2 Kronika 14:4 - ŊMALƐ KRƆŊKRƆŊ LƐ

⁴ Kɛkɛ ni efã Yudabii fɛɛ akɛ amɛja Yehowa, ni ji amɛtsɛmɛi aNyɔŋmɔ, lɛ, asaŋ amɛye emlai lɛ kɛ ekitãi lɛ anɔ.

Ṅmãle̱ Kroṅkroṅ Le̱

⁴ [5.] Ni edšie hei groṅṅi le̱ ke̱ hũlũ amãgãi le̱ ye̱ Iuda mãdši le̱ fẽ amli. Ni maṅtše̱yeli le̱ no̱ dšo̱ ye̱ ehĩe.

2 Kronika 14:4 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

2 Kronika 11:16

Enɛ hã mɛi fɛɛ ni miitao akɛ amɛja Yehowa, Israel Nyɔŋmɔ lɛ, anɔkwale mli lɛ, fã kɛjɛ Israel akutsei lɛ fɛɛ amli kɛba Yerusalɛm bɔ ni afee ni amɛnyɛ amɛshã afɔle amɛhã amɛtsɛmɛi lɛ aNyɔŋmɔ lɛ.

2 Kronika 14:3

Egu maŋsɛɛ jemawɔji lɛ ajamɔhei lɛ hu, asaŋ ekumɔ shiui ni amãmɔ lɛ, ni efolɔ Ashera jemawɔŋ lɛ atsei lɛ eshwie shi.

2 Kronika 14:5

Maŋtsɛ Asa gu maŋsɛɛ jemawɔji ajamɔhei lɛ kɛ latɛi ni akɛshãa tsofakɛŋma akɛhãa amɛ lɛ fɛɛ yɛ Yuda shikpɔŋ lɛ nɔ maji fɛɛ amli. Enɛ hã toiŋjɔlɛ ba emaŋtsɛyeli lɛ mli yɛ eshishi.

2 Kronika 29:21

Amɛkɛ tsinahii kpawo kɛ ojwɛnii kpawo kɛ toobii kpawo kɛ tookpakpoi hu kpawo ba koni akɛshã afɔle kɛfɔ maŋtsɛyeli lɛ kɛ He Krɔŋkrɔŋ lɛ kɛ Yuda maŋ muu lɛ fɛɛ he muji lɛ. Kɛkɛ ni maŋtsɛ lɛ fã osɔfoi lɛ, ni ji Aaron shwiei lɛ, akɛ amɛkɛ kooloi lɛ ashã afɔle yɛ Yehowa afɔleshãa latɛ lɛ nɔ.

2 Kronika 29:27

Maŋtsɛ Hezekia fã akɛ abɔi shãa afɔle lɛ shãa. Be ni aje afɔle lɛ shãa shishi nɔŋŋ kɛkɛ ni maŋbii lɛ wo lala, ni akɛkafo Yehowa, ni lalatsɛmɛi lɛ hu bɔi David yinɔ obentai lɛ kɛ ŋoŋoi lɛ kɛ saŋkui lɛ tswaa kɛ tɛtɛrɛmantɛrɛ lɛ hu kpãmɔ.

2 Kronika 29:30

No sɛɛ lɛ, Hezekia kɛ maŋ onukpai lɛ bi Levibii lɛ akɛ amɛla lalai ni David folɔ lɛ kɛ nɔ ni Gbalɔ Asaf hu folɔ lɛ amɛkɛjie Yehowa yi. Kɛkɛ ni asafo lɛ koto shi, ni amɛja Nyɔŋmɔ.

2 Kronika 30:12

Nyɔŋmɔ nine kã Yudabii lɛ ahe, ni ehã amɛ fɛɛ amɛna jwɛŋmɔ kome kɛfee ekome, ni amɛye maŋtsɛ lɛ kɛ maŋ onukpai lɛ agbɛjianɔtoi lɛ anɔ, ni amɛkɛfee Nyɔŋmɔ suɔmɔnaanii.

2 Kronika 30:19

“Yehowa, wɔtsɛmɛi lɛ aNyɔŋmɔ, yɛ omlihilɛ naa lɛ mɔ fɛɛ mɔ ni miitao osɛɛgbɛ kɛ etsuiŋ fɛɛ lɛ, kɛji etsuuko ehe yɛ Sɔlemɔ we lɛ mlai lɛ anaa tete lɛ okɛ etɔ̃mɔ lɛ afa lɛ.”

2 Kronika 33:16

Ni esaa ema afɔleshãa latɛ lɛ nɔ ni akɛjaa Yehowa lɛ, ni eshã shidaa afɔlei kɛ yijiemɔ afɔlei hu yɛ nɔ; ni efã Yudabii fɛɛ akɛ amɛsɔmɔ Yehowa, Israel Nyɔŋmɔ, lɛ.

Nehemia 13:9

Kɛkɛ ni mifã akɛ asha nitoohei lɛ amli koni akɛtsuu amɛmli: ni mihã akɛ Nyɔŋmɔ We lɛ mli nibii lɛ kɛ niyenii afɔlei lɛ kɛ krɔbɔo lɛ ku sɛɛ akɛbato jɛi ekoŋŋ.

Lalai 119:10

Mitaoɔ osɛɛgbɛ kɛ mitsui muu lɛ fɛɛ; kaahã migba afã kɛje okitãi lɛ ahe.

Amos 5:4

Nɔ ni Yehowa kɛɔ Israelbii ji akɛ, “Nyɛtaoa mi misɛɛgbɛ, ni nyɛyi aaana wala,

Yoshua 24:15

Kɛji esaaa nyɛhiɛ akɛ nyɛaasɔ̃mɔ Yehowa lɛ, no lɛ ŋmɛnɛ gbi nɛɛ lɛ nyɛkɔa mɔ ni nyɛaasɔ̃mɔ, nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia shikpɔŋ lɛ nɔ lɛ ni jio, Amorbii ni nyɛyɔɔ amɛshikpɔŋ nɔ nɛɛ anyɔŋmɔi lɛ ni jio, nyɛkɔa; shi mi lɛ, mi kɛ miwe lɛ wɔbaasɔmɔ Yehowa.”

1 Samuel 3:13

Mikɛɛ lɛ mito akɛ mibagbala ewe lɛ toi kɛya naanɔ yɛ nɔ sha ni ele lɛ hewɔ, ejaakɛ ebihii lɛ bɔ musu amɛshi mi, Nyɔŋmɔ, shi etutuuu ehiɛ ewooo amɛ.