2 Kronika 13:18 - ŊMALƐ KRƆŊKRƆŊ LƐ

¹⁸ Belɛ Yudabii lɛ ye Israelbii lɛ anɔ kunim ejaakɛ Yudabii lɛ kɛ amɛhiɛ fɔ̃ Yehowa ni ji amɛtsɛmɛi aNyɔŋmɔ lɛ nɔ.

Ṅmãle̱ Kroṅkroṅ Le̱

¹⁸ Ni aba Israelbii le̱ aši ye̱ nakai be le̱ mli; ši Iudabii le̱ ná hewale̱, edšake̱ ame̱ṅõ ame̱hĩe ame̱fõ Iehowa, ame̱tše̱mei a-Nyoṅmo̱ le̱, no̱.

2 Kronika 13:18 ပူးပေါင်းရင်းမြစ်များ

2 Maŋtsɛmɛi 18:5

Hezekia ŋɔ ehiɛ efɔ̃ Yehowa, Israel Nyɔŋmɔ lɛ nɔ, bɔ sɔŋŋ ni Yuda maŋtsɛmɛi ni baye nɔ kɛtsɔ̃ ehiɛ kɛ mɛi ni nyiɛ esɛɛ fɛɛ lɛ ateŋ mɔ ko mɔ ko ninaaa lɛ.

1 Kronika 5:20

Hagribii lɛ na mɛi yafata amɛhe yɛ ta mli, kɛ̃lɛ aye amɛ kɛ mɛi ni yafata amɛhe lɛ fɛɛ nɔ kunim, ejaakɛ Rubenbii lɛ kɛ Gadbii lɛ kɛ Bokãgbɛ Manasebii lɛ sɔle amɛtsɛ Naa Nyɔŋmɔ koni eye ebua amɛ yɛ ta lɛ mli. Naa Nyɔŋmɔ bo amɛsɔlemɔ lɛ toi ejaakɛ amɛkɛ amɛhiɛ fɔ enɔ.

2 Kronika 13:17

Abia kɛ Yudabii lɛ ye Israelbii lɛ anɔ butuu kwraa. Israel hii kakabãŋi lɛ ateŋ akpei ohai enumɔ nyɔnyɔɔ yɛ ta lɛ mli.

2 Kronika 13:19

Abia tiu Yeroboam kɛ etabilɔi lɛ kɛ eta lɛ, ni eyashɔ maji komɛi yɛ edɛŋ. Maji nɛɛ ji Betel kɛ Yeshana kɛ Efron, amɛteŋ eko fɛɛ eko lɛ kɛ ehe akrowai hu.

2 Kronika 14:10

No hewɔ lɛ, Asa hu fã kɛ etabilɔi koni ekɛ Zera eyakpe. Biɛ kɛ biɛ lɛ gba ta yɛ Zefata Jɔɔ lɛ mli yɛ Maresha.

2 Kronika 14:11

Kɛkɛ ni Asa sɔle etsɛ Yehowa, eNyɔŋmɔ lɛ, ni ekɛɛ akɛ, “Oo! Yehowa, bo lɛ mɔ ko bɛ ni eyeɔ ebuaa hewalɔ kɛ mɔ ni bɛ hewalɛ fɛɛ tamɔ ofeɔ lɛ. Ŋmɛlɛtswaa nɛɛ mli lɛ ye obua wɔ, Yehowa, wɔNyɔŋmɔ, ejaakɛ bo onɔ wɔhiɛ kã, ni asaŋ bo ogbɛi mli wɔba yɛ wɔkɛ ta kpeteŋkple nɛɛ baawu. Ao! Yehowa, bo ji wɔNyɔŋmɔ, ni kaahã adesa ko nine miitsɔ̃ wɔnɔ.”

2 Kronika 20:20

Yuda hii lɛ kɛ Yerusalɛm hii lɛ fã enɔ jetsɛremɔ leebi maŋkpa kɛtee Tekoa shiaŋa lɛ nɔ. Shi dani amɛfã lɛ Yehoshafat ho edamɔ shi ni ekɛ ta lɛ wie. Ekɛɛ amɛ akɛ, “Agoo! Yuda hii kɛ Yerusalɛm hii, nyɛhea Yehowa, nyɛNyɔŋmɔ lɛ, nyɛyea, ni nyɛbaanyɛ shi nyɛfi; ni nyɛhea gbalɔi lɛ hu nyɛyea, ni nyɛbaaye omanye.”

Lalai 146:5

Ajɔɔ gbɔmɔ ni Yakob Nyɔŋmɔ lɛ ji eyelikɛbualɔ, mɔ ni ehiɛ kãa Yehowa, eNyɔŋmɔ lɛ nɔ lɛ.

Lalai 25:2

Oo miNyɔŋmɔ, bo onɔ mihiɛ kã, kaahã mihiɛ miishwie shi, kaahã mihenyɛlɔi lɛ miiye mi yɔɔ.

Daniel 3:28

Maŋtsɛ Nebukadnezar kɛɛ akɛ, “Ajie Shadrak kɛ Meshak kɛ Abednego Nyɔŋmɔ lɛ yi, ejaakɛ etsu ebɔfo, ni ebahere etsuji lɛ ni kɛ amɛhiɛ fɔ̃ enɔ lɛ kɛje gbele mli. Amɛtse mifãmɔ lɛ hiɛ atua, ni amɛkã kitã akɛ nɔ ni amɛaaja he ko bii anyɔŋmɔ fe amɛNyɔŋmɔ lɛ amɛkɛ amɛwala moŋ baatse.

Nahum 1:7

Yehowa hi, etsɔ̃ɔ teemɔhe yɛ amanehulu be mli, ni ebaa mɛi ni baa lɛ abo lɛ ayi.

Efesobii 1:12

bɔ ni afee ni wɔ mɛi ni wɔtsɔ̃ hiɛ wɔkɛ wɔhiɛ efɔ̃ Kristo nɔ lɛ, wɔtsɔ̃mɔ enunyam lɛ yijiemɔ.