2 Kronika 15:16 - ŊMALƐ KRƆŊKRƆŊ LƐ

¹⁶ Maŋtsɛ Asa kpa enyɛ Maaka tete po akɛ maŋnyɛ ejaakɛ Maaka fee hiɛgbejianii, no ji akɛ ema amãgã ehã jemawɔŋ Ashera lɛ. Asa kumɔ amãgã ni enyɛ ma lɛ, ni ejwra lɛ wɔtsɔwɔtsɔ ni eyashã amãgã lɛ yɛ Kidron Jɔɔ lɛ mli.

Ṅmãle̱ Kroṅkroṅ Le̱

¹⁶ Ni maṅtše̱ Asa nye Maaka tete, ekpale̱ maṅnyeyeli, edšake̱ efe amãgã ko ní he yo̱ hĩegbēle ehã Ašera; ni Asa fo emãgã le̱, ni ešile̱ bo̱do̱bo̱do̱, nī eyašã ye̱ Kidron fā le̱ nā.

2 Kronika 15:16 ပူးပေါင်းရင်းမြစ်များ

1 Maŋtsɛmɛi 15:10

Ni eye maŋtsɛ afii nyɔŋmai ejwɛ kɛ ekome yɛ Yerusalɛm. Enaa gbɛi ji Maaka, Abishalom biyoo lɛ.

1 Maŋtsɛmɛi 15:2

Eye maŋtsɛ afii etɛ̃ yɛ Yerusalɛm. Enyɛ gbɛi ji Maaka, Abishalom biyoo lɛ.

2 Maŋtsɛmɛi 23:12

Ni afɔleshãa latɛ ni yɔɔ Maŋtsɛ Ahaz ŋwɛitsu lɛ yiteŋ ni Yuda maŋtsɛmɛi lɛ fee, kɛ afɔleshãa latɛi lɛ ni maŋtsɛ Manase fee yɛ Yehowa we lɛ kpoi enyɔ lɛ anɔ lɛ, Maŋtsɛ Yosia kumɔ eshwie shi, ni egbɛlɛ, ni eloo kɛjɛ jɛi, ni ekɛyawo Kidron Jɔɔ lɛ mli.

2 Maŋtsɛmɛi 23:15

Asaŋ afɔleshãa latɛ ni yɔɔ Betel jamɔhe grɔŋŋ lɛ ni Nebat bi Yeroboam ni hã Israel fee esha lɛ fee lɛ, nakai afɔleshãa latɛ lɛ kɛ jamɔhei grɔŋŋi lɛ fɛɛ lɛ Yosia kumɔ shwie shi. Eshã jamɔhe grɔŋŋ lɛ, ni eshimɔ lɛ mɔnyɔmɔnyɔ, ni eshã Ashera amãgã lɛ hu.

2 Maŋtsɛmɛi 23:4

Kɛkɛ ni maŋtsɛ lɛ fã Osɔfonukpa Hilkia kɛ eshishi osɔfoi lɛ kɛ shinaanaakwɛlɔi lɛ akɛ amɛ jie nibii fɛɛ ni afee ni akɛjaa Baal kɛ Ashera kɛ ŋwɛi ŋulamii lɛ fɛɛ kɛje Yehowa Sɔlemɔ we lɛ mli, ni Maŋtsɛ Yosia shã fɛɛ yɛ Yerusalɛm maŋ lɛ sɛɛ he ko ni bɛŋkɛ Kidron jɔɔ lɛ mli lɛ; ni no sɛɛ lɛ aloo lamlu lɛ kɛtee Betel.

2 Maŋtsɛmɛi 23:6

Maŋtsɛ lɛ jie Ashera amãgã lɛ yɛ Yehowa we lɛ kɛtee Yerusalɛm maŋ lɛ sɛɛ yɛ Kidron jɔɔ lɛŋ, ni eyashã, ni eshimɔ lɛ mɔnyɔmɔnyɔ, ni eloo ni ekɛyashwã maŋbii asaŋi lɛ anɔ.

2 Kronika 15:17

Maŋtsɛ Asa naaa egu jemawɔji ajamɔhei ni yɔɔ Israel shikpɔŋ lɛ nɔ lɛ fɛɛ moŋ, shi kɛ̃lɛ eye Yehowa anɔkwa ewala beiaŋ fɛɛ.

2 Kronika 29:16

Osɔfoi lɛ bote Yehowa We lɛ mli diɛŋtsɛ koni amɛyatsuu jɛi. Amɛloo nibii fɛɛ ni buleɔ Yehowa Sɔlemɔtsu lɛ kɛje kpo kɛba Yehowa We lɛ kpo teŋ lɛ mli; kɛkɛ ni Levibii lɛ hu loo nibii nɛɛ kɛtee amɛkɛyawo Kidron faa lɛ mli.

2 Kronika 30:14

Asafo lɛ kumɔ afɔleshãa latɛi kɛ tsofakɛŋmashãa latɛi ni amãmɔ yɛ Yerusalɛm heihei fɛɛ ni amɛloo fɛɛ amɛyatsi amɛshwie Kidron Faa lɛ jɔɔ lɛ mli.

2 Kronika 34:7

ni eyakumɔ jɛi hu afɔleshãa latɛi lɛ kɛ tsofakɛŋmashãa latɛi lɛ, ni egba wɔŋ koi lɛ, ni eshimɔ Asherim jemawɔŋ lɛ amãgãi lɛ kɛ amãgãi krokomɛi lɛ fɛɛ mɔnyɔmɔnyɔ yɛ Israel shikpɔŋ lɛ fɛɛ nɔ. Kɛkɛ ni eku esɛɛ kɛba Yerusalɛm.

2 Mose 32:20

Kɛkɛ ni Mose wo tsina lɛ ni maŋbii lɛ efee lɛ, ni ekɛwo la mli ni eshã, ni egbɛlɛ lɛ mlumlu, ni ekɛshwã nu hiɛ, ni ehã Israelbii lɛ nu.

2 Mose 34:13

Shi moŋ nyɛkumɔa amɛfɔleshãa latɛi lɛ kɛ amɛmãgãi lɛ, ni nyɛfitea amɛkrabatsai lɛ, ni nyɛfolɔa amɛ-Ashera lɛ wɔŋ koo lɛ nyɛshwiea.

3 Mose 26:30

Mibafite hei ni nyɛjaa yɛ, yɛ gɔji lɛ anɔ, kɛ ohɛ afɔleshãa latɛi lɛ; ni mibashɛrɛ nyɛgbohii lɛ mashwie nyɛmãgãi ni akumɔ ashwie shi lɛ anɔ.

Zakaria 13:3

Ni kɛji mɔ ko aaaba ekoŋŋ akɛ gbalɔ ji lɛ lɛ, etsɛ kɛ enyɛ ni fɔ lɛ tete aaakɛɛ lɛ akɛ, ‘Gbalɔ amalelɔ ji bo, ni osa gbele, ejaakɛ oomale yɛ Yehowa gbɛi mli.’ Ni kɛji ekã he eegba lolo lɛ etsɛ kɛ enyɛ ni fɔ lɛ lɛ baatsu lɛ nɔ̃, koni amɛgbe lɛ.

Marko 3:21

Be ni ewekumɛi nu he lɛ, amɛtee ni amɛyamɔ lɛ, ejaakɛ mɛi miikɛɛ akɛ eyiŋ miikã lɛ.

Yohane 18:1

Be ni Yesu wie nɛkɛ sɔlemɔ wiemɔi nɛɛ lɛ, ekɛ ekaselɔi lɛ je kpo amɛyafo Kedron faa lɛ kɛtee he ni trom ko yɔɔ lɛ ni ekɛ amɛ tee mli.

2 Korintobii 5:16

Belɛ, kɛjɛ ŋmɛnɛ nɔ kɛyaa nɛɛ, wɔleee mɔ ko mɔ ko dɔŋŋ yɛ gbɔmɛi asusumɔ naa; ni kɛ gbɔmɛi asusumɔ naa wɔle Kristo yɛ tete lɛ, agbɛnɛ lɛ wɔleee lɛ nakai dɔŋŋ.

5 Mose 33:9

Amɛkɛɛ yɛ amɛtsɛ kɛ amɛnyɛ he akɛ, ‘Wɔbuuu amɛ, ni amɛkwa amɛnyɛmimɛi, ni amɛshi amɛmusuŋbii asɛɛ, ejaakɛ amɛmɔ owiemɔ lɛ mli, ni amɛye okpãŋmɔ lɛ nɔ.

5 Mose 7:5

Bɔ ni nyɛkɛ amɛ aye ahã moŋ nɛ: amɛfɔleshãa latɛi lɛ nyɛkumɔa, ni amɛshiui ni amɛmamɔ lɛ nyɛjwaraa, ni amɛwɔŋkoi lɛ nyɛgbaa nyɛshwiea shi, ni amɛmãgãi lɛ nyɛmamɔa amɛnaa la nyɛshãa.

5 Mose 9:21

Kɛkɛ ni miwo tsina amãgã ni nyɛshwie lɛ, nɔ ni nyɛkɛtɔ̃ Yehowa nɔ lɛ, ni mishã, ni fee sɛɛ lɛ mishimɔ, ni miwiɛ lɛ kɛyashi efee munyɔmunyɔ tamɔ mlu, ni mitsi mlu nɛɛ mishwie faa ni jɛɔ gɔŋ lɛ nɔ hoɔ lɛ mli.