2 Kronika 15:2 - ŊMALƐ KRƆŊKRƆŊ LƐ

² ni eyiŋ etee koni ekɛ Maŋtsɛ Asa ayakpe. Be ni amɛkpe lɛ Azaria kɛɛ maŋtsɛ lɛ akɛ, “Maŋtsɛ Asa kɛ Yuda kɛ Benyamin fɛɛ, nyɛboa mi toi. Gbii abɔ ni nyɛmiibo Yehowa toi lɛ, lɛ hu ekɛ nyɛ yɛ. Kɛji nyɛtao lɛ lɛ, nyɛbaana lɛ, shi kɛji nyɛkwa lɛ lɛ, lɛ hu ebaakwa nyɛ.

Ṅmãle̱ Kroṅkroṅ Le̱

² ni edše kpo ni eke̱ Asa yakpe ni ekē̱le̱ ake̱: Nyeboami toi, Asa ke̱ Iuda ke̱ Benyamin fẽ! Iehowa kenye ye̱ gbĩĩ-abo̱ ní nyeke̱le̱ yo̱ le̱; ni ke̱dši nyetao ese̱gbe̱ le̱, eehā nyenale̱, ši ké̱ nyekwale̱ le̱, le̱ hũ eekwanye!

2 Kronika 15:2 ပူးပေါင်းရင်းမြစ်များ

1 Maŋtsɛmɛi 11:25

Etsɔ̃ Israel henyɛlɔ yɛ Solomon yinɔ beiaŋ fɛɛ, ni egba Solomon naa babaoo tamɔ bɔ ni Hadad fee lɛ.

1 Maŋtsɛmɛi 18:18

Elia to he ekɛɛ, “Mihaoko Israel! Bo kɛ otsɛ we lɛ moŋ ni ehao Israel, ejaakɛ nyɛkwa Yehowa kitãi lɛ, ni nyɛtee nyɛmiija Baal moŋ.

2 Maŋtsɛmɛi 21:14

Ni makwa miwebii ni aaashwɛ lɛ, ni matu amɛ mawo amɛhenyɛlɔi adɛŋ, ni amɛaatsɔ̃mɔ nomii, ni aaaha amɛshikpɔŋ lɛ nɔ nii fɛɛ.

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

2 Kronika 11:12

agbɛnɛ tsɛŋi kɛ akplɔi fɛɛ. Kɛtsɔ̃ nɛkɛ gbɛ nɔ lɛ Rehoboam ye Yuda kɛ Benyamin akutsei lɛ anɔ.

2 Kronika 12:5

Kɛkɛ ni Gbalɔ Shemaia tee ni eyanina Rehoboam kɛ Yuda maŋ onukpai ni ebabua amɛhe naa yɛ Yerusalɛm yɛ Shishak hewɔ lɛ, ni ekɛɛ amɛ akɛ, “Naa nɔ ni Yehowa kɛɛ, ‘Nyɛkwa mi, no hewɔ lɛ, mi hu miŋmɛɛ nyɛhe mihã Shishak.’ ”

2 Kronika 13:12

Naa, Nyɔŋmɔ kɛ wɔ yɛ, ni lɛ enyiɛ wɔta lɛ hiɛ, asaŋ esɔfoi lɛ hu yɛ biɛ kɛ tɛtɛrɛmantɛrɛi, ni amɛbaakpã kɛbɔ tawuu oshe amɛwo nyɛ. Ataamɛi Israelbii, nyɛkakaa kwraa akɛ nyɛkɛ Yehowa, nyɛtsɛmɛi aNyɔŋmɔ, lɛ baawu ta. Nyɛyeŋ kunim kɔkɔɔkɔ.”

2 Kronika 13:4

Tai enyɔ lɛ yakpe yɛ Efraim gɔji shikpɔji lɛ nɔ. Kɛkɛ ni Abia tee eyadamɔ gɔŋ lɛ eko ni gbɛi ji Zemaraim Gɔŋ lɛ yiteŋ, ni ebo etsɛ Yeroboam kɛ Israel ta lɛ, ni ekɛɛ amɛ akɛ, “Agoo! Yeroboam kɛ Israel hii!

2 Kronika 15:15

Yuda tso muu fɛɛ nya kitã ni amɛkã lɛ he akɛ amɛjɛ amɛtsuiŋ fɛɛ ni amɛkã; ejaakɛ amɛtao Yehowa sɛɛgbɛ kɛ amɛtsui fɛɛ, ni amɛna lɛ. Yehowa hã amɛna toiŋjɔlɛ yɛ amɛhe fɛɛ he kɛkpe.

2 Kronika 15:4

Shi be ni fimɔ ba ni amɛkpale kɛyatao Yehowa, Israel Nyɔŋmɔ lɛ, sɛɛgbɛ lɛ amɛna lɛ.

2 Kronika 20:15

Kɛkɛ ni Yahaziel kɛɛ asafo lɛ akɛ, “Maŋtsɛ kɛ Yudabii kɛ Yerusalɛm maŋbii fɛɛ ni naa ekpe shi, nɔ ni Yehowa kɛɔ nyɛ nɛ, ‘Nyɛkashea gbeyei, asaŋ nyɛtsui akafãa hu yɛ ta babaoo nɛɛ hewɔ, ejaakɛ ta ni abaawu lɛ ebɛ nyɛdɛŋ, Nyɔŋmɔ dɛŋ eyɔɔ.’

2 Kronika 20:17

Ta nɛɛ lɛ nyɛtswaŋ eko. Nyɛ lɛ nyɛgbaa nyɛta lɛ kɛkɛ koni nyɛdamɔa shi nyɛmɛ koni nyɛkwɛ kunim ni Yehowa baaye ahã nyɛ Yuda kɛ Yerusalɛmbii. Nyɛkashea gbeyei, asaŋ nyɛtsui akafãa hu. Wɔ lɛ, nyɛfãa ta koni nyɛ kɛ amɛ ayakpea ejaakɛ Yehowa kɛ nyɛ yɛ.”

2 Kronika 20:20

Yuda hii lɛ kɛ Yerusalɛm hii lɛ fã enɔ jetsɛremɔ leebi maŋkpa kɛtee Tekoa shiaŋa lɛ nɔ. Shi dani amɛfã lɛ Yehoshafat ho edamɔ shi ni ekɛ ta lɛ wie. Ekɛɛ amɛ akɛ, “Agoo! Yuda hii kɛ Yerusalɛm hii, nyɛhea Yehowa, nyɛNyɔŋmɔ lɛ, nyɛyea, ni nyɛbaanyɛ shi nyɛfi; ni nyɛhea gbalɔi lɛ hu nyɛyea, ni nyɛbaaye omanye.”

2 Kronika 24:20

Kɛkɛ ni Nyɔŋmɔ Mumɔ lɛ ba Osɔfo Yehoiada bi Zakaria nɔ, ni eho edamɔ he ko grɔŋŋ yɛ maŋ lɛ hiɛ ni ekɛɛ amɛ akɛ, “Naa nɔ ni Nyɔŋmɔ, Tsɛ lɛ, kɛɛ, ‘Te tɛŋŋ ni nyɛyeee mikitãi lɛ anɔ ni nyɛbaaloo haomɔ nɛɛ? Akɛni nyɛkwa Yehowa lɛ, lɛ hu ekwa nyɛ.’ ”

2 Kronika 26:5

Zakaria ji mɔ ni wo lɛ ŋaa, ni etsɔ̃ɔ lɛ bɔ ni ehi shi ehã yɛ Nyɔŋmɔ gbɛfaŋ; ni gbɔmɔ nɛɛ wala be mli fɛɛ lɛ Maŋtsɛ Uzia sɔmɔ Nyɔŋmɔ ni bei abɔ fɛɛ ni Uzia sɔmɔ Yehowa lɛ, Nyɔŋmɔ hã eshwere.

2 Kronika 32:8

Lɛ lɛ adesa hewalɛ kɛ lɛ yɔɔ; shi wɔ lɛ, Yehowa, wɔNyɔŋmɔ lɛ kɛ wɔ yɔɔ, koni eye ebua wɔ, asaŋ koni ewu wɔtai lɛ ehã wɔ.” Maŋbii lɛ na ekãa kɛ hiɛnɔkãmɔ yɛ Yuda Maŋtsɛ Hezekia wiemɔi lɛ ahewɔ.

2 Kronika 33:11

No hewɔ lɛ, Yehowa hã Asiria maŋtsɛ tatsɛmɛi lɛ fã ta kɛba, ni amɛbatua Yuda. Amɛmɔ Manase, ni amɛkɛ kpoŋ lala lɛ, ni amɛwo lɛ akɔɔble gboklɛ, ni amɛkpala lɛ kɛtee Babilon.

2 Kronika 33:12

Be ni Manase yɔɔ hejaramɔ nɛɛ mli lɛ, eba ehe shi jogbaŋŋ ehã etsɛmɛi aNyɔŋmɔ lɛ, ni ekpa Yehowa, eNyɔŋmɔ, lɛ, fai akɛ ena lɛ mɔbɔ.

2 Kronika 34:3

Yosia maŋtsɛyeli afi ni ji kpaanyɔ lɛ nɔ, be ni edako beebe lɛ, ebɔi eseshinyo David Nyɔŋmɔ lɛ jamɔ kɛ esɛɛgbɛ taomɔ. Be ni ena afii nyɔŋma kɛ enyɔ yɛ sɛi lɛ nɔ lɛ, Yosia bɔi jemawɔji ajamɔhei lɛ kɛ Ashera jemawɔŋ lɛ wɔŋ koi lɛ kɛ amãgãi krokomɛi lɛ fɛɛ fitemɔ, koni ekɛtsuu Yuda kɛ Yerusalɛm he.

Ezra 8:22

Ejaakɛ eefee mi hiɛgbele akɛ makpa maŋtsɛ lɛ fai ni ehã wɔ asraafoi kɛ okpɔŋɔnɔtaralɔi ni amɛbu wɔhe yɛ henyɛlɔi ni yɔɔ gbɛteŋ lɛ ahewɔ. Eefee mi hiɛgbele ejaakɛ wɔkɛɛ maŋtsɛ lɛ akɛ: wɔNyɔŋmɔ lɛ yeɔ buaa mɛi fɛɛ ni taoɔ esɛɛgbɛ lɛ, shi mɛi fɛɛ ni kɛ lɛ efeee nɔ ko lɛ enaaa amɛhe miishɛɛ ni egbalaa amɛtoi waa.

Lalai 34:4

Mitao Yehowa sɛɛgbɛ, ni ehere mi nɔ; ni ejie mi kɛje migbeyeishemɔ fɛɛ mli.

Lalai 53:2

Nyɔŋmɔ jɛɔ ŋwɛi ekwɛɔ gbɔmɛi abii, akɛ eeena mɛi komɛi ni le nii, mɛi ni taoɔ Nyɔŋmɔ sɛɛgbɛ lo?

Yesaia 45:19

Jeee teemɔ mli miwie yɛ, yɛ shikpɔŋ ni enɔ ewo duŋ ko nɔ. Mikɛɛ Israelbii lɛ akɛ, “Nyɛtaoɔ mi yaka; nyɛtaoɔ mi yɛ he ni nɔ ko nɔ ko bɛ. Mi Yehowa, miwieɔ anɔkwale. Nɔ ni ja lɛ, no mikɛɔ.”

Yesaia 51:1

Yehowa kɛɛ, “Nyɛ mɛi ni nyɛtaoɔ ni akpɔ̃ nyɛ lɛ, nyɛboa mi toi! Nyɛ mɛi ni nyɛtaoɔ Nuŋtsɔ lɛ sɛɛgbɛ, nyɛjwɛŋa tɛsaa ni agba nyɛ kɛjɛ mli lɛ, kɛ tɛ bu ni atsa nyɛ kɛjɛ mli lɛ he.

Yesaia 7:13

Kɛkɛ ni Yesaia to he akɛ, “Nyɛboa toi koo, agbɛnɛ, nyɛ Maŋtsɛ David shwiei! Aso gbɔmɛi ni nyɛhao lɛ faaa hãaa nyɛ hewɔ ni nyɛtaoɔ akɛ nyɛhao miNyɔŋmɔ lɛ hu nɛɛ?

Yeremia 2:17

Israel, aso jeee bo diɛŋtsɛ oyatao nɛkɛ sane ohã ohe akɛ okwa Yehowa, oNyɔŋmɔ lɛ, be mli ni ekpalaa bo yɛ gbɛ lɛ nɔ lɛ?

Amos 5:14

Nyɛtaoa nɔ kpakpa, shi jeee nɔ fɔŋ, bɔ ni afee ni nyɛyi ana wala, kɛkɛ lɛ Yehowa, Taiatsɛ lɛ, kɛ nyɛ aaahi shi kpakpa; ni nyɛyea jalɛ sane yɛ koishi akɛ aleee nɔ Yehowa, Taiatsɛ lɛ, aaadro Yosef shwiei ni eshwɛ lɛ lo!

Zakaria 1:3

No hewɔ lɛ, kɛɛmɔ amɛ akɛ bɔ ni mi Yehowa, Taiatsɛ lɛ, mikɛɔ amɛ nɛ, ‘Nyɛkpalea kɛbaa miŋɔɔ ni mi hu makpale kɛba nyɛŋɔɔ, mi Yehowa, Taiatsɛ lɛ, mikɛɛ.

4 Mose 14:42

Nyɛkayaa, ejaakɛ Yehowa bɛ nyɛteŋ, koni nyɛkayanyɔnyɔi yɛ nyɛhenyɛlɔi lɛ ahiɛ.

4 Mose 14:43

Amalekbii lɛ kɛ Kanaanbii lɛ yɛ jɛi, ni amɛkɛ nyɛ baakpe, ni amɛbaagbegbee nyɛ, ejaakɛ gbii abɔ ni nyɛkpale yɛ Yehowa sɛɛ lɛ, Yehowa hu fiŋ nyɛsɛɛ.”

Mateo 13:9

Mɔ ni yɔɔ toi ni akɛ nuɔ nii lɛ, enu!”

5 Mose 20:1

“Kɛji nyɛmiiya nyɛkɛ nyɛhenyɛlɔi ayawu ta, ni nyɛna amɛkpɔŋɔi kɛ tawuu shwiilii kɛ tabilɔi babaoo ni ayi fa fe nyɛ lɛ, nyɛkashea gbeyei, ejaakɛ Yehowa, nyɛNyɔŋmɔ lɛ, ni yakpɔ̃ nyɛ yɛ Ijipt shikpɔŋ lɛ nɔ lɛ kɛ nyɛ yɛ.

5 Mose 31:17

Kɛji eba mli nakai lɛ mimli aaawo amɛ la yɛ nakai be lɛ mli; ni mibakwa amɛ, ni mifeŋ amɛ ejurɔ, ni aaaye amɛnɔ. Saji fɔ̃ji babaoo kɛ haomɔi baaba amɛnɔ, ni ebaahã amɛbi yɛ nakai be lɛ mli akɛ, ‘Kwɛɛ jeee Yehowa, wɔNyɔŋmɔ lɛ, ni bɛ wɔteŋ dɔŋŋ lɛ hewɔ ni nɛkɛ nifɔɔjianii nɛɛ eba wɔnɔ nɛɛ?’

5 Mose 4:29

Nyɛbaaye Yehowa, nyɛNyɔŋmɔ lɛ, he kumai yɛ jɛi; ni kɛji nyɛtao esɛɛgbɛ kɛ nyɛtsui fɛɛ kɛ nyɛnyɛmɔ fɛɛ lɛ nyɛbaana lɛ.

Hebribii 10:38

Shi mɔ ni ja yɛ hemɔkɛyeli mli lɛ, yi aaana wala; ni kɛ ekpa yɛ misɛɛ lɛ misusuma naŋ ehe tsuijurɔ.”

Hebribii 12:25

Nyɛkwɛa ni ahĩa, koni nyɛkakwa mɔ ni wieɔ lɛ, ejaakɛ kɛ mɛi ni kwa mɔ ni wie tsɔ̃ɔ amɛ yɛ shikpɔŋ lɛ nɔ lɛ ahe ejeee mli lɛ, belɛ wɔ lɛ, wɔhe ejeŋ mli kwraa kɛji wɔkpale kɛjɛ mɔ ni jɛɔ ŋwɛi wieɔ lɛ he.

Yakobo 4:8

Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.

Yoshua 22:31

Kɛkɛ ni Finehas, Osɔfo Eleazar bi lɛ, kɛɛ Rubenbii lɛ kɛ Gadbii lɛ kɛ Manasebii lɛ akɛ, “Wɔna wɔle ŋmɛnɛ akɛ nyɛ kɛ wɔ fɛɛ hiɛ Yehowa jamɔ lɛ mli, ejaakɛ nyɛtɔ̃ko Yehowa nɔ kɛ nɔ ni nyɛfee lɛ. No hewɔ lɛ, nyɛhere Israel yɛ etoi ni kulɛ Yehowa baagbala lɛ mli.”

Yoshua 24:20

Yɛ mli akɛ Yehowa efee nyɛ ejurɔ kɛho; shi kɛji nyɛshi lɛ esɛɛ, ni nyɛyasɔ̃mɔ maŋsɛɛ nyɔŋmɔi krokomɛi lɛ, no lɛ eeete shi ewo nyɛ, ni eeekpãtã nyɛhiɛ kɛmɔ shi.”

Kpojiemɔ 2:11

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Kunimyelɔ lɛ, gbele ni ji enyɔ lɛ efeŋ lɛ efɔŋ ko.’ ”

Kpojiemɔ 2:17

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ mana ni akɛtee lɛ eko, ni mahã lɛ tɛ yɛŋ, ni tɛ lɛ nɔ lɛ aŋma gbɛi hee ni mɔ ko leee akɛ ja mɔ ni náa lɛ.”

Kpojiemɔ 2:29

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ.”

Kpojiemɔ 2:7

Mɔ ni yɔɔ toi ni akɛ nuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ hegbɛ ni eye walatso lɛ ni yɔɔ miNyɔŋmɔ lɛ Paradeiso lɛ mli lɛ nɔ yibii lɛ eko.’ ”

Kpojiemɔ 3:13

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ.”

Kpojiemɔ 3:22

“Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ.”

Kpojiemɔ 3:6

“Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ.”

Kojolɔi 10:13

Shi nyɛ lɛ, nyɛkwa mi, ni nyɛyasɔmɔ nyɔŋmɔi krokomɛi moŋ. No hewɔ lɛ, mihereŋ nyɛyiwala dɔŋŋ.

Kojolɔi 9:7

Be ni ayagba Yotam lɛ, eyiŋ etee eyadamɔ Gerizim gɔŋ lɛ yiteŋ ni ebo ekɛɛ Shekembii lɛ akɛ, “Nyɛboa mi toi, nyɛ Shekembii, koni Nyɔŋmɔ hu abo nyɛ toi.

1 Samuel 12:14

Kɛji nyɛaashe Yehowa gbeyei, ni nyɛaasɔmɔ lɛ, ni nyɛaaye egbee nɔ, ni nyɛtseŋ ekitã lɛ hiɛ atua, ni asaŋ nyɛ kɛ maŋtsɛ lɛ ni yeɔ nyɛnɔ lɛ fɛɛ aaanyiɛ Yehowa, nyɛNyɔŋmɔ, lɛ sɛɛ lɛ, nyɛjeŋ baaja ahã nyɛ.

1 Samuel 12:15

Shi kɛji nyɛyayeee Yehowa gbee nɔ; shi nyɛtse ekitã lɛ hiɛ atua lɛ no lɛ Yehowa baagbala nyɛ kɛ nyɛmaŋtsɛ lɛ fɛɛ toi.