2 Kronika 13:16 - ŊMALƐ KRƆŊKRƆŊ LƐ

¹⁶ Israel tabilɔi lɛ jo foi yɛ Yudabii lɛ ahiɛ, ni Nyɔŋmɔ hã Yudabii lɛ anine tsɔ̃ Israelbii lɛ anɔ.

Ṅmãle̱ Kroṅkroṅ Le̱

¹⁶ Ni Israelbii le̱ dšo foi ye̱ Iuda hĩe, ni Nyoṅmo̱ tuame̱ ewo ame̱deṅ,

2 Kronika 13:16 ပူးပေါင်းရင်းမြစ်များ

1 Mose 14:20

ni ajie Ŋwɛi Flooflo Nyɔŋmɔ lɛ ni hã oye ohenyɛlɔi lɛ anɔ kunim lɛ yi.” Ni Abram hã Melkizedek nii lɛ fɛɛ mlijai nyɔŋma mli ekome.

2 Kronika 13:17

Abia kɛ Yudabii lɛ ye Israelbii lɛ anɔ butuu kwraa. Israel hii kakabãŋi lɛ ateŋ akpei ohai enumɔ nyɔnyɔɔ yɛ ta lɛ mli.

2 Kronika 16:8

Ani Etiopiabii lɛ kɛ Libiabii lɛ ayi faaa kwraa fe amɛ, asaŋ kɛ amɛtayaa shwiilii kɛ okpɔŋɔnɔtalɔi hu babaoo diɛŋtsɛ? Shi te ni nakai be lɛ okɛ ohe fɔ̃ Yehowa nɔ lɛ, ehã oye amɛnɔ kunim?

5 Mose 2:36

Kɛjɛ Aroer maŋ lɛ ni kã Arnon Faa lɛ jɔɔ lɛ toi, kɛ maŋ lɛ ni yɔɔ jɔɔ lɛ teŋ kɛyashi Gilead maŋ lɛ mli tɔ̃ɔ lɛ, maŋ ko maŋ ko bɛ ni wɔyeee enɔ kunim. Yehowa, wɔNyɔŋmɔ lɛ, jɔɔ eko fɛɛ eko nɔ ehã wɔ.

5 Mose 3:3

“No hewɔ lɛ, Yehowa, wɔNyɔŋmɔ lɛ, hã wɔye Bashan Maŋtsɛ Og hu kɛ etabilɔi lɛ fɛɛ anɔ kunim, ni wɔgbe amɛ kɛyashi eshwɛɛɛ gbɔmɔ hiɛkãalɔ kome nɛkɛ.

Yoshua 10:12

Gbi nɔ ni Yehowa hã Israelbii lɛ ye Amorbii lɛ anɔ kunim nɛɛ lɛ, Yoshua kɛ Yehowa wie yɛ Israelbii lɛ fɛɛ ahiɛ, ni ekɛɛ akɛ, “Hulu, wa odamɔ shi yɛ Gibeon! Nyɔɔŋtsere bo hu wa yɛ Ayalon Jɔɔ lɛŋ!”

Yoshua 21:44

Yehowa hã amɛna hejɔlɛ yɛ shikpɔŋ lɛ nɔ he fɛɛ he tamɔ bɔ ni ewo amɛtsɛmɛi lɛ shi lɛ pɛpɛɛpɛ. Amɛhenyɛlɔi lɛ ateŋ mɔ ko mɔ ko kwraa nyɛɛɛ amɛhiɛ adamɔ, ejaakɛ Yehowa hã amɛye amɛhenyɛlɔi lɛ fɛɛ anɔ kunim.

Kojolɔi 1:4

Yuda kɛ Simeon fã kɛtee. Yehowa hã amɛye Kanaanbii kɛ Perizbii lɛ anɔ kunim, ni amɛye mɛi akpei nyɔŋma anɔ kunim yɛ Bezek.

Kojolɔi 11:21

Shi Yehowa, Israel Nyɔŋmɔ lɛ, hã Israelbii lɛ ye Sihon kɛ emaŋ lɛ fɛɛ nɔ kunim. No hewɔ lɛ, Israelbii lɛ ŋɔ Amorbii ashikpɔŋ muu lɛ fɛɛ ni amɛyɔɔ nɔ lɛ amɛfee amɛnɔ.

1 Samuel 23:7

Be ni ayagba Saul akɛ David yɛ Keila lɛ, nɔ ni Saul kɛɛ ji akɛ “Nyɔŋmɔ ejie David ewo midɛŋ, ejaakɛ akɛni eyabote maŋ ni agboi kɛ amɛsɛɛ adabaŋi tara naa mli nɛɛ lɛ, esa lɛ diɛŋtsɛ ehe yi.”