2 Kronika 13:8 - ŊMALƐ KRƆŊKRƆŊ LƐ

⁸ Ŋmɛnɛ lɛ nyɛ hu nyɛte shi kɛmiishi hewalɛ ni Yehowa ejɔɔ nɔ ehã David shwiei lɛ ejaakɛ nyɛyi fa, ni asaŋ nyɛhiɛ shika tsinabii lɛ ni Yeroboam fee hã nyɛ akɛ nyɛnyɔŋmɔi lɛ.

Ṅmãle̱ Kroṅkroṅ Le̱

⁸ Ni agbe̱ne̱ nyekē̱ nyemīte ši nyewo Iehowa maṅtše̱yeli le̱ ní yo̱ David bii le̱ adeṅ le̱, edšake̱ nyeyi fá, ni nyehĩe *šika tšinabii ní Ierobeam fe hānye ake̱ nyoṅmo̱i le̱. *1 Maṅ. 12,28.

2 Kronika 13:8 ပူးပေါင်းရင်းမြစ်များ

1 Maŋtsɛmɛi 12:28

No hewɔ lɛ, be ni maŋtsɛ lɛ ejwɛŋ sane lɛ he sɛɛ lɛ, efee shika tsinabii amãgãi enyɔ, ni ekɛɛ emaŋbii lɛ akɛ, “Shii abɔ ni nyɛyaa Yerusalɛm nyɛyajaa lɛ efa. Ao Israel, naa onyɔŋmɔi ni yajie bo kɛjɛ Ijipt shikpɔŋ lɛ nɔ lɛ!”

1 Maŋtsɛmɛi 12:29

Ni eŋɔ shika tsinabii amãgãi lɛ ateŋ ekome emã Betel, ni ekɛ ekome hu mã Dan.

1 Maŋtsɛmɛi 14:9

Shi bo lɛ, ofee efɔŋ fe mɛi fɛɛ ni etsɔ̃ ohiɛ lɛ. Oto oyiŋ, ni oyafee nyɔŋmɔi krokomɛi kɛ amãgãi ni ashwie ohã ohe, ni okɛwo mimli la; ni mi lɛ oshɛ mi ofɔ̃ osɛɛ kwa.

2 Kronika 11:15

Yeroboam wo lɛ diɛŋtsɛ esɔfoi koni amɛsɔmɔ yɛ wɔji ajamɔhei lɛ kɛ tsinabi amãgãi ni efee lɛ.

2 Kronika 20:12

WɔNyɔŋmɔ, tɔɔ wɔhe owele ohã wɔ ejaakɛ wɔhe waaa, ni ta kpeteŋkple ni baa wɔnɔ nɛɛ lɛ wɔnyɛŋ amɛhiɛ wɔdamɔ. Ataa, wɔleee bɔ ni wɔɔfee, bo kɛkɛ wɔkwɛɔ nɛɛ.”

2 Kronika 20:6

ni ekɛɛ akɛ, “Yehowa, wɔtsɛmɛi aNyɔŋmɔ, bo ji Nyɔŋmɔ ni yɔɔ ŋwɛi, asaŋ mɔ ni yeɔ je lɛ mli maji fɛɛ anɔ. Bo oyɔɔ hewalɛ kɛ nyɛmɔ, ni mɔ ko kwraa bɛ ni baanyɛ bo onaa aku.

2 Kronika 9:8

Ajie Yehowa, oNyɔŋmɔ lɛ, yi akɛ esa ehiɛ ni ekɛ bo ta emaŋtsɛ sɛi lɛ nɔ koni oye maŋtsɛ yɛ biɛ. Akɛni oNyɔŋmɔ lɛ miidɔ Israel he ni eeesumɔ akɛ ebaa amɛyi kɛya naanɔ lɛ, no hewɔ eto bo Israel maŋtsɛ lɛ koni okojo ni oye jalɛ sane yɛ amɛteŋ.”

Lalai 33:16

Jeee tabilɔi babaoo hãa maŋtsɛ yeɔ kunim; jeee tawulɔ ekãalɔ hewalɛ kpele lɛ hereɔ eyiwala.

Luka 19:14

Shi emaŋbii lɛ nyɛ lɛ, ni amɛtsu bɔfoi kɛnyiɛ esɛɛ ni amɛyakɛɛ akɛ, ‘Wɔsumɔɔɔ ni mɔ nɛ abaye wɔnɔ maŋtsɛ.’

Luka 19:27

“Shi nakai mihenyɛlɔi lɛ ni sumɔɔɔ akɛ miye amɛnɔ maŋtsɛ lɛ, nyɛkɛ amɛ abaa biɛ ni nyɛbagbea amɛ yɛ mihiɛ nɛɛ!”