2 Kronika 14:2 - ŊMALƐ KRƆŊKRƆŊ LƐ

² Asa jeŋba sa Yehowa eNyɔŋmɔ lɛ hiɛ ejaakɛ efee nɔ ni hi kɛ nɔ ni ja hu.

Ṅmãle̱ Kroṅkroṅ Le̱

² [3.] edšake̱ edšie maṅse̱ afo̱lešãlate̱i ke̱ hei groṅṅi le̱, ni ekũmo̱ amãgãi le̱, ni eflo̱ wo̱ṅkōi le̱ eſie ši;

2 Kronika 14:2 ပူးပေါင်းရင်းမြစ်များ

1 Maŋtsɛmɛi 15:11

Asa fee nɔ ni sa Yehowa hiɛ tamɔ bɔ ni eblematsɛ David fee lɛ.

1 Maŋtsɛmɛi 15:12

Eshwie hii kɛ yei fɛɛ ni kɛ amɛhe bɔɔ ajwamãŋ yɛ jamɔhei lɛ fɛɛ yɛ shikpɔŋ lɛ nɔ, ni ejie amãgãi ni etsɛmɛi lɛ fee lɛ fɛɛ hu.

1 Maŋtsɛmɛi 15:14

Yɛ mli akɛ Asa fiteee jamɔhei grɔŋŋi lɛ moŋ nɛ, shi kɛ̃lɛ eye Yehowa anɔkwa ewala bei abɔ fɛɛ.

2 Kronika 14:1

Maŋtsɛ Abia tsɔ̃ esɛɛ, ni afu lɛ yɛ David Maŋ lɛ mli. Ebi Asa baye maŋtsɛ yɛ esɛɛ, ni eyinɔ lɛ shikpɔŋ lɛ nɔ jɔ afii nyɔŋma.

2 Kronika 14:3

Egu maŋsɛɛ jemawɔji lɛ ajamɔhei lɛ hu, asaŋ ekumɔ shiui ni amãmɔ lɛ, ni efolɔ Ashera jemawɔŋ lɛ atsei lɛ eshwie shi.

2 Kronika 15:16

Maŋtsɛ Asa kpa enyɛ Maaka tete po akɛ maŋnyɛ ejaakɛ Maaka fee hiɛgbejianii, no ji akɛ ema amãgã ehã jemawɔŋ Ashera lɛ. Asa kumɔ amãgã ni enyɛ ma lɛ, ni ejwra lɛ wɔtsɔwɔtsɔ ni eyashã amãgã lɛ yɛ Kidron Jɔɔ lɛ mli.

2 Kronika 17:6

Ni akɛni eye Nyɔŋmɔjamɔ he awuŋã hewɔ lɛ, egu hei ni ajaa jemawɔji yɛ fɛɛ lɛ, ni asaŋ efolɔ jemawɔŋ yoo Ashera lɛ tsei lɛ fɛɛ hu yɛ Yuda.

2 Kronika 20:32

Ehi shi tamɔ etsɛ Asa hi shi lɛ pɛpɛɛpɛ. Eyagbaaa afã shi eba ejeŋ bɔ pɛ ni Yehowa taoɔ,

2 Kronika 21:12

Kɛkɛ ni Gbalɔ Elia ŋma Maŋtsɛ Yehoram wolo, ni ekɛɛ lɛ akɛ, “Naa nɔ ni Yehowa, ni ji otsɛ David Nyɔŋmɔ lɛ, kɛɔ: ‘Ohiko shi tamɔ otsɛ Maŋtsɛ Yehoshafat, loo onii Maŋtsɛ Asa, hi shi lɛ.

2 Kronika 31:1

Be ni agbe gbijurɔ lɛ yeli naa lɛ, Israelbii fɛɛ ni baye gbijurɔ lɛ teetee Yuda kɛ Benyamin maji lɛ amli, ni amɛyakumɔ jemawɔji amãgãi lɛ fɛɛ, ni amɛgba Asherim jemawɔŋ lɛ koi lɛ fɛɛ, ni amɛfitefitee hei grɔŋgrɔŋŋ ni ajaa jemawɔji yɛ lɛ fɛɛ, kɛ afɔleshãa latɛi fɛɛ ni yɔɔ jɛi lɛ hu. Amɛyafite nibii nɛɛ ahenɔi fɛɛ ni yɔɔ Efraim kɛ Manase hu fɛɛ kɛyashi eshwɛɛɛ ekome folo. Kɛkɛ ni Israelbii lɛ fɛɛ hu ku amɛsɛɛ kɛtee amɛkutsei ashikpɔji lɛ anɔ, ni mɔ fɛɛ mɔ tee ewe.

2 Kronika 31:20

Nɔ ni Maŋtsɛ Hezekia tsu yɛ Yuda shikpɔŋ lɛ nɔ fɛɛ ji enɛ. Efee nii ni hi kɛ nii ni ja; ni eye anɔkwa hu yɛ Yehowa, eNyɔŋmɔ lɛ hiɛ.

2 Kronika 34:7

ni eyakumɔ jɛi hu afɔleshãa latɛi lɛ kɛ tsofakɛŋmashãa latɛi lɛ, ni egba wɔŋ koi lɛ, ni eshimɔ Asherim jemawɔŋ lɛ amãgãi lɛ kɛ amãgãi krokomɛi lɛ fɛɛ mɔnyɔmɔnyɔ yɛ Israel shikpɔŋ lɛ fɛɛ nɔ. Kɛkɛ ni eku esɛɛ kɛba Yerusalɛm.

2 Mose 23:24

Nyɛkajaa ni nyɛkasɔ̃mɔa amɛnyɔŋmɔi lɛ, asaŋ nyɛkakasea gbɔmɛi nɛɛ anifeemɔ nii hu, shi moŋ nyɛbutua amɛnyɔŋmɔi lɛ, ni nyɛkumɔa amɛshiui lɛ butubutu nyɛshwiea shi.

Luka 1:75

yɛ hetsemɔ kɛ jalɛ mli yɛ ehiɛ wɔgbii abɔ fɛɛ.

5 Mose 12:3

Nyɛkumɔa amɛfɔleshãa latɛi lɛ kɛ shiui ni amɛkɛ tɛi emamɔ lɛ nyɛshwiea; ni amɛ, Ashera, wɔŋ koi lɛ nyɛshãa; amɛtso amãgãi lɛ nyɛfolɔa mli nyɛshwiea shi, koni akaja amɛ yɛ hei nɛɛ dɔŋŋ kɛjɛ kɛyaa nɛɛ.