsɛ Tiglat Pileser.

2 Maŋtsɛmɛi 18:15

Kɛkɛ ni Maŋtsɛ Hezekia ŋɔ jwiɛtɛi fɛɛ ni ana yɛ Yehowa we lɛ kɛ maŋtsɛ we lɛ nitoohei lɛ ehã.

2 Kronika 16:1

Be ni Maŋtsɛ Asa na afi ni ji nyɔŋmai etɛ̃ kɛ ekpaa akɛ Yuda maŋtsɛ lɛ, Baasha ni ji Israel maŋtsɛ lɛ fã ta koni ebatua Yuda; ni ebɔi Rama maŋ lɛ wajemɔ kɛ gbogbo bɔ ni afee ni esa Yuda yi koni akanyɛ jɛi atee ni ajɛ jɛi aba hu.

2 Kronika 16:3

“Kpãŋmɔ kã mi kɛ bo teŋ akɛ nanemɛi tamɔ bɔ ni eko hi mitsɛ kɛ bo hu otsɛ teŋ lɛ. Naa jwiɛtɛi kɛ shika ni mimaje bo. Kuu kpãŋmɔ ni kã okɛ Israel Maŋtsɛ Baasha teŋ lɛ mli koni ekɛ etabilɔi lɛ aje mishikpɔŋ lɛ nɔ aya.”

2 Kronika 28:21

ejaakɛ Ahaz loo Yehowa Sɔlemɔtsu lɛ mli jwetri lɛ kɛ maŋtsɛ we lɛ hu mli nɔ lɛ, kɛ maŋ onukpai lɛ hu ashĩai amli jwetri fɛɛ, ni ekɛhã Tiglat Pileser, Asiria Maŋtsɛ lɛ; shi enɛ tete yeee buaaa Ahaz yɛ gbɛ ko nɔ kwraa.

Yeremia 49:23

Nɔ ni Yehowa kɛɛ yɛ Damaskobii ahe nɛ, “Hamatbii kɛ Arpadbii ejijaa, ejaakɛ amɛnu sane fɔŋ; amɛtsui efã fe nine, ni amɛyoyro; amɛfee tamɔ ŋshɔ ni efee hamahama ni amɛnaaa hejɔlɛ.